Gunther VI : ಹಾಲಿವುಡ್​​ ಪಾಪ್​​​ ತಾರೆ ಮಡೋನಾ ಮನೆ ಮಾರಾಟಕ್ಕೆ ಮುಂದಾದ ಜಗತ್ತಿನ ಶ್ರೀಮಂತ ನಾಯಿ; ಅಚ್ಚರಿಯಾದರೂ ಸತ್ಯ

ಕಾರ್ಲೋಟಾ ಲೀಬೆನ್‌ಸ್ಟೈನ್ ಎಂಬ ಮಹಿಳೆ 1992ರಲ್ಲಿ ಸಾವನ್ನಪ್ಪಿದಳು. ಯಾವುದೇ ಮಕ್ಕಳು ಸಂಬಂಧಿಕರಿಲ್ಲದ ಈಕೆ ತನ್ನ ಸಂಪೂರ್ಣ 80 ಮಿಲಿಯನ್​ ಆಸ್ತಿಯನ್ನು ಗುಂಥರ್​ III ಗೆ ಬರೆದು ವಿಲ್​ ಮಾಡಿದ್ದಳು. ಈ ನಾಯಿ ನಿರ್ವಹಣೆಗಾಗಿ ಎಸ್ಟೇಟ್​ ಮಾಡಿದ ಈಕೆ ಇದನ್ನು ನೋಡಿಕೊಳ್ಳುವವರಿಗೆ ಹಣ ಮೀಸಲಿಟ್ಟಳು

ಈ ಗುಂಥರ್ ಮಕ್ಕಳು, ಮರಿ ಮೊಮ್ಮಕ್ಕಳು (ಗುಂಥರ್​ IV, ಗುಂಥರ್V, ಗುಂಥರ್​ VI) ​ ಪ್ರಪಂಚಾದ್ಯಂತ ತನ್ನ ಹೆಸರಿನಲ್ಲಿ ಆಸ್ತಿ ಹೊಂದಿದ್ದು, ಒಂದು ನಾಯಿ ಬಳಿಕ ಒಂದು ನಾಯಿಗೆ ಹಸ್ತಾಂತರವಾಗಿದೆ.

ಈಗ ಈ ನಾಯಿಯ ಒಡೆತನದಲ್ಲಿರುವ ಮಿಯಾಮಿ ಬಂಗಲೆ ಮಾರಾಟಕ್ಕೆ ಮುಂದಾಗಲಾಗಿದೆ. ಈ ಮನೆ ಮಾರಾಟ ವಿಚಾರ ತಿಳಿದು ಹೋದ ರಿಯಲ್​ ಎಸ್ಟೇಟ್​ ಏಜೆಂಟ್​ಗ ರೂಥಿ ಅಸ್ಸೌಲಿನ್​ಗೆ ಮೊದಲು ಅಚ್ಚರಿ ಆಯಿತಂತೆ. ನಾಯಿಯ ಹೆಸರಲ್ಲಿ ಬಂಗಲೆಯ ಎಂದು ಹುಬ್ಬೇರಿಸಿದ್ದರಂತೆ ಬಳಿಕ ಅಸಲಿ ವಿಚಾರ ತಿಳಿಯಿತು ಎಂದಿದ್ದಾರೆ.

ನಾಯಿಯ ಖಾಸಗಿ ಎಸ್ಟೇಟ್ 51,000 ಚದರ ಅಡಿ ಜಾಗದಲ್ಲಿದೆ. ಮಡೋನಾ ಇದ್ದ ಕೋಣೆಯಲ್ಲಿ ವಾಸಿಸುತ್ತದೆ. ಇಟಲಿಯಿಂದ ಮಿಯಾಮಿಗೆ ಭೇಟಿ ನೀಡಿದಾಗ ಸೂರ್ಯ ಉದಯ ಈ ಗುಂಥರ್​ಗೆ ಬಲು ಇಷ್ಟ. ಇನ್ನು ಈ ನಾಯಿ ಮಲಗಲು ಇಟಾಲಿಯನ್ ಕೆಂಪು ವೆಲ್ವೆಟ್ ಹಾಸಿಗೆ ಹಾಕಲಾಗಿದೆ

ಬಲು ಇಷ್ಟ. ಇನ್ನು ಈ ನಾಯಿ ಮಲಗಲು ಇಟಾಲಿಯನ್ ಕೆಂಪು ವೆಲ್ವೆಟ್ ಹಾಸಿಗೆ ಹಾಕಲಾಗಿದೆ. ಇನ್ನು ಈ ಗುಂಥರ್​ನ ಸಮಸ್ತ ಆಸ್ತಿಯನ್ನು ಟ್ರಸ್ಟ್​ ನೋಡಿಕೊಳ್ಳುತ್ತಿದೆ. ಈ ಟ್ರಸ್ಟ್​ನಲ್ಲಿ ರಿಯಲ್ ಎಸ್ಟೇಟ್ ಅನ್ನು ಯಾವಾಗ ಖರೀದಿಸಬೇಕು ಮತ್ತು ಮಾರಾಟ ಮಾಡಬೇಕು ಎಂಬುದರ ಕುರಿತು ಮಂಡಳಿಯು ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತದೆ ಎಂದು ಗುಂಥರ್​ ನೋಡಿಕೊಳ್ಳುತ್ತಿರುವವರಲ್ಲಿ ಒಬ್ಬರಾದ ಕಾರ್ಲಾ ರಿಸಿಟೆಲ್ಲಿ ತಿಳಿಸಿದ್ದಾರೆ.

ಇನ್ನು ಈ ಜರ್ಮನ್​ ಶೆಫರ್ಡ್​ ನಾಯಿ ತವರು ಟಸ್ಕನಿಯಲ್ಲಿದೆ. ಇಲ್ಲಿಯೇ ರಿಯಲ್ ಎಸ್ಟೇಟ್ ಏಜೆಂಟ್‌ಗಳ ಸಭೆ ನಡೆಯುತ್ತದೆ. ಈ ನಾಯಿ ಕೂಡ ಖಾಸಗಿ ಜೆಟ್‌ಗಳಲ್ಲಿ ಪ್ರಯಾಣಿಸುತ್ತಾನೆ. ಜೊತೆಗೆ ಇದಕ್ಕೆ ರುಚಿ ರುಚಿಯಾಗಿ ಉಣಬಡಿಸಲು ಬೇಡಿಕೆಯ ಬಾಣಸಿಗರನ್ನು ನೇಮಿಸಿಕೊಳ್ಳಲಾಗಿದೆ.