Marriage: 55 ವರ್ಷದ ವ್ಯಕ್ತಿಯನ್ನು ಮದುವೆಯಾದ 25ರ ಯುವತಿ! ಈಕೆಯ ಕಥೆ ಕೇಳಿದ್ರೆ ನಿಮ್ಮ ಮನಸ್ಸೂ ಕರಗುತ್ತೆ

ಕೆಲವರು ವಿವಿಧ ಕಾರಣಗಳಿಂದ ತಮ್ಮ ಜೀವನದುದ್ದಕ್ಕೂ ಬ್ರಹ್ಮಚಾರಿಗಳಾಗಿ ಉಳಿದುಬಿಡುತ್ತಾರೆ. ಇನ್ನು ಕೆಲವರು ದೇವರ ಸೇವೆಗೆ ಮುಡಿಪಾಗಿಟ್ಟು ಸನ್ಯಾಸಿಗಳಾಗುತ್ತಾರೆ. ಈ ಪ್ರಕ್ರಿಯೆಯ ಮಧ್ಯದಲ್ಲಿ ಕೆಲವರ ಜೀವನ ಅನಿರೀಕ್ಷಿತ ತಿರುವುಗಳನ್ನು ಪಡೆಯುತ್ತದೆ. ಅದಕ್ಕೆ ಈ ಘಟನೆ ಅತ್ಯುತ್ತಮ ನಿದರ್ಶನವಾಗಿದೆ.

55 ವರ್ಷದ ವ್ಯಕ್ತಿಯೊಬ್ಬರು ಸಲೂನ್‌ಗೆ ಹೋಗಿ ಫೇಶಿಯಲ್ ಮಾಡಿಸಿಕೊಂಡ ಫೋಟೋ ವೈರಲ್ ಆಗಿದೆ. ಈ ವಯಸ್ಸಲ್ಲಿ ಇದೆಲ್ಲಾ ಏಕೆ ಎಂದು ವಿಚಾರಿಸಿದಾಗ ಆತ ಅವರಿಗೆ ಅಚ್ಚರಿಯ ಹೇಳಿಕೆ ನೀಡಿದ್ದಾನೆ. ತಾನೂ 55 ವಯಸ್ಸಿನಲ್ಲಿ ವಿವಾಹವಾಗುತ್ತಿರುವುದಾಗಿ ಹೇಳಿಕೊಂಡಿದ್ದಾನೆ.

ವಿಶೇಷವೆಂದಸರೆ ಈ 55 ವರ್ಷದ ವ್ಯಕ್ತಿ 25 ವರ್ಷದ ಯುವತಿಯ ಜೊತೆ ವಿವಾಹವಾಗಿದ್ದಾನೆ. ಈ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಆದರೆ ಈ ಫೋಟೋಗೆ ಕೆಲವರು ಆಕ್ಷೇಪ ವ್ಯಕ್ತವಾಗಿದ್ದರೆ, ಇನ್ನು ಕೆಲವರು ಇದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಮದುವೆ ರಾಜಸ್ಥಾನದ ದೌಸಾ ಜಿಲ್ಲೆಯಲ್ಲಿ ನಡೆದಿದೆ. ಬಲ್ಲೂರಾಮ್​ ಎಂಬಾತ ಅಂಗವಿಕಲೆ ವಿನೀತಾ ಎಂಬ 25 ವರ್ಷದ ಯುವತಿಯೊಂದಿಗೆ ವಿವಾಹವಾಗಿದ್ದಾರೆ.

ರಾಜಸ್ಥಾನದ ನವರಂಗಪುರದ ಗ್ರಾಮದ ಬಲ್ಲೂರಾಮ್​ ವೃತ್ತಿಯಿಂದ ಪೂಜಾರಿಯಾಗಿದ್ದಾರೆ. ಅವರಿಗೆ 8 ಕಿರಿಯ ಸಹೋದರಿಯರಿದ್ದು, ಅವರೆಲ್ಲರನ್ನೂ ಮದುವೆ ಮಾಡುವುದರಲ್ಲೇ ಆತನ ಜೀವನ ಕಳೆದು ಹೋಗಿತ್ತು. ಕೊನೆಗೆ ಮದುವೆಯೇ ಬೇಡ ಎಂದು ಅವರು ಬ್ರಹ್ಮಚಾರಿಯಾಗಿ ಉಳಿದಿದ್ದರು. ಕಳೆದ 31 ವರ್ಷಗಳಿಂದ ಶಿವನ ಸೇವೆ ಮಾಡಿಕೊಂಡಿದ್ದರು.

