Matsyagandha Express: ಲಕ್ಷಾಂತರ ಜನರಿಗೆ ಬದುಕು ಕಟ್ಟಿಕೊಟ್ಟ ಪ್ರಖ್ಯಾತ ರೈಲಿಗೆ 25ರ ಪ್ರಾಯ!

ಕರ್ನಾಟಕದ ಕರಾವಳಿ ಮತ್ತು ಮುಂಬೈ ನಡುವಿನ ಸಂಪರ್ಕ ಸೇತುವೆಯಂತಿರುವ ಪ್ರಸಿದ್ಧ ರೈಲಿಗೆ ಈಗ ಬೆಳ್ಳಿ ಹಬ್ಬದ ಸಂಭ್ರಮ! ಹೌದು, ಮಂಗಳೂರು-ಮುಂಬೈ ನಡುವೆ ಸಂಚರಿಸುವ ಮತ್ಸ್ಯಗಂಧ ರೈಲಿಗೆ ಬರೋಬ್ಬರಿ 25 ವರ್ಷ ತುಂಬಿದೆ. (ಸಾಂದರ್ಭಿಕ ಚಿತ್ರ)

ಇಷ್ಟೇ ಅಲ್ಲ, ಕೊಂಕಣ ರೈಲ್ವೆಯೂ ಸಹ ಆರಂಭವಾಗಿ ಒಟ್ಟು 25 ವರ್ಷಗಳು ತುಂಬಿದೆ. ಕೊಂಕಣ ರೈಲ್ವೆಯ ಆರಂಭದಲ್ಲೇ ಮತ್ಸ್ಯಗಂಧ ರೈಲನ್ನು ಸಹ ಆರಂಭಿಸಲಾಗಿತ್ತು. 1, 1998 ರ ಮೇ ತಿಂಗಳಿನಲ್ಲಿ ಮತ್ಸ್ಯಗಂಧ ರೈಲು ಸಂಚಾರ ಶುರು ಮಾಡಿತು.  (ಸಾಂದರ್ಭಿಕ ಚಿತ್ರ)

ಕರ್ನಾಟಕದ ಕರಾವಳಿ ಭಾಗದ ಸಾವಿರಾರು ಜನರು ಮುಂಬೈನಲ್ಲಿ ಬದುಕು ಕಟ್ಟಿಕೊಂಡಿದ್ದಾರೆ. ಇವರಿಗೆ ಮತ್ಸ್ಯಗಂಧ ರೈಲು ಸಂಪರ್ಕ ಸೇತುವೆಯಂತೆ ಕಾರ್ಯನಿರ್ವಹಿಸುತ್ತಿದೆ. (ಸಾಂದರ್ಭಿಕ ಚಿತ್ರ)

ಅಲ್ಲದೇ ಅತೀ ಹೆಚ್ಚು ಜನರು ಅವಲಂಬಿಸಿರುವ ಮಂಗಳೂರು-ಮುಂಬೈ ನಡುವಿನ ಮಾರ್ಗದಲ್ಲಿ ವಂದೇ ಭಾರತ್ ರೈಲು ಸೇವೆ ಆರಂಭಿಸಬೇಕು ಎಂಬ ಬೇಡಿಕೆಯೂ ಕೇಳಿಬಂದಿದೆ.  (ಸಾಂದರ್ಭಿಕ ಚಿತ್ರ)

ಮತ್ಸ್ಯ ಗಂಧ ರೈಲಿನ ಹಳಿ ದ್ವಿಗುಣಗೊಳಿಸಬೇಕು. ಈ ರೈಲಿಗೆ ಎಲ್ಎಚ್​ಬಿ ಅಥವಾ ಆಧುನಿಕ ಕೋಚ್ ಅಳವಡಿಸಬೇಕು. ಕೊಂಕಣ ರೈಲ್ವೆ ಆಧುನಿಕ ಸೌಕರ್ಯಗಳನ್ನು ಕಲ್ಪಿಸಬೇಕು ಎಂದು ಕುಂದಾಪುರ ರೈಲು ಪ್ರಯಾಣಿಕರ ಹಿತರಕ್ಷಣಾ ಸಮಿತಿ ಅಧ್ಯಕ್ಷ, ಗಣೇಶ ಪುತ್ರನ್ ಆಗ್ರಹಿಸಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಮುಂಬೈನಿಂದ ಕರ್ನಾಟಕದ ಕರಾವಳಿಯಲ್ಲಿರುವ ಮನೆಗೆ, ಮನೆಯಿಂದ ಮತ್ತೆ ಕರ್ಮಭೂಮಿಗೆ ಕರೆದೊಯ್ಯುವ ಮತ್ಸ್ಯಗಂಧ ಎಕ್ಸ್​ಪ್ರೆಸ್​ ಬಗ್ಗೆ ಕರಾವಳಿ ಭಾಗದ ಜನತೆಗೆ ಒಂಥರಾ ಬಿಡಿಸಲಾರದ ಅನುಬಂಧವಿದೆ.  (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಮಂಗಳೂರು ಮತ್ತು ಮುಂಬೈ ನಡುವಿನ ಸಂಪರ್ಕ ಸೇತುವಿನ ಮುಂದಿನ ಭವಿಷ್ಯ ಉಜ್ವಲವಾಗಲಿ. ಕರಾವಳಿ ಜನತೆಗೆ ಇನ್ನಷ್ಟು ಅನುಕೂಲವಾಗಲಿ ಎಂಬ ಆಶಯ ವ್ಯಕ್ತವಾಗಿದೆ.  (ಸಾಂದರ್ಭಿಕ ಚಿತ್ರ)