Archana Gautam: ಯುಪಿ ಚುನಾವಣೆಯಲ್ಲಿ ಟಾಲಿವುಡ್ ಹೀರೋಯಿನ್, ಅರ್ಚನಾ ಗೌತಮ್​ಗೆ MLA ಟಿಕೆಟ್ ನೀಡಿದ ಕಾಂಗ್ರೆಸ್

ಅರ್ಚನಾ ಗೌತಮ್: ಉತ್ತರ ಪ್ರದೇಶ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷ 125 ಸ್ಥಾನಗಳಿಗೆ ತನ್ನ ಅಭ್ಯರ್ಥಿಗಳನ್ನು ಘೋಷಿಸಿದೆ. ಈ ಪಟ್ಟಿಯಲ್ಲಿ ಹೆಚ್ಚಾಗಿ ಕೇಳಿಬರುತ್ತಿರುವ ಹೆಸರು ಅರ್ಚನಾ ಗೌತಮ್. ಆಕೆ ಯಾರು? ಟಾಲಿವುಡ್​ ಜೊತೆ ಅವರ ಸಂಬಂಧ ಏನು? ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

ಮತ್ತೊಬ್ಬ ಸಿನಿಮಾ ತಾರೆ ರಾಜಕೀಯದಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ. ಹಾಟ್ ಬ್ಯೂಟಿ ಅರ್ಚನಾ ಗೌತಮ್ ಯುಪಿ ಚುನಾವಣಾ ಕಣಕ್ಕೆ ಇಳಿಯುತ್ತಿದ್ದಾರೆ. ಕಾಂಗ್ರೆಸ್ ಹೈಕಮಾಂಡ್ ಅವರಿಗೆ ಹಸ್ತಿನಾಪುರ ವಿಧಾನಸಭಾ ಟಿಕೆಟ್ ನೀಡಿದೆ. (ಚಿತ್ರ: Instagram)

ಅರ್ಚನಾ ಗೌತಮ್ ಉತ್ತರ ಪ್ರದೇಶದ ಮೀರತ್‌ನಲ್ಲಿ ಜನಿಸಿದರು. ಅವರಿಗೆ ಈಗ ಕೇವಲ 26 ವರ್ಷ. ಆದರೆ ಸಿನಿಮಾ ಕ್ಷೇತ್ರಕ್ಕೆ ಎಂಟ್ರಿ ಕೊಟ್ಟು 20 ವರ್ಷ ಕಳೆದರೂ ಕಡಿಮೆ ಸಮಯದಲ್ಲಿ ಹೆಚ್ಚು ಜನಪ್ರಿಯತೆ ಗಳಿಸಿದ್ದಾರೆ. (ಚಿತ್ರ: Instagram)

ನಟಿ ಅರ್ಚನಾ ಗೌತಮ್ ವೃತ್ತಿಪರ ಬಿಕಿನಿ ಹುಡುಗಿ. ಮಿಸ್ ಬಿಕಿನಿ ಇಂಡಿಯಾ 2018 ರ ಸೌಂದರ್ಯ ಸ್ಪರ್ಧೆಯಯಲ್ಲಿ ವಿಜೇತರಾಗಿದ್ದರು. ಅರ್ಚನಾ ಐಐಎಂಟಿಯಿಂದ ಬಿಜೆಎಂಸಿ ಮುಗಿಸಿದ್ದಾರೆ. ಅವರು ಮಿಸ್ ಉತ್ತರ ಪ್ರದೇಶ 2014, ಮಿಸ್ ಕಾಸ್ಮೊ ಇಂಡಿಯಾ 2018 ಸೇರಿದಂತೆ ಹಲವು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. (ಚಿತ್ರ: Instagram)

