Animals Speciality: ಪ್ರತಿಯೊಂದು ಪ್ರಾಣಿಗೂ ಒಂದೊಂದು ವಿಶೇಷತೆ ಇರುತ್ತದೆ, ಅವೇನು ಅಂತ ನಿಮಗೆ ಗೊತ್ತಾ?

ಪ್ರತಿದಿನ ನಾವು ಹಲವಾರು ರೀತಿಯ ಪ್ರಾಣಿಗಳನ್ನು ನೋಡುತ್ತೇವೆ. ಇವುಗಳಲ್ಲಿ ಕೆಲವು ಸಾಕು ಪ್ರಾಣಿಗಳು ಮತ್ತು ಇನ್ನೂ ಕೆಲವು ಕಾಡು ಪ್ರಾಣಿಗಳು. ಎಲ್ಲರ ಮನೆಯಲ್ಲೂ ನಾಯಿಯನ್ನು ಸಾಕುಪ್ರಾಣಿಯಾಗಿ ಸಾಕುತ್ತಾರೆ. ಏಕೆಂದರೆ ನಾಯಿಯನ್ನು ನಿಯತ್ತಿನ ಪ್ರಾಣಿ ಎಂದು ನಂಬಲಾಗಿದೆ. ನಾಯಿ ಮಾತ್ರವಲ್ಲದೇ ಅನೇಕ ಪ್ರಾಣಿಗಳು ತಮ್ಮದೇ ಆದ ವಿಶೇಷತೆಯನ್ನು ಹೊಂದಿವೆ ಮತ್ತು ಆ ಪ್ರಾಣಿಗಳು ಯಾವುವು? ಇದರ ವಿಶೇಷತೆ ಏನು ಅಂತ ನೋಡೋಣ..

ಕೋಳಿ: ಈ ಹೆಸರು ಕೇಳಿದರೆ ಚಿಕನ್ ತಿನ್ನಬೇಕೆನಿಸುತ್ತದೆ. ಆದರೆ ಕೋಳಿ ಯಾವಾಗಲೂ ನಮ್ಮನ್ನು ಎಚ್ಚರಗೊಳಿಸುವ ಮೊದಲ ಪ್ರಾಣಿಯಾಗಿದೆ. ಅದರ ವಿಶೇಷತೆ ಏನೆಂದರೆ ಅದು ಮುಂಜಾನೆಯೇ ಕೊಕ್ಕೋಕೋ ಎಂದು ಏರು ಧ್ವನಿಯೊಂದಿಗೆ ಕೂಗುತ್ತದೆ.

ನಾಯಿ: ಈ ಹೆಸರು ಕೇಳಿದಾಗ ನಂಬಿಕೆ ಎಂಬ ಪದವೇ ನೆನಪಾಗುತ್ತದೆ. ಮನುಷ್ಯನಿಗಿಂತ ನಾಯಿಗೆ ನಿಯತ್ತು ಜಾಸ್ತಿ ಎಂಬ ಮಾತು ಇದೆ. ಹಾಗಾಗಿ ಮನೆ ಕಾಯಲು ಶ್ವಾನವನ್ನು ಸಾಕಲಾಗುತ್ತದೆ. ವಾಸ್ತವವಾಗಿ, ನಾಯಿಯನ್ನು ಮನುಷ್ಯನ ಅತ್ಯುತ್ತಮ ಸ್ನೇಹಿತ ಎಂದು ಹೇಳಲಾಗುತ್ತದೆ.

ಗೂಳಿ: ಸಾಮಾನ್ಯವಾಗಿ ಕೃಷಿಗೆ ಬಳಸುವ ಗೂಳಿಯು ರೈತನಿಗೆ ತಕ್ಕಂತೆ ಸೇವೆ ಸಲ್ಲಿಸುತ್ತದೆ. ಸಹಜವಾಗಿ ಗೂಳಿಯ ಎತ್ತರ 1.5 ಮೀ, ತೂಕ 200-500 ಕಿಗ್ರಾಂ ಆಗಿರುತ್ತದೆ. ಮೈ ಮೇಲೆ ಸಣ್ಣಗಿನ ಹಾಗೂ ನಯವಾದ ಕೂದಲು ಬಾಲದ ತುದಿಯಲ್ಲಿ ಕೂದಲಿರುತ್ತದೆ.

ಕುದುರೆ: ಕುದುರೆ ಓಡುವುದಕ್ಕೆ ಫೇಮಸ್, ವಿಶೇಷವಾಗಿ ಕುದುರೆಗಳ ರೇಸ್ ಕೂಡ ನಡೆಸಲಾಗುತ್ತದೆ. ಸಿನಿಮಾಗಳಲ್ಲಿ ಕುದುರೆಗಳು ಓಡುವುದನ್ನು ನೋಡುತ್ತಲೇ ಇರುತ್ತೇವೆ. ಈ ವೇಳೆ ಕುದುರೆ ಓಡುವಾಗ ಶಬ್ದವೂ ಕೇಳಿಸುತ್ತದೆ.