ಆದರೆ ಇತ್ತೀಚೆಗೆ ಅವರ ಜೀವನದಲ್ಲಿ ಅನಿರೀಕ್ಷಿತ ತಿರುವು ಪಡೆದುಕೊಂಡಿದೆ. ಸ್ಥಳೀಯ ನಪಾಮಾಸ್ ಪ್ರದೇಶದ 30 ವರ್ಷದ ವಿನೀತಾ ಮೀನಾ ಎಂಬ ವಿಕಲಾಂಗ ಯುವತಿ ಇದ್ದು, ಆಕೆ ಕಾಲುಗಳು ಸ್ವಾದೀನ ಕಳೆದುಕೊಂಡಿವೆ. ಹಾಗಾಗಿ ವಿನೀತಾ ತಂದೆ-ತಾಯಿ, ತಮ್ಮ ಮಗಳಿಗೆ ಗಂಡು ಸಿಗದ ಕಾರಣ ಆಕೆಗೆ ಮದುವೆ ಮಾಡುವುದೇ ಬೇಡ ಎಂದು ನಿರ್ಧರಿಸಿದ್ದರು.

ವಿನೀತಾ ಸದ್ಯ ಗಾಲಿಕುರ್ಚಿಗೆ ಸೀಮಿತವಾಗಿದ್ದಾರೆ. ಕೆಲವು ವರ್ಷಗಳ ಹಿಂದೆ ಮರದಿಂದ ಬಿದ್ದು ವಿನೀತಾ ಅವರ ಬೆನ್ನುಮೂಳೆಗೆ ಹಾನಿಯಾಗಿದ್ದು, ಕಾಲುಗಳು ಸ್ವಾದೀನ ಕಳೆದುಕೊಂಡಿವೆ. ಇದರಿಂದ ಆಕೆಯನ್ನು ಮದುವೆಯಾಗಲು ಯಾರೂ ಮುಂದೆ ಬರುತ್ತಿರಲಿಲ್ಲ. ಇದನ್ನು ತಿಳಿದ ಬಲ್ಲುರಾಮ್ ನೇರವಾಗಿ ಅವಳ ಬಳಿಗೆ ಹೋಗಿ " ನನಗೆ ನೀನು ಇಷ್ಟ. ನಿನಗೆ ಇಷ್ಟವಾದರೆ ನಾನು ನಿನ್ನನ್ನು ಮದುವೆಯಾಗುತ್ತೇನೆ, ಇಷ್ಟು ವರ್ಷ ಶಿವನ ಸೇವೆ ಮಾಡಿದಂತೆಯೇ ಅಂಗವಿಕಲ ಪತ್ನಿಯ ಸೇವೆ ಮಾಡುತ್ತೇನೆ ಎಂದು ಹೇಳಿದ್ದಾನೆ.

ಈ ವಿಷಯ ಹುಡುಗಿಯವರ ಮನೆಯಲ್ಲಿ ಮದುವೆಯ ಪ್ರಸ್ತಾಪ ಮಾಡಿದಾಗ, ಆಕೆಯ ತಂದೆ-ತಾಯಿಎಗ ಮೊದಲು ಏನು ಮಾಡಬೇಕೆಂದು ತಿಳಿಯದೇ ಸುಮ್ಮನಾಗಿದ್ದರು. ಕೊನೆಗೆ ಒಮ್ಮತ ನಿರ್ಧಾರ ತೆಗೆದುಕೊಂಡ ಮೇಲೆ ವಿನೀತಾ ಹಾಗೂ ಬಲ್ಲೂರಾಮ್​ ಮದುವೆ ನಿಶ್ಚಯ ಮಾಡಿ, ವಿಧಿ-ವಿಧಾನಗಳೊಂದಿಗೆ ಸಂಪ್ರದಾಯಬದ್ಧವಾಗಿ ಈ ಮದುವೆಯನ್ನು ಮಾಡಿದ್ದಾರೆ. ಬಲ್ಲೂರಾಮ್​ ನಿರ್ಧಾರಕ್ಕೆ ಗ್ರಾಮಸ್ಥರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.