Unique Marriage: ಒಬ್ಬಳೇ ಮಗಳ ಮದ್ವೆಯಲ್ಲಿ 10 ಸಾವಿರ ಜನರಷ್ಟೇ ಅಲ್ಲ, 5 ಹಳ್ಳಿಗಳ ಜಾನುವಾರಗಳಿಗೂ ಊಟ ಹಾಕಿಸಿದ ರೈತ!

ಶ್ರೀಮಂತರು, ಬ್ಯುಜಿನೆಸ್​ಮ್ಯಾನ್, ಸೆಲೆಬ್ರಿಟಿಗಳು ನೂರಾರು ಕೋಟಿ ಖರ್ಚು ಮಾಡಿ ಮದುವೆ ಮಾಡಿದ್ದಾರೆ ಎಂಬ ಸುದ್ದಿಗಳನ್ನು ನಾವು ಕೇಳಿರುತ್ತೇವೆ. ಆದರೆ ಒಬ್ಬರ ರೈತ 10 ಸಾವಿರಕ್ಕೂ ಹೆಚ್ಚು ಜನ, ಸಾವರಾರು ದನಕರುಗಳಿಗೂ ಆಹಾರ ನೀಡುವ ಮೂಲಕ ಭಾರೀ ಸುದ್ದಿಯಾಗಿದ್ದಾರೆ.

ಸಾಮಾನ್ಯ ರೈತ ತನ್ನ ಮಗಳ ಮದುವೆಯನ್ನು ಹತ್ತಾರು ಹಳ್ಳಿಗಳ ಜನರನ್ನು ಆಹ್ವಾನಿಸಿ ಭರ್ಜರಿ ಔತಣ ನೀಡಿರುವ ಸುದ್ದಿ ಇದೀಗ ದೊಡ್ಡ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ. ಮಹಾರಾಷ್ಟದ್ರದ ಬುಲ್ಡಾನ ಜಿಲ್ಲೆಯ ಕೊಥಾಲಿ ಎಂಬ ಸಣ್ಣ ಹಳ್ಳಿಯ ರೈತ ತನ್ನ ಮಗಳ ವಿವಾಹವನ್ನು ವಿಶೇಷವಾಗಿ ಆಚರಿಸಿದ್ದಾರೆ.

ವಿಶೇಷವೆಂದರೆ ರೈತ ಪ್ರಕಾಶ್​ ರಾಥೋಡ್ 10 ಸಾವಿರಕ್ಕೂ ಹೆಚ್ಚು ಜನರಿಗೆ ಮಗಳ ಮದುವೆ ಪ್ರಯುಕ್ತ ಊಟ ಹಾಕಿದ್ದಾರೆ. ಅಲ್ಲದೆ ಪ್ರತಿಯೊಬ್ಬ ರೈತರ ಜಾನುವಾರುಗಳಿಗೂ ಮೇವಿನ ವ್ಯವಸ್ಥೆ ಮಾಡಿಸುವ ಮೂಲಕ ಮಾದರಿ ಮದುವೆ ಮಾಡಿದ್ದಾರೆ. ತನ್ನ ಒಬ್ಬಳೇ ಮಗಳ ಮದುವೆಯನ್ನು ಈ ರೀತಿ ವಿಜೃಂಬಣೆಯಿಂದ ಮಾಡಿರುವುದು ಅಚ್ಚರಿಗೆ ಕಾರಣವಾಗಿದೆ.

ಸಾಮಾನ್ಯವಾಗಿ ಆಡಂಬರದ ಮದುವೆ ಎಂದರೆ ವಿಶೇಷ ಸ್ನೇಹಿತರು ಅಥವಾ ಸಂಬಂಧಿಕರನ್ನು ಮಾತ್ರ ಆಹ್ವಾನಿಸಲಾಗುತ್ತದೆ. ಆದರೆ ಈತ ಹತ್ತಿರದ ಐದು ಹಳ್ಳಿಗಳ ಜನರನ್ನು ಆಹ್ವಾನಿಸಿದ್ದಾರೆ. ಸುಮಾರು 10,000 ಜನರಿಗೆ ಊಟ ಹಾಕುವುದರ ಜೊತೆಗೆ ಪ್ರಾಣಿಗಳು ಮತ್ತು ಪಕ್ಷಿಗಳಿಗೂ ಅದ್ಧೂರಿ ಹಬ್ಬದೂಟದ ವ್ಯವಸ್ಥೆಯನ್ನು ಮಾಡಲಾಗಿದೆ.

