Car Accident: ಭೀಕರ ಕಾರು ಅಪಘಾತದಲ್ಲಿ ಬಿಜೆಪಿ ಶಾಸಕರ ಮಗ ಸೇರಿ 7 ಮಂದಿ ದಾರುಣ ಸಾವು

ಭೀಕರ ಕಾರು ಅಪಘಾತದಲ್ಲಿ(Car Accident) ಬಿಜೆಪಿ ಶಾಸಕರ ಮಗ(BJP MLA's Son) ಸೇರಿ 7 ಮಂದಿ ದುರಂತ ಸಾವನ್ನಪ್ಪಿರುವ(Died) ಘಟನೆ ಸೋಮವಾರ ತಡರಾತ್ರಿ ಮಹಾರಾಷ್ಟ್ರದಲ್ಲಿ(Maharashtra) ನಡೆದಿದೆ. ಮೃತರೆಲ್ಲರೂ ಮೆಡಿಕಲ್ ವಿದ್ಯಾರ್ಥಿಗಳು(Medical Students) ಎಂದು ತಿಳಿದು ಬಂದಿದೆ.(ಸಾಂದರ್ಭಿಕ ಚಿತ್ರ)

ಮೃತರಲ್ಲಿ ಬಿಜೆಪಿ MLA ವಿಜಯ್ ರಹಂಗ್ಡಾಲೆ ಮಗ ಆವಿಷ್ಕಾರ್ ರಹಂಗ್ಡಾಲೆ ಕೂಡ ಒಬ್ಬರು ಎಂದು ತಿಳಿದು ಬಂದಿದೆ. ಇವರು ಪ್ರಯಾಣಿಸುತ್ತಿದ್ದ ಕಾರು ಮಹಾರಾಷ್ಟ್ರದ ಸೆಲ್ಸುರಾ ಬಳಿ ಇರುವ ಸೇತುವೆ ಬಳಿ ಕೆಳಗೆ ಬಿದ್ದ ಪರಿಣಾಮ, ಕಾರಿನಲ್ಲಿದ್ದ 7 ಮಂದಿಯೂ ಅಸುನೀಗಿದ್ದಾರೆ ಎಂದು ಪ್ರಾಥಮಿಕ ಮೂಲಗಳು ತಿಳಿಸಿವೆ.

ಪೊಲೀಸ್ ಮೂಲಗಳ ಪ್ರಕಾರ, ವಿದ್ಯಾರ್ಥಿಗಳು ಡಿಯೋಲಿಯಿಂದ ವಾರ್ಧಾ ಕಡೆಗೆ ಪ್ರಯಾಣಿಸುತ್ತಿದ್ದರು. ಈ ಘಟನೆ ಸೋಮವಾರ ತಡರಾತ್ರಿ 11.30ಕ್ಕೆ ಸಂಭವಿಸಿದೆ ಎಂದು ಸೂಪರಿಂಟೆಂಡೆಂಟ್​ ಆಫ್​ ಪೊಲೀಸ್ ಪ್ರಶಾಂತ್ ಹೊಲ್ಕರ್ ತಿಳಿಸಿದ್ದಾರೆ.

ದುರಂತದಲ್ಲಿ ಸಾವನ್ನಪ್ಪಿದ ಮೃತರೆಲ್ಲರೂ ವಾರ್ಧಾದಲ್ಲಿರುವ ಸಾವಂಗಿ ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿಗಳು ಎಂದು ತಿಳಿದು ಬಂದಿದೆ. ಮೃತರಲ್ಲಿ ನೀರಜ್​ ಚೌಹಾಣ್, ವಿವೇಕ್ ನಂದನ್, ಪ್ರತ್ಯೂಷ್ ಸಿಂಗ್, ಶುಭಂ ಜೈಸ್ವಾಲ್ ಅಂತಿಮ ವರ್ಷದ ಎಂಬಿಬಿಎಸ್​ ವಿದ್ಯಾರ್ಥಿಗಳು ಎಂದು ತಿಳಿದು ಬಂದಿದೆ.

ಬಿಜೆಪಿ ಶಾಸಕರ ಮಗ ಆವಿಷ್ಕಾರ್ ರಹಂಗ್ಡಾಲೆ ಮತ್ತು ಪವನ್ ಶಕ್ತಿ ಮೊದಲ ವರ್ಷದ ಎಂಬಿಬಿಎಸ್​ ವಿದ್ಯಾರ್ಥಿಗಳು ಹಾಗೂ ನಿತೇಶ್​ ಸಿಂಗ್ ಮೆಡಿಕಲ್ ಇಂಟರ್ನಿ ಎಂದು ಪೊಲೀಸ್​ ಮೂಲಗಳು ತಿಳಿಸಿವೆ. (ಫೋಟೋದಲ್ಲಿರುವವರು ಬಿಜೆಪಿ ಶಾಸಕ)