Bribe: 100 ರೂಪಾಯಿ ಲಂಚ ಪಡೆದಿದ್ದ ರೈಲ್ವೆ ಕ್ಲರ್ಕ್‌ಗೆ ಜೈಲು, 1991ರ ತಪ್ಪಿಗೆ 82ನೇ ವಯಸ್ಸಲ್ಲಿ ಶಿಕ್ಷೆ!

ಭ್ರಷ್ಟಾಚಾರ ದೇಶದಲ್ಲಿ ದೊಡ್ಡ ಪಿಡುಗಾಗಿದೆ. ದಿನನಿತ್ಯ ಎಲ್ಲಾ ಕ್ಷೇತ್ರದಲ್ಲೂ ಲಂಚ, ಭ್ರಷ್ಟಾಚಾರ ನಡೆಯುತ್ತಿರುವುದರ ಕೇಳಿರುತ್ತೇವೆ. ಇನ್ನೂ ಆಡಳಿತ ಪಕ್ಷ ಮತ್ತು ವಿರೋಧ ಪಕ್ಷಗಳ ನಾಯಕರು ಒಬ್ಬರ ಮೇಲೆ ಒಬ್ಬರು ಆರೋಪ ಮಾಡುತ್ತಿದ್ದಾರೆ. ಸರ್ಕಾರಿ ಕಚೇರಿಗಳಲ್ಲಿ ಲಂಚಗಳು ನಡೆಯದೇ ಕೆಲಸ ನಡೆಯಲ್ಲ ಎಂಬ ಆರೋಪ

ಆದರೆ ಭ್ರಷ್ಟಾಚಾರ ಪ್ರಕರಣದಲ್ಲಿ ಸಿಲುಕಿದ ಎಷ್ಟು ಜನರಿಗೆ ಶಿಕ್ಷೆಯಾಗುತ್ತದೊ ಗೊತ್ತಿಲ್ಲ. ಆದರೆ ಇಲ್ಲೊಂದು ಪ್ರಕರಣದಲ್ಲಿ 100 ರೂಪಾಯಿ ಲಂಚ ಪಡೆದ ವ್ಯಕ್ತಿಗೆ 32 ವರ್ಷಗಳ ನಂತರ ಒಂದು ವರ್ಷ ಶಿಕ್ಷೆಯಾಗಿದೆ. 82 ವರ್ಷದ ನಿವೃತ್ತ ರೈಲ್ವೆ ಕ್ಲರ್ಕ್‌ಗೆ ಸಿಬಿಐ ವಿಶೇಷ ನ್ಯಾಯಾಲಯ ಗುರುವಾರ ಒಂದು ವರ್ಷ ಜೈಲು ಶಿಕ್ಷೆ ವಿಧಿಸಿದೆ.

ಆದರೆ ಭ್ರಷ್ಟಾಚಾರ ಪ್ರಕರಣದಲ್ಲಿ ಸಿಲುಕಿದ ಎಷ್ಟು ಜನರಿಗೆ ಶಿಕ್ಷೆಯಾಗುತ್ತದೊ ಗೊತ್ತಿಲ್ಲ. ಆದರೆ ಇಲ್ಲೊಂದು ಪ್ರಕರಣದಲ್ಲಿ 100 ರೂಪಾಯಿ ಲಂಚ ಪಡೆದ ವ್ಯಕ್ತಿಗೆ 32 ವರ್ಷಗಳ ನಂತರ ಒಂದು ವರ್ಷ ಶಿಕ್ಷೆಯಾಗಿದೆ. 82 ವರ್ಷದ ನಿವೃತ್ತ ರೈಲ್ವೆ ಕ್ಲರ್ಕ್‌ಗೆ ಸಿಬಿಐ ವಿಶೇಷ ನ್ಯಾಯಾಲಯ ಗುರುವಾರ ಒಂದು ವರ್ಷ ಜೈಲು ಶಿಕ್ಷೆ ವಿಧಿಸಿದೆ.

