Vaccination Lottery: ಒಂದು ಡೋಸ್​ ವ್ಯಾಕ್ಸಿನ್ ಹಾಕಿಸಿ 1 ಮಿಲಿಯನ್​ ಗೆದ್ದ ಯುವತಿ​: ಅದು ಹೇಗೆ? ನೀವೇ ನೋಡಿ

ವ್ಯಾಕ್ಸಿನ್​ ಹಾಕಿಸಿಕೊಳ್ಳಿ ಅಂದರೆ ನಮ್ಮ ಜನ ಮೊದಲೆಲ್ಲ ತಲೆಕೆಡಿಸಿಕೊಳ್ಳುತ್ತಿರಲಿಲ್ಲ. ಯಾವಾಗ ಈ ಕೊರೋನಾ ಅಬ್ಬರ ಹೆಚ್ಚಾಯ್ತೋ ಆಗ ಎಲ್ಲರು ಸಂಜೀವಿನಿಗಾಗಿ ಮುಗಿಬಿದ್ದರು. ಆದರೆ ಇಲ್ಲೊಬ್ಬ ಮಹಿಳೆ ವ್ಯಾಕ್ಸಿನೇಷನ್​ ಹಾಕಿಸಿ ಒನ್​ ಮಿಲಿಯನ್​ ಎಯುಡಿ ಹಣವನ್ನು ಗೆದಿದ್ದಾಳೆ ಅದು ಹೇಗೆ ಅಂತೀರಾ? ಮುಂದೆ ನೋಡಿ

ಹೌದು ಆಸ್ಟ್ರೇಲಿಯಾದಲ್ಲಿ 25 ವರ್ಷದ  ಜೋನ್ನೆ ಝು  ಎಂಬ ಯುವತಿ ಒಂದು ಮಿಲಿಯನ್​ ಆಸ್ಟ್ರೇಲಿಯನ್ ಕರೆನ್ಸಿ ಗೆದ್ದಿದ್ದಾಳೆ. ಅದು ಕೇವಲ ಒಂದು ವ್ಯಾಕ್ಸಿನೇಷನ್​ ಹಾಕಿಸಿ ಅಂದರೆ ನಂಬಲು ಸಾಧ್ಯವಿಲ್ಲ ಆದರೂ ಇದು ನಿಜ.

ಅಕ್ಟೋಬರ್​ ತಿಂಗಳಲ್ಲಿ ಈ ವ್ಯಾಕ್ಸಿನ್​ ಲಾಟರಿಯನ್ನು ಅಲ್ಲಿನ ಸರ್ಕಾರ ಆಯೋಜನೆ ಮಾಡಿತ್ತು. ಇದು ವ್ಯಾಕ್ಸಿನ್​ ಹಾಕಿಸಿಕೊಳ್ಳುವವರ ಸಂಖ್ಯೆಯನ್ನು ಹೆಚ್ಚಿಸಲು ಈ ರೀತಿ ಮಾಡಲಾಗಿತ್ತು. ಹಣ ಸಿಗುತ್ತೆ ಎಂದ ತಕ್ಷಣ ಸಾವಿರಾರು ಸಂಖ್ಯೆಯಲ್ಲಿ ಜನ ವ್ಯಾಕ್ಸಿನ್ ಹಾಕಿಸಿಕೊಂಡಿದ್ದರು.

ಈ ವ್ಯಾಕ್ಸಿನೇಷನ್​ ಲಾಟರಿಯಲ್ಲಿ ​ಜೋನ್ನೆ ಝು ಎಂಬಾಕೆ ಗೆದ್ದಿದ್ದಾಳೆ. ಲಕ್ಕಿ ಡಿಪ್​ ಮೂಲಕ ವಿಜೇತರನ್ನ ಆಯ್ಕೆ ಮಾಡಲಾಗಿತ್ತು. ಜೋನ್ನೆ ಝು ಭಾರತದ ಕರೆನ್ಸಿ ಪ್ರಕಾರ 5 ಕೋಟಿಯ 49 ಲಕ್ಷ ರೂಪಾಯಿ ಹಣವನ್ನು ಗೆದ್ದಿದ್ದಾರೆ.

ಈ ಬಗ್ಗೆ ಜೋನ್ನೆ ಝು ಸಂತಸ ವ್ಯಕ್ತಪಡಿಸಿದ್ದಾಳೆ. ನನಗೆ ಕರೆ ಬಂದಾಗ ನಾನು ಆಫೀಸ್​ನಲ್ಲಿದ್ದ ಕಾರಣ, ಸರಿಯಾಗಿ ಮಾತನಾಡಿಲ್ಲ. ಬಳಿಕ ಮನೆಗೆ ಬಂದು ಅದೇ ನಂಬರ್​ಗೆ ಕರೆ ಮಾಡಿದಾಗ ಅವರು ನೀವು ಒಂದು ಮಿಲಿಯನ್ ಹಣ ಗೆದ್ದಿದ್ದೀರಾ ಅಂತ ಹೇಳಿದರು ಎಂದು ಝು ತಿಳಿಸಿದ್ದಾರೆ.

ಹಣ ಬಂದ ಬಳಿಕ ಜೋನ್ನೆ ಝು ತನ್ನ ಸ್ನೇಹಿತರನೆಲ್ಲ ರೆಸ್ಟೋರೆಂಟ್​​ಗೆ ಕರೆದುಕೊಂಡು ಹೋಗಿದ್ದಳು. ಈ ವೇಳೆ ಚೀನಾದಲ್ಲಿರುವ ತನ್ನ ಕುಟುಂಬವನ್ನು ಆಸ್ಟ್ರೇಲಿಯಾಗೆ ಶಿಫ್ಟ್ ಮಾಡುವ ಆಸೆ ಇದೆ ಎಂದು ಹೇಳಿಕೊಂಡಿದ್ದಾಳೆ.

ಉಳಿದ ಹಣದಲ್ಲಿ ಬ್ಯುಸಿನೆಸ್​ ಮಾಡುವುದಾಗಿ ಆ ಯುವತಿ ಹೇಳಿಕೊಂಡಿದ್ದಾಳೆ. ಜೊತೆಗೆ ಆರ್ಥಿಕ ಸಂಕಷ್ಟದಿಂದ ಬಳಲುತ್ತಿರುವ ಕುಟುಂಬಗಳಿಗೆ ಸಹಾಯ ಮಾಡುವುದಾಗಿಯೂ ಹೇಳಿಕೊಂಡಿದ್ದಾಳೆ.

ಕೇವಲ ಒಂದು ವ್ಯಾಕ್ಸಿನ್​ ಹಾಕಿಸಿಕೊಂಡ ಈ ಮಹಿಳೆ ಒಂದು ಮಿಲಿಯನ್​ ಆಸ್ಟ್ರೇಲಿಯನ್​ ಕರೆನ್ಸಿ ಗೆದ್ದಿರುವುದು ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗುತ್ತಿದೆ. ನಮ್ಮ ಊರಿನಲ್ಲಿ ಈ ರೀತಿ ಏನಾದರೂ ಮಾಡಿ ಜನ ಆಗ ವ್ಯಾಕ್ಸಿನ ಹಾಕಿಸಿಕೊಳ್ಳಲು ಮುಗಿ ಬಿಳುತ್ತಾರೆ ಅಂತ ನೆಟ್ಟಿಗರು ಕಮೆಂಟ್​ ಮಾಡುತ್ತಿದ್ದಾರೆ.