ದೊಡ್ಡ ಉದ್ಯಮಿಗಳು, ರಾಜಕಾರಣಿಗಳು, ಸಿನಿಮಾ ನಟರು, ರಾಜಮನೆತನದ ಮದುವೆಗಳ ಬಗ್ಗೆ ಮತ್ತು ದೊಡ್ಡ ಖರ್ಚುಗಳ ಬಗ್ಗೆ ಕೇಳಿರುತ್ತೇವೆ. ಆದರೆ ಪ್ರಕಾಶ್​ ರಾಥೋಡ್​ ತನ್ನ ಮಗಳ ಮದುವೆ ಸಂದರ್ಭದಲ್ಲಿ 'ಯಾರೂ ಹಸಿವಿನಿಂದ ಇರಬಾರದು' ಥೀಮ್​ನಲ್ಲಿ ಸುತ್ತಮುತ್ತಲಿನ ಹಳ್ಳಿಗಳ ಜನರು ಮಾತ್ರವಲ್ಲದೆ, ಅವರ ಪ್ರಾಣಿಗಳು ಮತ್ತು ಪಕ್ಷಿಗಳೂ ಸಹಾ ಹಬ್ಬದಂ ಊಟವನ್ನು ಏರ್ಪಡಿಸಿದ್ದಾರೆ.

ಹಳ್ಳಿಯ ಹತ್ತಿರದ 5 ಎಕರೆ ಜಾಗದಲ್ಲಿ ಮಂಟಪ ನಿರ್ಮಾಣ ಮಾಡಿ ಹಸುಗಳಿಗೆ 10 ಕ್ವಿಂಟಾಲ್ ಇಂಡಿ, 10 ಟ್ರಾಲಿ ಒಣ ಮೇವು, ನಾಯಿಗಳಿಗೆ ಪ್ರತ್ಯೇಖ ಊಟ, ಇರುವೆಗಳಿಗೆ 2 ಚೀಲ ಸಕ್ಕರೆ, ಪ್ರದೇಶದ ಪಕ್ಷಿಗಳು ಮತ್ತು ನಾಯಿಗಳಿಗೆ ಅಕ್ಕಿ ಕಾಳುಗಳನ್ನು ಸಹ ನೀಡಲಾಗಿದೆ. 'ಯಾವ ಜೀವಿಯೂ ಹಸಿವಿನಿಂದ ಇರಬಾರದು ಎಂದು ರೈತ ಪ್ರಕಾಶ್ ಹೇಳಿದ್ದಾರೆ.

ಹಳ್ಳಿಯ ಹತ್ತಿರದ 5 ಎಕರೆ ಜಾಗದಲ್ಲಿ ಮಂಟಪ ನಿರ್ಮಾಣ ಮಾಡಿ ಹಸುಗಳಿಗೆ 10 ಕ್ವಿಂಟಾಲ್ ಇಂಡಿ, 10 ಟ್ರಾಲಿ ಒಣ ಮೇವು, ನಾಯಿಗಳಿಗೆ ಪ್ರತ್ಯೇಖ ಊಟ, ಇರುವೆಗಳಿಗೆ 2 ಚೀಲ ಸಕ್ಕರೆ, ಪ್ರದೇಶದ ಪಕ್ಷಿಗಳು ಮತ್ತು ನಾಯಿಗಳಿಗೆ ಅಕ್ಕಿ ಕಾಳುಗಳನ್ನು ಸಹ ನೀಡಲಾಗಿದೆ. 'ಯಾವ ಜೀವಿಯೂ ಹಸಿವಿನಿಂದ ಇರಬಾರದು ಎಂದು ರೈತ ಪ್ರಕಾಶ್ ಹೇಳಿದ್ದಾರೆ.