Liquor Tragedy: ಮದ್ಯ ಸೇವಿಸಿ ಇಬ್ಬರ ಸಾವು, ನಾಲ್ವರು ದೃಷ್ಟಿಯನ್ನೇ ಕಳೆದುಕೊಂಡರು! ಯಾವುದಿದು ಡೇಂಜರ್ ‘ಎಣ್ಣೆ’?

ಬಿಹಾರದಲ್ಲಿ ಶಂಕಿತ ನಕಲಿ ಮದ್ಯ ಸೇವಿಸಿ ಕನಿಷ್ಠ ಇಬ್ಬರು ಸಾವನ್ನಪ್ಪಿದ್ದರೆ, ನಾಲ್ವರು ತೀವ್ರ ಅಸ್ವಸ್ಥಗೊಂಡಿದ್ದಾರೆ. ಸರನ್ ಜಿಲ್ಲೆಯಲ್ಲಿ ಈ ಘಟನೆ ವರದಿಯಾಗಿದೆ.

ವಿವರಗಳ ಪ್ರಕಾರ, ಸಂತ್ರಸ್ತರು ಸಂಜೆ ತಮ್ಮ ಕೆಲಸವನ್ನು ಮುಗಿಸಿದ ನಂತರ ಮದ್ಯದ ಪಾರ್ಟಿಗೆ ತೆರಳಿದ್ದರು. ಅವರೆಲ್ಲರೂ ದಿನಗೂಲಿ ಕಾರ್ಮಿಕರಾಗಿದ್ದು, ಜಿಲ್ಲೆಯ ಪಾಣಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಜೀವಪುರದಲ್ಲಿ ಕಟ್ಟಡ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದರು. ( ಸಾಂದರ್ಭಿಕ ಚಿತ್ರ)

ನಿರ್ಮಾಣ ಸ್ಥಳದಿಂದ ಹಿಂತಿರುಗಿದ ನಂತರ, ನನ್ನ ಪತಿ ಇತರ ಐವರೊಂದಿಗೆ ಮದ್ಯ ಸೇವಿಸಲು ಹೋದರು, ಅವರು ರಾತ್ರಿ ಹಿಂತಿರುಗಿದಾಗ, ಅವರು ವಾಂತಿ ಮಾಡಲು ಪ್ರಾರಂಭಿಸಿದರು. ಅವರು ಎರಡು ಲೋಟ ಮದ್ಯವನ್ನು ಸೇವಿಸಿದರು ಮತ್ತು ರಾತ್ರಿಯ ಊಟವನ್ನು ನಿರಾಕರಿಸಿದರು ಎಂದು ಸಂತ್ರಸ್ತರೊಬ್ಬರ ಪತ್ನಿ ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಕೆಲವು ಸಮಯದ ನಂತರ ಅವರ ಆರೋಗ್ಯ ಹದಗೆಟ್ಟಿತು. ನಾವು ಅವರನ್ನು ಹತ್ತಿರದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ದಿದ್ದೆವು. ಅಲ್ಲಿ ವೈದ್ಯರು ಬರುವಷ್ಟರಲ್ಲಿ ಅವರು ಸಾವನ್ನಪ್ಪಿದ್ದಾರೆ ಎಂದು ಮೃತನ ಪತ್ನಿ ಹೇಳಿದರು. (ಸಾಂದರ್ಭಿಕ ಚಿತ್ರ)

ಮತ್ತೊಬ್ಬ ಕಾರ್ಮಿಕ ಕೂಡ ಕಲಬೆರಕೆ ಮದ್ಯ ಸೇವಿಸಿ ಸಾವನ್ನಪ್ಪಿದ್ದಾನೆ. ಅವರ ಸಂಬಂಧಿಕರ ಪ್ರಕಾರ, ಆರು ವ್ಯಕ್ತಿಗಳು (ಕೂಲಿಗಳು) ಮದ್ಯ ಸೇವಿಸಲು ಹೋಗಿದ್ದರು. (ಸಾಂದರ್ಭಿಕ ಚಿತ್ರ)

ಮದ್ಯ ಸೇವಿಸಿದ ಎಲ್ಲರನ್ನೂ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ಯಲಾಯಿತು, ಅಲ್ಲಿ ನಾಲ್ವರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ನಾಲ್ವರೂ ದೃಷ್ಟಿ ಕಳೆದುಕೊಂಡಿದ್ದಾರೆ. ಘಟನೆ ಕುರಿತು ಜಿಲ್ಲಾ ಪೊಲೀಸರು ಇನ್ನೂ ಅಧಿಕೃತ ಹೇಳಿಕೆ ನೀಡಬೇಕಿದೆ. (ಸಾಂದರ್ಭಿಕ ಚಿತ್ರ)

ಇಬ್ಬರ ಸಾವು, ನಾಲ್ವರು ದೃಷ್ಟಿ ಕಳೆದುಕೊಂಡಿರುವ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಬಿಹಾರ ಸರ್ಕಾರ ತನಿಖೆಗೆ ಮುಂದಾಗಿದೆ. ಅಕ್ರಮ ಮದ್ಯದ ಜಾಲವನ್ನು ಕಂಡು ಹಿಡಿಯಲು ಮುಂದಾಗಿದೆ. (ಸಾಂದರ್ಭಿಕ ಚಿತ್ರ)