Child Killing: 1 ವರ್ಷದ ಮೊಮ್ಮಗುವಿನ ಬಾಯಿಗೆ ಬಿಸ್ಕೆಟ್​ ಪ್ಯಾಕ್​ ತುರುಕಿ ಕೊಲೆ ಮಾಡಿದ ಪಾಪಿ ಅಜ್ಜಿ.. ಕಾರಣವೇನು ಗೊತ್ತಾ?

ಒಂದು ವರ್ಷದ ಮಗುವನ್ನು ಕ್ರೂರವಾಗಿ ಕೊಲೆ ಮಾಡಿರುವ ಘಟನೆ ತಮಿಳುನಾಡಿನ ಕೊಯಮತ್ತೂರಿನಲ್ಲಿ ನಡೆದಿದೆ. 50 ವರ್ಷ ಪ್ರಾಯದ ಮಹಿಳೆ ತನ್ನ ಮೊಮ್ಮಗನ ತಲೆಯನ್ನು ಗೋಡೆಗೆ ಬಡಿದು, ಬಾಯಿಗೆ ಬಿಸ್ಕೆಟ್ ಪ್ಯಾಕೆಟ್​  ತುರುಕಿ ಕೊಲೆ ಮಾಡಿದ್ದಾಳೆ. ಮೊಮ್ಮಗನನ್ನು ಕೊಂದ ಮಹಿಳೆಯನ್ನು ಆರ್ ನಾಗಲಕ್ಷಿ ಎಂದು ಗುರುತಿಸಲಾಗಿದೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ, ನಾಗಲಕ್ಷಿ ಕೊಯಮತ್ತೂರಿನ ಅಂಬಗಂ ಬೀದಿಯಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದು, ಹೋಟೆಲ್​ನಲ್ಲಿ ಕೆಲಸ ಮಾಡುತ್ತಿದ್ದಳು. ಸುಮಾರು ಐದು ವರ್ಷಗಳ ಹಿಂದೆ, ಆಕೆಯ ಮಗಳು ನಂದಿನಿ (24) ವೃತ್ತಿಯಲ್ಲಿ ಕಾಲ್ ಟ್ಯಾಕ್ಸಿ ಡ್ರೈವರ್ ಆಗಿರುವ ನಿತ್ಯಾನಂದಂ ಜೊತೆ ವಿವಾಹ ವಾಗಿದ್ದಳು.

ನಾಗಾಲಾಕ್ಷಿ ನಿತ್ಯಾನಂದಂ ವಿರುದ್ಧ ದ್ವೇಷ ಹೊಂದಿದ್ದಳು, ಏಕೆಂದರೆ ಆಕೆಯ ಮಗಳು ಆಕೆಯ ಇಚ್ಛೆಗೆ ವಿರುದ್ಧವಾಗಿ ಆತನೊಂದಿಗೆ ವಿವಾಹ ಮಾಡಿಕೊಂಡಿದ್ದಳು. ಏತನ್ಮಧ್ಯೆ, ನಂದಿನಿ ಮತ್ತು ನಿತ್ಯಾನಂದಂ ಅವರಿಗೆ ನಾಲ್ಕು ವರ್ಷದ ಪ್ರಾಯದ ಸಾಯಿಕೃಷ್ಣ ಮತ್ತು ಒಂದು ವರ್ಷ ಪ್ರಾಯದ ದುರ್ಗೇಶ್ ಎಂಬ ಎರಡು ಗಂಡು ಮಕ್ಕಳಿದ್ದರು

ಸುಮಾರು ಎಂಟು ತಿಂಗಳ ಹಿಂದೆ ಭಿನ್ನಾಭಿಪ್ರಾಯದ ಕಾರಣ ನಂದಿನಿ ತನ್ನ ಗಂಡನನ್ನು ಬಿಟ್ಟು ತನ್ನ ತಾಯಿಯ ಮನೆಗೆ ತೆರಳಿದ್ದಳು ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. ಖಾಸಗಿ ಮಾಧ್ಯಮವೊಂದು ವರದಿ ಮಾಡಿದ ಪ್ರಕಾರ, ಹಿರಿಯ ಮಗನನ್ನು ತನ್ನ ಗಂಡನ ಆರೈಕೆಯಲ್ಲಿ ಬಿಟ್ಟು ತನ್ನ ಕಿರಿಯ ಮಗನನ್ನು ತನ್ನೊಂದಿಗೆ ಕರೆದುಕೊಂಡು ತಾಯಿ ಮನೆ ಸೇರಿದ್ದಳು ಎನ್ನಲಾಗಿದೆ