ಅರ್ಚನಾ ಗೌತಮ್ ತಮ್ಮ ಬಹುತೇಕ ಚಿತ್ರಗಳನ್ನು ಹಿಂದಿಯಲ್ಲಿ ಮಾಡಿದ್ದಾರೆ. 2016 ರಲ್ಲಿ ಗ್ರೇಟ್ ಗ್ರ್ಯಾಂಡ್ ಮಸ್ತಿ ಚಿತ್ರದ ಮೂಲಕ ಬಾಲಿವುಡ್ ಪ್ರವೇಶಿಸಿದರು. ದಿ ಗ್ರೇಟ್ ಗ್ರ್ಯಾಂಡ್ ಮಸ್ತಿ, ಹಸೀನಾ ಪಾರ್ಕರ್ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ಅರ್ಚನಾ ನಟಿಸಿದ್ದಾರೆ. (ಚಿತ್ರ: Instagram)

ಕಳೆದ ವರ್ಷ ನವೆಂಬರ್‌ ತಿಂಗಳಲ್ಲಿ ಛತ್ತೀಸ್‌ಗಢ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಅವರ ಸಮ್ಮುಖದಲ್ಲಿ ಅರ್ಚನಾ ಗೌತಮ್ ಕಾಂಗ್ರೆಸ್‌ಗೆ ಸೇರ್ಪಡೆಗೊಂಡರು. (ಚಿತ್ರ: Instagram)

ಅರ್ಚನಾ ಅವರು 'ಗರ್ಲ್ ಹೂನ್, ಲಡ್ ಸಕ್ತೀ ಹೂನ್' ಅಭಿಯಾನದಿಂದ ಪ್ರಭಾವಿತರಾಗಿ ರಾಜಕೀಯ ಪ್ರವೇಶಿಸಿದ್ದಾರೆ ಎಂದು ಕಾಂಗ್ರೆಸ್ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ವಾದ್ರಾ ಹೇಳಿದ್ದಾರೆ. (ಚಿತ್ರ: Instagram)

ಸದ್ಯ ಕಾಂಗ್ರೆಸ್​ MLA ಟಿಕೆಟ್ ನೀಡಿದ್ದರಿಂದ ಅರ್ಚನಾ ಗೌತಮ್ ತುಂಬಾ ಖುಷಿಯಾಗಿದ್ದಾರೆ. ಶೀಘ್ರದಲ್ಲೇ ಕಾಂಗ್ರೆಸ್ ಪರವಾಗಿ ಪ್ರಚಾರ ನಡೆಸಲಿದ್ದಾರೆ. (ಚಿತ್ರ: Instagram)

ಅರ್ಚನಾ ಗೌತಮ್ ಸದ್ಯ ತೆಲುಗು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಐಪಿಎಲ್ ಸಿನಿಮಾದಲ್ಲಿ ನಾಯಕಿಯಾಗಿ ಬಣ್ಣ ಹಚ್ಚುತ್ತಿದ್ದಾರೆ. ಸದ್ಯ ಸಿನಿಮಾ ಶೂಟಿಂಗ್ ಹಂತದಲ್ಲಿದೆ. (ಚಿತ್ರ: Instagram)

ಆದರೆ, ಬಿಕಿನಿ ಭಾಮರಿಗೆ ಕಾಂಗ್ರೆಸ್ ಟಿಕೆಟ್ ನೀಡಿದ್ದಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ ವ್ಯಕ್ತವಾಗಿದೆ. ಅದಕ್ಕೆ ಪ್ರತಿಕ್ರಿಯಿಸಿದ ಅವರು, ತಮ್ಮ ವೃತ್ತಿಯೊಂದಿಗೆ ರಾಜಕೀಯವನ್ನು ಜೋಡಿಸಬೇಡಿ ಎಂದು ಮನವಿ ಮಾಡಿದರು. ಯುಪಿ ಚುನಾವಣೆಯಲ್ಲಿ ಗೆಲ್ಲುವ ವಿಶ್ವಾಸವಿದೆ ಎಂದರು. (ಚಿತ್ರ: Instagram)