Child Marriage: 7 ವರ್ಷದ ಬಾಲಕಿಯನ್ನು ವಿವಾಹವಾದ 38 ವರ್ಷದ ವ್ಯಕ್ತಿ! ಹಣದಾಸೆಗೆ ತಂದೆಯಿಂದಲೇ ಮಗಳ ಮಾರಾಟ!

ರಾಜಸ್ಥಾನದ ಧೋಲ್ಪುರ್ ಜಿಲ್ಲೆಯ ಮಾನಿಯಾ ಪೊಲೀಸ್ ಠಾಣೆ ವ್ಯಾಪ್ತಿಯ ಹಳ್ಳಿಯೊಂದರಲ್ಲಿ 38 ವರ್ಷದ ವ್ಯಕ್ತಿಯೊಬ್ಬರು ಏಳು ವರ್ಷದ ಬಾಲಕಿಯನ್ನು ವಿವಾಹವಾಗಿರುವ ಅಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. (ಸಾಂಕೇತಿಕ ಚಿತ್ರ)

38 ವರ್ಷದ ಭೂಪಾಲ್​ ಸಿಂಗ್ ಎಂಬಾತ ಬಾಲಕಿಯನ್ನು ಆಕೆಯ ತಂದೆಯಿಂದ 4.50 ಲಕ್ಷ ಹಣ ನೀಡಿ ಖರೀದಿಸಿದ್ದಾನೆ. ಮೇ 21ರಂದು ಏನೂ ತಿಳಿಯದ ಮುಗ್ದ ಬಾಲಕಿಯನ್ನು ವಿವಾಹವಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಪ್ರಕರಣದ ಆರೋಪಿಯನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಆರೋಪಿಗಳು ಮಧ್ಯವರ್ತಿ ಮೂಲಕ ಬಾಲಕಿಯನ್ನು ಆಕೆಯ ತಂದೆಯಿಂದ 4.5 ಲಕ್ಷ ರೂ.ಗೆ ಖರೀದಿಸಿದ್ದಾರೆ ಎನ್ನಲಾಗಿದೆ. (ಸಾಂಕೇತಿಕ ಚಿತ್ರ)

ಏಳು ವರ್ಷದ ಬಾಲಕಿಯನ್ನು 38 ವರ್ಷದ ವ್ಯಕ್ತಿಯೊಂದಿಗೆ ಮದುವೆಯಾಗಿರುವ ಬಗ್ಗೆ ನಮಗೆ ಮಾಹಿತಿ ತಿಳಿದುಬಂದಿತ್ತು. ತಕ್ಷಣ ನಾವು ಆರೋಪಿಗಳಿದ್ದ ಮನೆಗೆದಾಳಿ ಮಾಡಿದೆವು ಎಂದು ಮ್ಯಾನಿಯನ್ ಸಿಒ ದೀಪಕ್ ಖಂಡೇಲ್ವಾಲ್ ಹೇಳಿದ್ದಾರೆ. (ಸಾಂಕೇತಿಕ ಚಿತ್ರ)

ಬಾಲಕಿಯನ್ನು ಖರೀದಿಸಿದ್ದ ಆರೋಪಿ ಕುಟುಂಬದವರು ಕೊಲೆ ಪ್ರಕರಣದಲ್ಲಿ ಜೈಲು ಶಿಕ್ಷ ಅನುಭವಿಸಿ, ಬಿಡುಗಡೆಯಾದ ನಂತರ ಊರ ಹೊರಗಿನ ನಿರ್ಜನ ಜಾಗದಲ್ಲಿ ಮನೆ ಕಟ್ಟಿಕೊಂಡು ವಾಸಿಸುತ್ತಿದ್ದರು. ನಾವು ದಾಳಿ ಮಾಡಿದಾಗ ಬಾಲಕಿ ಮನೆಯಲ್ಲಿ ಆಟವಾಡುತ್ತಿದ್ದಳು. ಕೈಗಳಿಗೆ ಮೆಹೆಂದಿ ಹಚ್ಚಲಾಗಿತ್ತು. ಅವಳು ಫೋನ್‌ನಲ್ಲಿ ಕಾರ್ಟೂನ್ ನೋಡುತ್ತಿದ್ದಳು. ನಾವು ಬಾಲಕಿಯನ್ನು ವಿಚಾರಿಸಲು ಪ್ರಯತ್ನಿಸಿದರೂ ಆಕೆ ಏನೂ ಮಾಹಿತಿ ನೀಡಲಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.. (ಸಾಂಕೇತಿಕ ಚಿತ್ರ)

ಆದರೆ ಆರೋಪಿಗಳು 4.5 ಲಕ್ಷ ರೂಪಾಯಿಗೆ ಆಕೆಯ ತಂದೆಯಿಂದ ಹುಡುಗಿಯನ್ನು ಖರೀದಿಸಿರುವುದಾಗಿ ಭೂಪಾಲ್ ಸಿಂಗ್ ಕುಟುಂಬಸ್ಥರು ಒಪ್ಪಿಕೊಂಡಿದ್ದಾರೆ. ಆದರೆ ಆ ಹುಡುಗಿಗೆ ಮದುವೆಯ ವಿಷಯವೇ ಗೊತ್ತಿಲ್ಲ ಎನ್ನುವಷ್ಟು ಮುಗ್ಧೆ. ಪೊಲೀಸ್ ತನಿಖೆಯ ವೇಳೆ ಬಾಲಕಿ ಘಟನೆಗೆ ಸಂಬಂಧಿಸಿದಂತೆ ಯಾವುದೇ ಮಾಹಿತಿ ಪಡೆಯಲು ಸಾಧ್ಯವಾಗಿಲ್ಲ ಎಂದು ತಿಳಿದುಬಂದಿದೆ. (ಸಾಂಕೇತಿಕ ಚಿತ್ರ)

ಪೊಲೀಸರು ಪೋಕ್ಸೋ ಕಾಯ್ದೆ ಹಾಗೂ ಮಾನವ ಕಳ್ಳಸಾಗಣೆ ತಡೆ ಕಾಯ್ದೆಯ ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಕ್ರಿಮಿನಲ್ ಪ್ರಕರಣ ದಾಖಲಿಸಿದ್ದಾರೆ. (ಸಾಂಕೇತಿಕ ಚಿತ್ರ)