Love Story: 75 ವರ್ಷದ ವರ, 70 ವರ್ಷದ ವಧು; ಲವ್​ ಮ್ಯಾರೇಜ್​ ಅಂದ್ರೆ ನೀವು ನಂಬಲೇಬೇಕು!

ಜೀವನದಲ್ಲಿ ಪ್ರೀತಿ ಕಾಲೇಜ್​, ಸ್ಕೂಲ್​ ಇಲ್ಲ ಎಂದರೆ ಉದ್ಯೋಗ ಮಾಡುವ ಸ್ಥಳದಲ್ಲಿ ಆಗುತ್ತದೆ. ಅಲ್ಲಿಯೇ ಒಬ್ಬರನ್ನು ಒಬ್ಬರು ಇಷ್ಟ ಪಟ್ಟು ಹಿರಿಯ ಒಪ್ಪಿಗೆ ಪಡೆದು ಸಾಮಾನ್ಯವಾಗಿ ನಡೆಯುತ್ತದೆ.

ಆದರೆ, ಪ್ರೀತಿ ಮಾಡಲು ಒಂದು ಹೃದಯವಿದ್ದರೆ ಸಾಕು ಅದಕ್ಕೆ ವಯಸ್ಸಿನೊಂದಿಗೆ ಕೆಲಸ ಇಲ್ಲ ಎಂದು ಈ ದಂಪತಿ ತೀರ್ಮಾನಿಸಿದ್ದಾರೆ. ಜೀವನ ಅಂತಿಮ ಅಧ್ಯಾಯದಲ್ಲಿರುವ ಅಂದರೆ ಶೇಕಡಾ 90ರಷ್ಟು ಜೀವನದ ಅನುಭವಿಸಿದ ಬಳಿಕ ಪ್ರೇಮ ಪುಸ್ತಕ ತೆರೆದಿದ್ದಾರೆ.

ಕೇಳಲು ನಿಮಗೆ ಸ್ವಲ್ಪ ಅಚ್ಚರಿಯಾದರೂ ಇದು ನಿಜ. 75 ವರ್ಷದ ವೃದ್ಧ, 70 ವರ್ಷದ ವೃದ್ಧೆ ಒಂದು ವೃದ್ಧಾಶ್ರಮದಲ್ಲಿ ಜೀವಿಸುತ್ತಿದ್ದರು. ಅಲ್ಲಿಯೇ ಇಬ್ಬರಿಗೂ ಪರಿಚಯವಾಗಿತ್ತು, ವೃದ್ಧಾಶ್ರಮದಲ್ಲಿದ್ದ ಎಲ್ಲರೂ ಸೇರಿ ವೃದ್ಧ ಜೋಡಿಗೆ ಕುಟುಂಬ ಸದಸ್ಯರಾಗಿ ಮದುವೆ ಮಾಡಿಸಿದ್ದಾರೆ. ಈ ಅಪರೂಪದ ಮದುವೆ ಮಹಾರಾಷ್ಟ್ರದ ಕೊಲ್ಲಾಪುರದಲ್ಲಿ ಘಟನೆ ನಡೆದಿದೆ.

ಒಬ್ಬರ ಅಭಿಪ್ರಾಯ, ಅಭಿರುಚಿ ಮತ್ತೊಬ್ಬರಿಗೆ ಇಷ್ಟವಾಗಿದ್ದು, ಈ ನಡುವೆ ಒಟ್ಟಿಗೆ ಜೀವನ ನಡೆಸಬೇಕು ಎಂದು ವೃದ್ಧ ದಂಪತಿ ನಿರ್ಧರಿಸಿದ್ದರು. ತಮ್ಮ ಪ್ರೀತಿಯ ವಿಚಾರವನ್ನು ಎಲ್ಲರೊಂದಿಗೂ ಹಂಚಿಕೊಂಡಿದ್ದರು. ಇದರೊಂದಿಗೆ ಇಬ್ಬರ ಪ್ರೀತಿ, ಮದುವೆ ಮಂಟಪದವರೆಗೂ ತಲುಪಿತ್ತು.

ವೃದ್ಧಾಶ್ರಮದಲ್ಲಿದ್ದವರು ಹಾಗೂ ನಿರ್ವಹಕರು ಕೂಡ ಇಬ್ಬರ ಪ್ರೀತಿಗೆ ನೋ ಅಂತ ಹೇಳಲಾಗದೆ ಓಕೆ ಅಂದಿದ್ದಾರೆ. ಇದುವರೆಗೂ ಒಂಟಿಯಾಗಿ ಜೀವಿಸಿದ್ದ ಇಬ್ಬರು ವೃದ್ಧಾಪ್ಯದಲ್ಲಿಯಾದರೂ ಒಂದಾಗಿ ಜೀವನ ನಡೆಸಲಿ ಅಂತ ಹೇಳಿದ್ದರು.

ಇದರೊಂದಿಗೆ ವೃದ್ಧಾಶ್ರಮದ ನಿರ್ವಹಕರೊಂದಿಗೆ ಸೇರಿ ಎಲ್ಲರೂ ಅದ್ದೂರಿಯಾಗಿ ಇಬ್ಬರ ಮದುವೆ ಮಾಡಿಸಿದ್ದಾರೆ. ಇಬ್ಬರ ಮದುವೆ ಫೋಟೋಗಳು, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಲೇಟ್​ ಆಗಿ ಮದುವೆಯಾದರೂ ವರ, ವಧುವನ್ನು ಸುಂದರವಾಗಿ ರೆಡಿ ಮಾಡಿ, ಮದುವೆ ಕಾರ್ಯಕ್ರಮ ನಡೆಸಿದ್ದಾರೆ.

ಸಂಪ್ರದಾಯ ಪದ್ಧತಿಯಲ್ಲಿ ಮದುವೆ ಮಂಟಪ ಸಿದ್ಧಪಡಿಸಿ, ಅದ್ದೂರಿಯಾಗಿ ಮದುವೆ ಕಾರ್ಯಕ್ರಮ ನಡೆಸಿದ್ದಾರೆ. ಮದುವೆ ಸ್ವರ್ಗದಲ್ಲಿ ನಿರ್ಣಯವಾಗುತ್ತದೆ ಎಂಬ ಮಾತು ಎಷ್ಟು ವಾಸ್ತವವಾಗಿದೆ ಅಂತ ಗೊತ್ತಿಲ್ಲ. ಆದರೆ ವೃದ್ಧಾಶ್ರಮದಲ್ಲಿ ಪ್ರೇಮ ಹುಟ್ಟಿ ಸಂಪ್ರದಾಯ ಪದ್ಧತಿಯಲ್ಲಿ ಮದುವೆ ಕಾರ್ಯಕ್ರಮ ನಡೆದಿದೆ ಎಂದರೆ ನಂಬಲು ಆಗುತ್ತಿಲ್ಲ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.