Viral News: ಇವರೇನು ಹೀಗೆ? ವೋಟ್ ಮಾಡೋಕೆ ಒಳ ಉಡುಪಿನಲ್ಲಿ ಬಂದ ಜನ

ಆಸ್ಟ್ರೇಲಿಯಾದ ಸಾರ್ವತ್ರಿಕ ಚುನಾವಣೆಯಲ್ಲಿ, ಹೆಚ್ಚಿನ ಸಂಖ್ಯೆಯ ಜನರು ಕೇವಲ ಒಳ ಉಡುಪುಗಳನ್ನು ಧರಿಸಿ ಮತ ಚಲಾಯಿಸಿದರು. ವಾಸ್ತವವಾಗಿ, ಒಳ ಉಡುಪುಗಳನ್ನು ಮಾತ್ರ ಧರಿಸಿ ಮತ ಚಲಾಯಿಸುವ ಯಾರಿಗಾದರೂ ಒಳ ಉಡುಪು ಕಂಪನಿಯು ಉಚಿತ ಒಳ ಉಡುಪುಗಳನ್ನು ನೀಡಿತ್ತು.

ಅಂಡರ್ ಗಾರ್ಮೆಂಟ್ ಕಂಪನಿ ಘೋಷಣೆ ಕೇಳಿ ನೂರಾರು ಮಂದಿ ಈ ಸವಾಲನ್ನು ಸ್ವೀಕರಿಸಿದ್ದು, ಒಳ ಉಡುಪನ್ನು ಮಾತ್ರ ಧರಿಸಿ ಹೆಚ್ಚಿನ ಸಂಖ್ಯೆಯಲ್ಲಿ ಮತಗಟ್ಟೆಗೆ ಆಗಮಿಸಿದ್ದರು. ಇಂತಹ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

ಕಂಪನಿಯ ಪ್ರಕಾರ, ಒಂದು ಜೊತೆ ಒಳಉಡುಪುಗಳನ್ನು ಉಚಿತವಾಗಿ ಪಡೆಯಲು, ಮತದಾರರು ತಮ್ಮ ಕಂಪನಿಯ ಒಳ ಉಡುಪುಗಳಲ್ಲಿ ಬಂದು ಮತ ಚಲಾಯಿಸಬೇಕು ಮತ್ತು #SmugglersDecide ಎಂಬ ಹ್ಯಾಶ್‌ಟ್ಯಾಗ್‌ನೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಫೋಟೋವನ್ನು ಹಂಚಿಕೊಳ್ಳಬೇಕು. ಹಾಗೆ ಮಾಡಿದವರಿಗೆ ಕಂಪನಿಯಿಂದ ಒಳಉಡುಪುಗಳನ್ನು ಉಚಿತವಾಗಿ ನೀಡಲಾಗುತ್ತಿತ್ತು

ಆಸ್ಟ್ರೇಲಿಯಾದ ಅತಿದೊಡ್ಡ ಈಜುಡುಗೆಯ ಕಂಪನಿಗಳಲ್ಲಿ ಒಂದಾದ ಬಝೀ ಸ್ಮಗ್ಲರ್ ಈ ಘೋಷಣೆ ಮಾಡಿದೆ. ಪ್ಯಾಂಟ್ ಇಲ್ಲದೆ ಮತದಾನ ಮಾಡುವ ಸಾಂವಿಧಾನಿಕ ಹಕ್ಕನ್ನು ಚಲಾಯಿಸುವ ಯಾರಿಗಾದರೂ ತನ್ನ ಸ್ಟಾಕ್‌ನಿಂದ ಒಂದು ಜೊತೆ ಉಚಿತ ಒಳ ಉಡುಪುಗಳನ್ನು ನೀಡುವುದಾಗಿ ಕಂಪನಿ ಹೇಳಿಕೆಯಲ್ಲಿ ತಿಳಿಸಿದೆ

ಅಗಾಧ ಪ್ರತಿಕ್ರಿಯೆಯ ನಂತರ ಸ್ಮಗ್ಲರ್ ಕಂಪನಿಯ ಮಾಲೀಕ ಆಡಮ್ ಲಿನ್ಫೋರ್ತ್ ಹೇಳಿದರು, "ಒಬ್ಬ ಅಥವಾ ಇಬ್ಬರು ಇದನ್ನು ಮಾಡುತ್ತಾರೆ ಎಂದು ನಾವು ಭಾವಿಸಿದ್ದೇವೆ. ಆದರೆ, ನೂರಾರು ಜನ ಸೇರಿದ್ದರು. ಇದು ಕಂಪನಿಗೆ ದುಬಾರಿ ವೆಚ್ಚವಾಗಲಿದೆ.

ಸೋಮವಾರದಿಂದ (ಮೇ 23, 2022) ಭಾಗವಹಿಸಿದವರಿಗೆ ವೋಚರ್‌ಗಳನ್ನು ಕಳುಹಿಸಲು ಪ್ರಾರಂಭಿಸುವುದಾಗಿ ಕಂಪನಿ ಹೇಳಿದೆ.