Man Steals Puppy: ಮಾಂಸದ ಅಡುಗೆ ತಿನ್ನಲು ನಾಯಿಮರಿ ಕದ್ದ ವ್ಯಕ್ತಿ!

ಗೋವಾ ಪೊಲೀಸರಿಗೆ ವಿಚಿತ್ರ ಪ್ರಕರಣದಲ್ಲಿ ವ್ಯಕ್ತಿಯೊಬ್ಬ ಸಿಕ್ಕಿಬಿದ್ದಿದ್ದಾನೆ. ಅಸ್ಸಾಂ ಮೂಲಕದ ವ್ಯಕ್ತಿಯನ್ನು ಗೋವಾ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.

ಈತ ಚಿನ್ನವನ್ನೋ, ಹಣವನ್ನೋ ಕದ್ದಿಲ್ಲ, ಬದಲಾಗಿ ನಾಯಿ ಮರಿಯನ್ನು ಕದ್ದಿದ್ದಾನೆ. ಅದೂ ನಾಯಿ ಮಾಂಸದ ಅಡುಗೆ ತಿನ್ನುವುದಕ್ಕಾಗಿ.

ಘಟನೆಯ ಬಗ್ಗೆ ದೂರು ನೀಡಿರುವ ಸಾಕು ಪ್ರಾಣಿ ಪ್ರೇಮಿಯೊಬ್ಬರು, ಪ್ಲಾಸ್ಟಿಕ್ ಚೀಲದಲ್ಲಿ ನಾಯಿಮರಿ ಉಸಿರುಗಟ್ಟಿದ ಸ್ಥಿತಿಯಲ್ಲಿ ಕಂಡುಬಂದಿದ್ದರಿಂದ ಆರೋಪಿಗಳು ಅದನ್ನು ಸೇವಿಸಲು ತೆಗೆದುಕೊಂಡು ಹೋಗುತ್ತಿದ್ದರು ಎಂದು ಆರೋಪಿಸಿದ್ದಾರೆ.

ನಾವು ಸ್ಥಳೀಯ ವ್ಯಕ್ತಿಯಿಂದ ದೂರು ಸ್ವೀಕರಿಸಿದ ನಂತರ ಅವರನ್ನು ಬಂಧಿಸಿದ್ದೇವೆ. ನಾವು ಪ್ರಕರಣದ ತನಿಖೆ ನಡೆಸುತ್ತಿದ್ದೇವೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದರು.

ದಕ್ಷಿಣ ಗೋವಾದ ವೆರ್ನಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ಆರೋಪಿಯು ಪ್ಲಾಸ್ಟಿಕ್ ಚೀಲದಲ್ಲಿ ಈ ನಾಯಿಮರಿಯನ್ನು ತೆಗೆದುಕೊಂಡು ಹೋಗುತ್ತಿರುವುದನ್ನು ಕಂಡು ಸ್ಥಳೀಯ ವ್ಯಕ್ತಿ, ಸಾಕುಪ್ರೇಮಿಯೊಬ್ಬರು ತಿಳಿಸಿದ್ದಾರೆ.

ವಸತಿ ಸಮುಚ್ಚಯವೊಂದರಲ್ಲಿ ಸೆಕ್ಯುರಿಟಿ ಗಾರ್ಡ್‌ ಆಗಿ ಕೆಲಸ ಮಾಡುತ್ತಿರುವ ಸೋನೊವಾಲ್‌ ಆರಂಭದಲ್ಲಿ ಹೇಳಿದ್ದ ಪ್ರಕಾರ, ಸಂಕೀರ್ಣದಲ್ಲಿ ಉಳಿದುಕೊಂಡಿರುವ ಕುಟುಂಬದ ಸದಸ್ಯರಲ್ಲಿ ಒಬ್ಬರು ಈ ನಾಯಿಮರಿಯನ್ನು ತರುವಂತೆ ಕೇಳಿಕೊಂಡಿದ್ದರು ಎನ್ನಲಾಗಿದೆ.

ಆದರೂ, ದೂರುದಾರರು ಪೊಲೀಸರೊಂದಿಗೆ ಅವರನ್ನು ಭೇಟಿ ಮಾಡಿದಾಗ ಅವರು ಆರೋಪಿಯ ಹೇಳಿಕೆ ತಿರಸ್ಕರಿಸಿದರು. ಆರೋಪಿಯು ನಾಯಿ ಮರಿಯನ್ನು ಮಾಂಸ ತಿನ್ನಲು ಕದ್ದಿದ್ದಾನಾ ಎಂಬ ಕೋನದಿಂದ ವೆರ್ನಾ ಪೊಲೀಸರು ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.