Price Hike In Mysuru: ಬರೋಬ್ಬರಿ ಡಬಲ್ ಆದ ಬೆಲೆ, ಕಹಿಯಾದ ಬೆಲ್ಲ

ಬೆಲ್ಲದ ಬೆಲೆಯಲ್ಲಿ ಉತ್ತಮ ಏರಿಕೆಯಾಗಿದೆ. ಇದರಿಂದ ಅವಳಿ ಜಿಲ್ಲೆಗಳಾದ ಮೈಸೂರು ಮತ್ತು ಚಾಮರಾಜನಗರದ ಉತ್ಪಾದಕರಲ್ಲಿ ಸಂತಸ ಮೂಡಿಸಿದೆ. (ಸಾಂದರ್ಭಿಕ ಚಿತ್ರ)

ಕ್ರಷಿಂಗ್ಗೆ ಕಬ್ಬಿನ ಕಡಿಮೆ ಲಭ್ಯತೆ, ಕಾರ್ಮಿಕರ ಸಮಸ್ಯೆಗಳು ಮತ್ತು ಅಕಾಲಿಕ ಮಳೆಯಿಂದಾಗಿ ಬೆಲ್ಲ ಉತ್ಪಾದನೆ ಕುಸಿತಗೊಂಡಿತ್ತು. ಇದು ಈ ಋತುವಿನಲ್ಲಿ ಬೆಲ್ಲದ ಬೆಲೆಯನ್ನು ಸುಮಾರು ಎರಡು ಪಟ್ಟು ಹೆಚ್ಚಿಸಿತ್ತು.  (ಸಾಂದರ್ಭಿಕ ಚಿತ್ರ)

ಕಳೆದೊಂದು ವಾರದಿಂದ ಕ್ವಿಂಟಾಲ್ ಬೆಲ್ಲವನ್ನು 3000 ರೂ.ಗೆ ಮಾರಾಟ ಮಾಡುತ್ತಿದ್ದ ಉತ್ಪಾದಕರು ಇದೀಗ 5500ರಿಂದ 6000 ರೂ.ಗೆ ಮಾರಾಟ ಮಾಡುತ್ತಿದ್ದಾರೆ! ಮುಂದಿನ ವಾರದ ವೇಳೆಗೆ ಇದು 6,500 ರಷ್ಟು ಹೆಚ್ಚಾಗಬಹುದು ಎಂದು ಮೈಸೂರು ಜಿಲ್ಲೆಯ ಬನ್ನೂರಿನ ಬೆಲ್ಲ ಉತ್ಪಾದಕ ಜಯರಾಮೇಗೌಡ ಟೈಮ್ಸ್ ಆಫ್ ಇಂಡಿಯಾಕ್ಕೆ ತಿಳಿಸಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಮೈಸೂರು ಮತ್ತು ಚಾಮರಾಜನಗರ ಜಿಲ್ಲೆಗಳಲ್ಲಿ ಅತ್ಯಂತ ಹೆಚ್ಚಿನ ಬೆಲ್ಲ ಉತ್ಪಾದಿಸಲಾಗುತ್ತದೆ. ಈ ಪ್ರದೇಶದಲ್ಲಿ ಸಾವಿರಾರು ರೈತರು 33,000 ಹೆಕ್ಟೇರ್​ಗಳಲ್ಲಿ ಕಬ್ಬು ಬೆಳೆಯುತ್ತಾರೆ.  (ಸಾಂದರ್ಭಿಕ ಚಿತ್ರ)

ಈ ಭಾಗದ ರೈತರು ಸ್ಥಳೀಯ ಸಕ್ಕರೆ ಕಾರ್ಖಾನೆಗಳಿಗೆ ಕಬ್ಬನ್ನು ಪೂರೈಸುವುದು ಮಾತ್ರವಲ್ಲದೆ ಸಾಂಪ್ರದಾಯಿಕವಾಗಿ 'ಆಲೆಮನೆ' ಎಂಬ ಬೆಲ್ಲ ತಯಾರಿಸುವ ಘಟಕಗಳಲ್ಲಿ ಬೆಲ್ಲ ಉತ್ಪಾದಿಸುತ್ತಾರೆ.

ಚಾಮರಾಜನಗರ ಜಿಲ್ಲೆಯಲ್ಲಿ 298 ಸೇರಿ ಈ ಎರಡೂ ಜಿಲ್ಲೆಗಳಿಂದ 550 ಆಲೆಮನೆಗಳಿವೆ. ಬಹುತೇಕ ರೈತರು ಆಲೆಮನೆ ಸ್ಥಾಪಿಸಿ ಬೆಲ್ಲ ಉತ್ಪಾದಿಸುತ್ತಿದ್ದಾರೆ. ತಮಿಳುನಾಡು ಹೊರತುಪಡಿಸಿ, ಮಧ್ಯಪ್ರದೇಶ, ಒಡಿಶಾ, ಗುಜರಾತ್, ಮಹಾರಾಷ್ಟ್ರ, ಕೇರಳ ಮತ್ತು ರಾಜಸ್ಥಾನದ ವ್ಯಾಪಾರಿಗಳು ಪ್ರಮುಖ ಖರೀದಿದಾರರಾಗಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಅವಳಿ ಜಿಲ್ಲೆಗಳ ಎಪಿಎಂಸಿ ಮತ್ತು ಇತರ ಬೆಲ್ಲದ ಮಾರುಕಟ್ಟೆಗಳಲ್ಲಿ ಬೇಡಿಕೆ-ಪೂರೈಕೆಯಲ್ಲಿ ವ್ಯತ್ಯಾಸ ಕಂಡುಬಂದಿದೆ. ಈ ಕಾರಣಕ್ಕೆ ಕಳೆದ 10 ದಿನಗಳಲ್ಲಿ ಬೆಲ್ಲದ ಬೆಲೆ 100% ರಷ್ಟು ಏರಿಕೆಯಾಗಿದೆ.  (ಸಾಂದರ್ಭಿಕ ಚಿತ್ರ)