Hakki Pikki Community: ಆಫ್ರಿಕಾದಲ್ಲಿ ಹಕ್ಕಿ ಪಿಕ್ಕಿ ಸಮುದಾಯದವರೇ ಡಾಕ್ಟರ್ಸ್!

ಸುಡಾನ್​ನಲ್ಲಿ ಸಿಲುಕಿಕೊಂಡಿರುವ ಹಕ್ಕಿ ಪಿಕ್ಕಿ ಜನಾಂಗದವರನ್ನು ರಕ್ಷಿಸುವ ಕುರಿತು ಇತ್ತೀಚಿಗಷ್ಟೇ ಮಾಜಿ ಸಿಎಂ ಸಿದ್ದರಾಮಯ್ಯ ಆಗ್ರಹ ವ್ಯಕ್ತಪಡಿಸಿದ್ದರು. ಕನ್ನಡಿಗರು ದೂರದ ಸುಡಾನ್​ನಲ್ಲಿ ಅನ್ನ ನೀರು ಇಲ್ಲದೇ ಬಳಲುತ್ತಿದ್ದು, ತಕ್ಷಣ ಸೂಕ್ತ ರಾಜತಾಂತ್ರಿಕ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದರು. ಹಾಗಾದರೆ ಹಕ್ಕಿ ಪಿಕ್ಕಿ ಜನಾಂಗದವರು ಸುಡಾನ್ ಸೇರಿದ್ದು ಏಕೆ? ಎಂಬ ಮಾಹಿತಿ ಇಲ್ಲಿದೆ.  (ಸಾಂದರ್ಭಿಕ ಚಿತ್ರ)

ಹಕ್ಕಿ ಪಿಕ್ಕಿ ಕರ್ನಾಟಕದ ಪ್ರಮುಖ ಬುಡಕಟ್ಟು ಸಮುದಾಯಗಳಲ್ಲಿ ಒಂದಾಗಿದೆ. ಹಕ್ಕಿ ಎಂದರೆ ಪಕ್ಷಿ. 'ಪಿಕ್ಕಿ' ಎಂದರೆ 'ಹಿಡಿಯಲು' ಎಂದರ್ಥ. 'ಪಕ್ಷಿ ಹಿಡಿಯುವುದು' ಈ ಸಮುದಾಯದ ಸಾಂಪ್ರದಾಯಿಕ ಉದ್ಯೋಗವಾಗಿತ್ತು.  (ಸಾಂದರ್ಭಿಕ ಚಿತ್ರ)

ಹಕ್ಕಿ-ಪಿಕ್ಕಿ ಸಮುದಾಯವು ಮೂಲತಃ ಉತ್ತರ ಭಾರತದಿಂದ ಕರ್ನಾಟಕಕ್ಕೆ ವಲಸೆ ಬಂದಿದೆ.   (ಸಾಂದರ್ಭಿಕ ಚಿತ್ರ)

ಪಕ್ಷಿಗಳ ಬೇಟೆಯನ್ನು ನಿಷೇಧಿಸಿದ ನಂತರ ಈ ಸಮುದಾಯದ ಜನರು ಕೃಷಿ ಕಾರ್ಮಿಕರಾದರು. ನಗರ ಪ್ರದೇಶಗಳಲ್ಲಿ ಚಿಕ್ಕ ಪುಟ್ಟ ಕೆಲಸಗಳನ್ನು ತೊಡಗಿಕೊಂಡರು. ಜೊತೆಗೆ ಗಿಡಮೂಲಿಕೆಗಳನ್ನು ಸಂಗ್ರಹಿಸಿ ವೈದ್ಯಕೀಯ ಮಾಡುವ ಕೆಲಸಗಳ ಮೂಲಕ ಬದುಕು ಕಟ್ಟಿಕೊಂಡಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಹೀಗೆ ಗಿಡಮೂಲಿಕೆಗಳ ಮೂಲಕ ವೈದ್ಯಕೀಯ ಮಾಡುತ್ತಲೇ ಹಕ್ಕಿ ಪಿಕ್ಕಿ ಸಮುದಾಯದ ಜನರು ದುಬೈ, ಆಫ್ರಿಕಾ ಮುಂತಾದೆಡೆ ತಲುಪಿದ್ದಾರೆ. ಬದುಕು ಕಟ್ಟಿಕೊಳ್ಳಲು ದೂರದ ದೇಶಕ್ಕೆ ಹೋಗಿ ಸುಡು ಸುಡು ಕಷ್ಟ ಅನುಭವಿಸುತ್ತಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಕರ್ನಾಟಕದ ಶಿವಮೊಗ್ಗ, ದಾವಣಗೆರೆ ಮತ್ತು ಮೈಸೂರು ಜಿಲ್ಲೆಗಳಲ್ಲಿ ಹಕ್ಕಿ ಪಿಕ್ಕಿ ಸಮುದಾಯದ ಜನರು ಹೆಚ್ಚಾಗಿ ವಾಸಿಸುತ್ತಾರೆ. ಈ ಸಮುದಾಯದ ಮಾತೃಭಾಷೆಯನ್ನು 'ವಾಗ್ರಿ' ಎಂದು ಹೇಳಲಾಗುತ್ತದೆ. ಯುನೆಸ್ಕೋ ಅಳಿವಿನಂಚಿನಲ್ಲಿರುವ ಭಾಷೆಗಳಲ್ಲಿ 'ವಾಗ್ರಿ' ಭಾಷೆಯನ್ನು ಸೇರಿಸಿದೆ.  (ಸಾಂದರ್ಭಿಕ ಚಿತ್ರ)

ಆಫ್ರಿಕಾದ ದೇಶಗಳಲ್ಲಿ ಹಕ್ಕಿ ಪಿಕ್ಕಿ ಜನಾಂಗದವರ ಗಿಡಮೂಲಿಕೆಗೆ ಭರ್ಜರಿ ಡಿಮ್ಯಾಂಡ್ ಇದೆ. ಕಾಡುಗಳಲ್ಲಿ ಸಂಗ್ರಹಿಸಿದ ಆಯುರ್ವೇದಿಕ್ ತೈಲಗಳನ್ನು ಇವರು ಆಫ್ರಿಕಾದಲ್ಲಿ ಮಾರಾಟ ಮಾಡುತ್ತಾರೆ. ಅಲ್ಲದೇ, ಮಸಾಜ್ ಸಹ ಮಾಡಿ ಕಾಸು ಸಂಪಾದಿಸುತ್ತಾರೆ ಇವರು. ಆದರೆ ಇದ್ಯಾವುದಕ್ಕೂ ಯಾವುದೇ ಲೈಸೆನ್ಸ್ ಇಲ್ಲ, ಹೀಗಾಗಿ ಜೈಲು ಸೇರಿದ ಪ್ರಕರಣಗಳೂ ಹಲವಿವೆ. (ಸಾಂದರ್ಭಿಕ ಚಿತ್ರ)