Mysuru Pak History: ಕಾಕಾಸುರ ಮಾದಪ್ಪ ಭಟ್ಟರ ನಳಪಾಕ!

ಮೈಸೂರು ಅಂದ ತಕ್ಷಣ ಅರಮನೆಯ ಜೊತೆಗೆ ನೆನಪಿಗೆ ಬರುವ ಇನ್ನೊಂದು ಪ್ರಮುಖ ಹೆಸರು ಮೈಸೂರು ಪಾಕ್. ಈ ಅದ್ಭುತ ಸಿಹಿ ತಿಂಡಿಯನ್ನು ಸವಿಯದವರು ಯಾರೂ ಇಲ್ಲವೆನೋ!? ಅಷ್ಟು ಫೇಮಸ್, ಅಷ್ಟು ರುಚಿಯ ಈ ಸಿಹಿ ತಿಂಡಿಯ ಕುರಿತು ನಿಮಗೆ ತಿಳಿದಿರದ ವಿಷಯ ಇಲ್ಲಿದೆ.

ಏನೇ ಸಿಹಿ ಸುದ್ದಿಯಿರಲಿ, ಸಿಹಿ ಖರೀದಿಸಬೇಕು ಎಂದುಕೊಂಡರೆ ಮೊದಲು ನೆನಪಾಗುವುದೇ ಮೈಸೂರು ಪಾಕ್. ಹಾಗಾದರೆ ಈ ಸಿಹಿ ತಿಂಡಿಗೆ ಮೈಸೂರು ಪಾಕ್ ಎಂದೇ ಹೇಗೆ ಹೆಸರು ಬಂತು? ಇದರ ಸೃಷ್ಟಿಕರ್ತ ನಳ ಮಹಾರಾಜರು ಯಾರು ಎಂದು ನಾವು ಹೇಳ್ತೀವಿ ಕೇಳಿ.

ಅದು ಮೈಸೂರು ಅರಮನೆ. ಮಹಾರಾಜ ಕೃಷ್ಣರಾಜ ಒಡೆಯ ಅವರ ಆಡಳಿತದ ಕಾಲ. ಕಾಕಾಸುರ ಮಾದಪ್ಪ ಎಂಬ ಅಡುಗೆ ಭಟ್ಟರು ಅರಮನೆಯ ಪಾಕಶಾಲೆಯಲ್ಲಿದ್ದರು.

ಒಂದಿಲ್ಲೊಂದು ದಿನ ಮೈಸೂರು ಮಹಾರಾಜರು ವಿಶೇಷ ಸಂದರ್ಭವೊಂದಕ್ಕೆ ರುಚಿಯಾದ ಸಿಹಿ ತಿಂಡಿ ತಯಾರಿಸಲು ಹೇಳಿದರು. ಮುಂದೆ ನಡೆದದ್ದೇ ಇತಿಹಾಸ!

ಕಡಲೆ ಹಿಟ್ಟು, ತುಪ್ಪ ಮತ್ತು ಸಕ್ಕರೆ ಸೇರಿಸಿ ಮೃದುವಾದ ಪಾಕ ತಯಾರಿಸಿ ಸಿಹಿ ತಿಂಡಿಯೊಂದನ್ನು ತಯಾರಿಸಿದರು. ಈ ಹೊಸ ಪಾಕಕ್ಕೆ ಹೆಸರು ಹುಡುಕುವಾಗ ಮಾದಪ್ಪನ ಹೆಸರು ಮನಸಲ್ಲಿ ಮೂಡಿತು. ತಕ್ಷಣ ಅವರ ಮನಸಲ್ಲಿ ಹೊಳೆದ ಹೆಸರೇ ಮೈಸೂರು ಪಾಕ. ಅದೇ ಮುಂದೆ ಮೈಸೂರು ಪಾಕ್.

ಮೈಸೂರು ಪಾಕ್ ಮೊದಲ ಬಾರಿಗೆ ತಯಾರಾದದ್ದು 1935ರಲ್ಲಿ. ಅಂದಿನಿಂದ ಇಂದಿನವರೆಗೆ ಯಾರ ಆಡಳಿತದ ಸರ್ಕಾರವೇ ಬರಲಿ ಮೈಸೂರು ಪಾಕ್ ಮಾತ್ರ ತನ್ನ ಹವಾ ಮೆಂಟೇನ್ ಮಾಡಿದೆ.

ಅಷ್ಟೇ ಅಲ್ಲದೇ ಕಾಕಾಸುರ ಮಾದಪ್ಪ ಭಟ್ಟರ ಮನೆತನದ ಮೈಸೂರು ಪಾಕ್ ಅಂಗಡಿ ಈಗಲೂ ಮೈಸೂರಲ್ಲಿ ಇದೆ. ಈ ಮನೆತನದ ಗುರು ಸ್ವೀಟ್ಸ್ ಅಂಗಡಿಯಿಂದಲೇ ಮೈಸೂರು ಪಾಕ್​ ಖರೀದಿಸುವವರು ಇದ್ದಾರೆ.