Sad News: ಅಯ್ಯೋ ಇದೆಂಥಾ ದುರಂತ! ಮದುವೆ ಮನೆಯಲ್ಲಿ ಕುದಿಯುತ್ತಿದ್ದ ಸಾಂಬಾರಿನ ಹಂಡೆಗೆ ಬಿದ್ದು ಯುವಕ ಸಾವು!

21 ವರ್ಷದ ಕಾಲೇಜು ವಿದ್ಯಾರ್ಥಿ ಮೃತ ಯುವಕನಾಗಿದ್ದು, ಈತ ಮದುವೆ ಮನೆಯಲ್ಲಿ ಮದುವೆಗೆ ಬಂದಿದ್ದ ಅತಿಥಿಗಳಿಗೆ ಊಟ ಬಡಿಸುತ್ತಿದ್ದ ವೇಳೆ ಆಕಸ್ಮಿಕವಾಗಿ ಹಂಡೆಗೆ ಬಿದ್ದು ಮೃತಪಟ್ಟಿದ್ದಾನೆ ಎಂದು ತಿಳಿದು ಬಂದಿದೆ.

ಮೃತ ಯುವಕ ಕಾಲೇಜು ಓದುತ್ತಿರುವುದರ ಜೊತೆಗೆ ಕ್ಯಾಟರಿಂಗ್ ಸಂಸ್ಥೆಯಲ್ಲಿ ಅರೆಕಾಲಿಕ ಉದ್ಯೋಗಿಯಾಗಿದ್ದ. ರಜಾ ಸಮಯದಲ್ಲಿ ಮತ್ತು ತರಗತಿ ಮುಗಿದ ನಂತರ ಕೆಲಸಕ್ಕೆ ಹೋಗಿ ಹಣ ಸಂಪಾದಿಸುತ್ತಿದ್ದ ಎನ್ನಲಾಗಿದೆ.

ಕಳೆದ ವಾರವೂ ಈತ ಮದುವೆ ಮನೆಯೊಂದಕ್ಕೆ ಕ್ಯಾಟರಿಂಗ್‌ಗೆ ಹೋಗಿದ್ದ. ಈ ವೇಳೆ ಆಕಸ್ಮಿಕವಾಗಿ ಸಾಂಬಾರಿನ ಕಡಾಯಿಗೆ ಬಿದ್ದಿದ್ದಾನೆ. ಯಾರೋ ಆತನನ್ನು ಗಮನಿಸಿ ಮೇಲಕ್ಕೆತ್ತಲು ಪ್ರಯತ್ನ ಪಟ್ಟರಾದರೂ ಅದಾಗಲೇ ಆತನ ದೇಹ ಸುಟ್ಟು ಗಾಯವಾಗಿತ್ತು.

ತೀವ್ರ ಸುಟ್ಟಗಾಯಗಳಾಗಿರುವ ಸಂತ್ರಸ್ತ ಯುವಕನನ್ನು ನಗರದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಚಿಕಿತ್ಸೆಗೆ ಸ್ಪಂದಿಸದೆ ಭಾನುವಾರ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನೆ ಸಂಬಂಧ ಪೊಲೀಸರು ಎಫ್‌ಐಆರ್ ದಾಖಲಿಸಿದ್ದು, ಆತ ಸಾವನ್ನಪ್ಪಲು ಕ್ಯಾಟರಿಂಗ್ ಮಾಲೀಕರ ಬೇಜವಾಬ್ದಾರಿ ಏನಾದರೂ ಕಾರಣವಾಗಿದೆಯೋ ಸೇರಿದಂತೆ ವಿವರವಾದ ಮಾಹಿತಿಯನ್ನು ಕಲೆ ಹಾಕುತ್ತಿದ್ದಾರೆ.

ಕಾಲೇಜಿಗೆ ಹೋಗುತ್ತಲೂ ದುಡಿಯುತ್ತಾ ಕುಟುಂಬದ ಆಧಾರವಾಗಿದ್ದ ಯುವಕನ ನಿಧನದಿಂದ ಮನೆಯವರ ಆಕ್ರಂದನ ಮುಗಿಲು ಮುಟ್ಟಿದ್ದು, ಸಂತ್ರಸ್ತನ ಮನೆಯಲ್ಲಿ ಸೂತಕದ ವಾತಾವರಣ ನಿರ್ಮಾಣವಾಗಿದೆ.