Kamal Haasan: ನಟ ಕಮಲ್​ ಹಾಸನ್​ಗೆ ಕೋವಿಡ್​ ಸೋಂಕು ದೃಢ; ಆಸ್ಪತ್ರೆಗೆ ದಾಖಲು

ನಟ ಕಮಲ್​ ಹಾಸನ್​ ಆರೋಪಿಸಿರುವ ಹೊಸ ಬಟ್ಟೆ ಉದ್ಯಮದ ಶಾಪ್​ ಉದ್ಘಾಟನೆಗೆಗಾಗಿ ಅವರು ಅಮೆರಿಕಕ್ಕೆ ತೆರಳಿದ್ದರು. ಕಮಲ್ ಹೌಸ್ ಆಫ್ ಖದ್ದರ್ ಎಂಬ ತಮ್ಮ ಜವಳಿ ಮಳಿಗೆಯನ್ನು ಅವರು ಅಮೆರಿಕದಲ್ಲಿ ಪ್ರಾರಂಭಿಸಿದ್ದಾರೆ.

ಅಮೆರಿದಿಂದ ಮರಳಿದ ಬಳಿಕ ಅವರಿಗೆ ಸ್ವಲ್ಪ ಕೆಮ್ಮು ಕಾಣಿಸಿಕೊಂಡಿದೆ. ಈ ವೇಳೆ ತಪಾಸಣೆಗಗೆ ಒಳಗಾದ ಅವರಿಗೆ ಕೋವಿಡ್​ ಧೃಡ ಪಟ್ಟಿದೆ. ಸದ್ಯ ಅವರು ಚೆನ್ನೈ ಆಸ್ಪತ್ರೆಯಲ್ಲಿ ದಾಖಲಾಗಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ.

ಈ ಸಂಬಂಧ ಟ್ವೀಟ್​ ಮಾಡಿರುವ ಅವರು ಇತ್ತೀಚೆಗೆ ತಮ್ಮ ಸಂಪರ್ಕಕ್ಕೆ ಒಳಗಾದವರು ಎಚ್ಚರವಹಿಸುವಂತೆ ಮನವಿ ಮಾಡಿದ್ದು, ಇನ್ನೂ ಕೋವಿಡ್​ ನಮ್ಮಿಂದ ದೂರ ಆಗಿಲ್ಲ. ಈ ಹಿನ್ನಲೆ ಪರೀಕ್ಷೆಗೆ ಒಳಗೊಳ್ಳುವಂತೆ ತಿಳಿಸಿದ್ದಾರೆ.

ಕೋವಿಡ್​ ನಮ್ಮಿಂದ ದೂರ ಆಗಿದೆ ಎಂದು ಅನೇಕರು ತಿಳಿದಿದ್ದಾರೆ. ಆದರೆ, ಅದು ಇನ್ನೂ ಆಗಿಲ್ಲ. ಈ ಬಗ್ಗೆ ಜನರು ಜಾಗ್ರತೆವಹಿಸುವುದು ಅವಶ್ಯ ಜೊತೆಗೆ ಮುನ್ನೆಚ್ಚರಿಕೆಯನ್ನು ಮರೆಯದೇ ಪಾಲಿಸಬೇಕು ಎಂದಿದ್ದಾರೆ.

ನಟ ಕಮಲ್​ ಹಾಸನ್​ ಅವರು ಕಳೆದ ಮಾರ್ಚ್​ನಲ್ಲಿಯೇ ಕೋವಿಡ್​ ಮೊದಲ ಡೋಸ್​ ಲಸಿಕೆ ಪಡೆದಿದ್ದರು. ಎರಡು ಡೋಸ್​ ಲಸಿಕೆ ಪಡೆದ ಬಳಿಕವೂ ಅವರಿಗೆ ಸೋಂಕು ದೃಢಪಟ್ಟಿದೆ.