ಕಳೆದ ಕೆಲವು ದಿನಗಳಿಂದ ನಾಗಲಕ್ಷಿ ಗೆ ಆರೋಗ್ಯ ಸರಿ ಇರಲಿಲ್ಲ. ಆದ್ದರಿಂದ, ನಂದಿನಿ ಹೋಟೆಲ್​ಗೆ ಹೋಗಿ ತನ್ನ ತಾಯಿ ಮಾಡುತ್ತಿದ್ದ ಕೆಲಸವನ್ನು ಮಾಡಿ ಬರುತ್ತಿದ್ದಳು. ಮಂಗಳವಾರ ರಾತ್ರಿ 9: 30 ರ ಸುಮಾರಿಗೆ ಅವಳು ಕೆಲಸದಿಂದ ಹಿಂದಿರುಗಿದಾಗ, ನಂದಿನಿ ತನ್ನ ಮಗನ ಬಗ್ಗೆ ತನ್ನ ತಾಯಿಯನ್ನು ವಿಚಾರಿಸುತ್ತಾಳೆ.

ಒಂದು ವರ್ಷದ ಪ್ರಾಯದ ದುರ್ಗೇಶ್ ಮನೆಯ ಸುತ್ತಲೂ ಎಲ್ಲೂ ಕಾಣಲಿಲ್ಲ. ನಂತರ ನಾಗಲಕ್ಷಿ ನಿನ್ನ ಮಗು ರಾತ್ರಿ 7: 30 ರ ಸುಮಾರಿಗೆ ತೊಟ್ಟಿಲಿನಲ್ಲಿ ಮಲಗಿದ್ದಾನೆ ಎಂದು ಹೇಳಿದಳು. ತಕ್ಷಣವೇ ತೊಟ್ಟಿಲ ಬಳಿ ಹೋದ ನಂದಿನಿಗೆ ಮಗು ಉಸಿರಾಡುತ್ತಿರುವುದು ಕಾಣಲಿಲ್ಲ. ಕೂಡಲೇ ಅಲ್ಲಿದ್ದ ಸಾಯಿಬಾಬಾ ಕಾಲೋನಿಯಲ್ಲಿರುವ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯ ಲಾಯಿತು. ಮಗುವಿನ ಸ್ಥಿತಿ ಕಂಡು ಪರೀಕ್ಷೆ ಒಳಪಡಿಸಿದ ವೈದ್ಯರು ಮಗು ಮೃತಪಟ್ಟಿದೆ ಎಂದು ಹೇಳಿದರು.

ನಂದಿನಿ ತನ್ನ ಅಪ್ರಾಪ್ತ ಮಗನ ಸಾವಿಗೆ ಸಂಬಂಧಿಸಿದಂತೆ ಪೋಲಿಸ್ ದೂರು ದಾಖಲಿಸಿದ್ದಾಳೆ. ದೂರಿನ ಆಧಾರದ ಮೇಲೆ ಪೊಲೀಸರು ಸಿಆರ್​ಸಿ ಸೆಕ್ಷನ್ 174 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ ಮತ್ತು ಬಾಲಕನ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.

ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಮೃತ ಮಗುವಿನ ತಲೆಬುರುಡೆ ಬಿರುಕು ಬಿಟ್ಟಿದೆ ಮತ್ತು ಆತನ ಗಂಟಲಿನಲ್ಲಿ ಬಿಸ್ಕಟ್ ಪ್ಯಾಕೇಟ್ ಪತ್ತೆಯಾಗಿದೆ. ಇದರ ಪರಿಣಾಮವಾಗಿ, ಸಿಆರ್​ಪಿಸಿ ಪ್ರಕರಣವನ್ನು ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 302 ರ ಅಡಿಯಲ್ಲಿ ಕೊಲೆ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.

ಪೊಲೀಸರು ನಾಗಲಕ್ಷಿ ಅವರನ್ನು ವಿಚಾರಿಸಿದಾಗ ಮಗುವನ್ನು ಕೊಂದಿರುವುದು ತಾನೇ ಎಂದು ಒಪ್ಪಿಕೊಂಡಿದ್ದಾರೆ. ನಂತರ ಆಕೆಯನ್ನು ಪೊಲೀಸರು ಆಕೆಯನ್ನು ಬಂಧಿಸಿದ್ದಾರೆ. ಅಳಿಯ ವಿರುದ್ಧವಿದ್ದ ಹತಾಶೆಯನ್ನು ಹೊರಹಾಕಲು ಮೊಮ್ಮಗನನ್ನು ಆಗಾಗೆ ಹಿಂಸಿಸುತ್ತಿದ್ದಳು ಎಂದು  ಒಪ್ಪಿಕೊಂಡಿದ್ದಾಳೆ