ನವಿಲು: ಭಾರತದ ರಾಷ್ಟ್ರ ಪಕ್ಷಿ ನವಿಲು. ನವಿಲು ನರ್ತನ ನೋಡಲು ಎರಡು ಕಣ್ಣುಗಳು ಸಾಲದು. ನವಿಲು ಮುಕ್ತವಾಗಿ ನೃತ್ಯ ಮಾಡುವುದನ್ನು ನೋಡುವುದೇ ತುಂಬಾ ಆನಂದ. ಈ ವೇಳೆ ನವಿಲು ಗರಿ ಬಿಚ್ಚಿ ಕುಣಿಯುವುದು ವಿಶೇಷವಾಗಿರುತ್ತದೆ.

ಹುಲಿ: ಭಾರತದ ರಾಷ್ಟ್ರ ಪ್ರಾಣಿ ಹುಲಿ ಎಮದು ಎಲ್ಲರಿಗೂ ತಿಳಿದಿದೆ. ಹುಲಿಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವುದಕ್ಕಾಗಿ ಮತ್ತು ಹುಲಿಗಳ ಸಂರಕ್ಷಣೆಯನ್ನು ಮಾಡಲು ಪ್ರತಿ ವರ್ಷದ ಜುಲೈ 29ನ್ನು ‘ವಿಶ್ವ ಹುಲಿ ದಿನ’ವನ್ನಾಗಿ ಆಚರಿಸಲಾಗುತ್ತದೆ. ಹುಲಿ ಯಾವಾಗಲೂ ಸಾಹಸದಲ್ಲಿ ಮುನ್ನಡೆಸುತ್ತದೆ. ಕೆಲವೊಮ್ಮೆ ಹುಲಿಗಳು ಕಾಡಿನಲ್ಲಿ ಸಾಹಸಗಳನ್ನು ಮಾಡುವುದನ್ನು ಕಾಣಬಹುದು.

ಸಿಂಹ: ಕಾಡಿನ ರಾಜ ಸಿಂಹ. ಪರಾಕ್ರಮಕ್ಕೆ ಸಿಂಹ ಹೆಸರುವಾಸಿಯಾಗಿದೆ. ಯಾವುದೇ ಪ್ರಾಣಿಯೊಂದಿಗೆ ಹೋರಾಡಿ ತನ್ನ ಪರಾಕ್ರಮವನ್ನು ತೋರಿಸುತ್ತದೆ.

ಬೆಕ್ಕು: ಬೆಕ್ಕು ನೋಡಲು ತುಂಬಾ ಕ್ಯೂಟ್ ಆಗಿದೆ. ಅನೇಕ ಮನೆಗಳಲ್ಲಿ ಬೆಕ್ಕನ್ನು ಸಾಕಲಾಗುತ್ತದೆ. ಮನೆಯಲ್ಲಿ ಇಲಿಯ ಕಾಟ ವಿದ್ದರೂ ಬೆಕ್ಕನ್ನು ಸಾಕಾಲಾಗುತ್ತದೆ. ಸಣ್ಣ ಸದ್ದು ಕೇಳಿದರೂ ಬೆಕ್ಕು ಸಿಕ್ಕಾಪಟ್ಟೆ ಅಲರ್ಟ್ ಆಗಿ ಅಲ್ಲಿಗೆ ಓಡಿ ಹೋಗಿ ಹುಡುಕುತ್ತದೆ.

ಕೋಗಿಲೆ: ಕೋಗಿಲೆ ಹಾಡುವುದನ್ನು ಕೇಳಿರುತ್ತೇವೆ, ಆದರೆ ಕೋಗಿಲೆಯನ್ನು ನೋಡಿರುವುದು ಬಹಳ ಕಡಿಮೆ ಆಗಿದೆ. ವಸಂತ ಮಾಸ ಬಂದರೆ ಸಾಕು ಕೋಗಿಲೆ ಇಂಪಾಗಿ ಕೂಗುವುದನ್ನು ಕೇಳಿರುತ್ತೇವೆ. ಇದು ತನ್ನ ಧ್ವನಿಯಿಂದಲೇ ಎಲ್ಲರನ್ನು ಮೋಡಿ ಮಾಡುವ ಕಲೆಯನ್ನು ಹೊಂದಿದೆ.

ಹಂಸ: ಹಂಸದ ಅತಿ ದೊಡ್ಡ ಪ್ರಜಾತಿ ೧.೫ ಮೀ. ಕಿಂತ ಹೆಚ್ಚು ಉದ್ದವಿರಬಹುದು ಮತ್ತು ೧೫ ಕೆಜಿಗಿಂತ ಹೆಚ್ಚು ತೂಕವಿರಬಹುದು. ಅವುಗಳ ರೆಕ್ಕೆ ೩.೧ ಮೀ ಗಿಂತ ಹೆಚ್ಚಿರಬಹುದು. ನೀರು ಹಾಕಿದ ಹಾಲನ್ನು ಅದರ ಮುಂದೆ ಇಟ್ಟರೆ ಅದು ಹಾಲನ್ನು ಕುಡಿದು ನೀರು ಬಿಡುತ್ತದೆ. ಇದೇ ಹಂಸದ ವಿಶೇಷತೆ.