ಒಂದು ವರ್ಷದ ಜೈಲು ಶಿಕ್ಷೆಯ ಜೊತೆಗೆ ನ್ಯಾಯಾಲಯ ಅಪರಾಧಿ ರಾಮ್ ನಾರಾಯಣ ವರ್ಮಾಗೆ 15,000 ರೂಪಾಯಿಗಳ ದಂಡವನ್ನು ವಿದಿಸಿದೆ.

ಈ ಘಟನೆ 32 ವರ್ಷಗಳ ಹಿಂದೆ ನಡೆದಿದ್ದು, ಜಾಮೀನಿನ ಮೇಲೆ ಬಿಡುಗಡೆಯಾಗುವ ಮೊದಲು ಎರಡು ದಿನ ಜೈಲಿನಲ್ಲಿ ಕಳೆದಿದ್ದೇನೆ. ಹಾಗಾಗಿ ನನ್ನ ಶಿಕ್ಷೆಯನ್ನು ಈಗಾಗಲೇ ಜೈಲಿನಲ್ಲಿ ಕಳೆದ ಅವಧಿಗೆ ಸೀಮಿತಗೊಳಿಸಿ ಎಂದು ಎಂದು ವರ್ಮಾ ನ್ಯಾಯಾಧೀಶರ ಮುಂದೆ ಮನವಿ ಮಾಡಿದರು.

ಆದರೆ ಅರ್ಜಿಯನ್ನು ತಿರಸ್ಕರಿಸಿದ ನ್ಯಾಯಾಧೀಶರು, ಈ ಪ್ರಕರಣದಲ್ಲಿ ಎರಡು ದಿನಗಳ ಜೈಲು ಶಿಕ್ಷೆಯು ಸಾಕಾಗುವುದಿಲ್ಲ ಮತ್ತು ಲಂಚದ ಪ್ರಮಾಣ, ಅಪರಾಧದ ಸ್ವರೂಪ ಮತ್ತು ಇತರ ಅಂಶಗಳ ದೃಷ್ಟಿಯಿಂದ ಒಂದು ವರ್ಷ ಜೈಲು ಶಿಕ್ಷೆಯು ನ್ಯಾಯಯುತ ಉದ್ದೇಶವನ್ನು ಹೊಂದಿದೆ ಎಂದು ಹೇಳಿದ್ದಾರೆ.

ಉತ್ತರ ರೈಲ್ವೆಯ ನಿವೃತ್ತ ಲೋಕೋ ಡ್ರೈವರ್ ರಾಮ್ ಕುಮಾರ್ ತಿವಾರಿ ಅವರು 1991 ರಲ್ಲಿ ಸಿಬಿಐನಲ್ಲಿ ಎಫ್‌ಐಆರ್ ದಾಖಲಿಸಿದ್ದರು. ತಿವಾರಿ ತಮ್ಮ ಎಫ್‌ಐಆರ್‌ನಲ್ಲಿ ತಮ್ಮ ಪಿಂಚಣಿ ಲೆಕ್ಕಾಚಾರದ ಉದ್ದೇಶಕ್ಕಾಗಿ ವೈದ್ಯಕೀಯ ಪರೀಕ್ಷೆಯ ಅಗತ್ಯವಿತ್ತು, ಇದಕ್ಕಾಗಿ ತೆರೆಳಿದ್ದಾಗ, ವರ್ಮಾ 150 ರೂಪಾಯಿ ಲಂಚಕ್ಕೆ ಬೇಡಿಕೆ ಇಟ್ಟಿದ್ದರು. ಒಪ್ಪದಿದ್ದಕ್ಕೆ 100 ರೂ.ಗೆ ಬೇಡಿಕೆಯಿಟ್ಟಿದ್ದರು. ಕೊನೆಗೆ ಲಂಚವನ್ನು ಪಡೆಯುವಾಗ ದುಡ್ಡಿನೊಂದಿಗೆ ವರ್ಮಾ ಅವರನ್ನು ಸಿಬಿಐ ರೆಡ್ ಹ್ಯಾಂಡ್ ಆಗಿ ಬಂಧಿಸಿತ್ತು.