Weight Loss: ವ್ಯಾಯಾಮವಷ್ಟೇ ಅಲ್ಲ, ನಿದ್ರೆ ಮಾಡೋದ್ರಿಂದ ಕೂಡಾ ತೂಕ ಇಳಿಸಿಕೊಳ್ಳಬಹುದು!

ಹೊಟ್ಟೆಯ ಕೊಬ್ಬನ್ನು ಕರಗಿಸುವುದು ಇತ್ತೀಚಿನ ದಿನಗಳಲ್ಲಿ ಅನೇಕ ಮಂದಿಗೆ ದೊಡ್ಡ ಸಮಸ್ಯೆಯಾಗಿದೆ. ಅನೇಕ ಜನರು ತಮ್ಮ ಆಹಾರ ಪದ್ಧತಿ ಅಥವಾ ಜೀವನಶೈಲಿಯನ್ನು ವರ್ಷಗಳ ಹಿಂದೆಯೇ ಬದಲಾಯಿಸಿರಬಹುದು. ಆದರೆ ಹೊರಗಿನ ತಿಂಡಿ, ಕಳಪೆ ಜೀವನ ಶೈಲಿ ಮತ್ತು ಕುಳಿತುಕೊಂಡು ಕೆಲಸ ಮಾಡುವುದು ಕೂಡ ತೂಕ ಹೆಚ್ಚಳಕ್ಕೆ ಮುಖ್ಯ ಕಾರಣವಾಗಿದೆ. ಇದರಿಂದ ಹೊಟ್ಟೆಯಲ್ಲಿ ಬೊಜ್ಜು ಹೆಚ್ಚಾಗುತ್ತದೆ. ಆದರೆ ನೀವು ನಿದ್ರೆ ಮಾಡುವ ಮೂಲಕ ಕೂಡ ಹೊಟ್ಟೆಯ ಬೊಜ್ಜನ್ನು ಕಡಿಮೆ ಮಾಡಿಕೊಳ್ಳಬಹುದು. ಈ ಬಗ್ಗೆ ನಿಮಗೆ ತಿಳಿದಿದ್ಯಾ?

ತೂಕ ಹೆಚ್ಚಾಗುವುದರಿಂದ, ಅನೇಕ ಜನರು ತೂಕ ಇಳಿಸಿಕೊಳ್ಳಲು ಆಹಾರಕ್ರಮದತ್ತ ಗಮನ ಹರಿಸುತ್ತಾರೆ. ಆದರೆ ಇದೂ ಪ್ರಯೋಜನವಾಗಲಿಲ್ಲ ಅಂದರೆ, ಮನೆಯಲ್ಲಿಯೇ ಕುಳಿತುಕೊಂಡು ತೂಕ ಇಳಿಸಿಕೊಳ್ಳಲು ಚಿಂತಿಸುತ್ತಿದ್ದರೆ, ಮಲಗುವ ಮುನ್ನ ನೀವು ಈ ಸರಳ ಟಿಪ್ಸ್ ಫಾಲೋ ಮಾಡಿ. ಇದರಿಂದ ತೂಕ ಇಳಿಸಿಕೊಳ್ಳಲು ಸಹಕಾರವಾಗಿದೆ.

ತೂಕ ನಷ್ಟಕ್ಕೆ ಹೆಚ್ಚಿನ ನಿದ್ರೆ ಅತ್ಯಗತ್ಯ: ತೂಕವನ್ನು ಹತೋಟಿಯಲ್ಲಿಡಲು ಗಾಢ ನಿದ್ದೆ ಅತ್ಯಗತ್ಯ, ನಿಮಗೆ ತೊಂದರೆ ಕೊಡುವ ಶಬ್ದವಿಲ್ಲದ ಕೋಣೆಯಲ್ಲಿ ಮಲಗಿದಾಗ ಮಾತ್ರ ಗಾಢ ನಿದ್ರೆಯೂ ಬರುತ್ತದೆ. ಅಲ್ಲದೇ ಕೋಣೆಯಲ್ಲಿ ಲೈಟ್ ಇರಬಾರದು, ಈ ಎಲ್ಲಾ ಟಿಪ್ಸ್ ಪಾಲಿಸಿದರೆ ತೂಕವನ್ನು ನಿಯಂತ್ರಿಸಬಹುದು.

ಮಲಗಲು ಸರಿಯಾದ ಸಮಯ ಯಾವುದು?: ತೂಕವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು ದಿನಕ್ಕೆ ಕನಿಷ್ಠ 7-8 ಗಂಟೆಗಳ ನಿದ್ದೆ ಮಾಡುವುದು ಅವಶ್ಯಕ. ಈ ನಿದ್ರೆಯನ್ನು ಪೂರ್ಣಗೊಳಿಸುವುದರಿಂದ ತೂಕವನ್ನು ನಿಯಂತ್ರಣದಲ್ಲಿಡುತ್ತದೆ ಮತ್ತು ನಿದ್ರೆಯ ಅಭಾವವನ್ನು ತಡೆಯುತ್ತದೆ.

ಉತ್ತಮ ನಿದ್ರೆಗಾಗಿ ಏನು ತಿನ್ನಬೇಕು?: ಆದಷ್ಟು ಬೇಗನೇ ಊಟ ಮಾಡಲು ಪ್ರಯತ್ನಿಸಿ, ಇದು ಜೀರ್ಣಿಸಿಕೊಳ್ಳಲು ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ. ಲಘು ಆಹಾರವನ್ನು ಸೇವಿಸುವುದರಿಂದ ನಿಮ್ಮ ಜೀರ್ಣಾಂಗ ವ್ಯವಸ್ಥೆಯು ಹೆಚ್ಚು ಕೆಲಸ ಮಾಡುವುದಿಲ್ಲ, ಏಕೆಂದರೆ ಇದು ಜೀರ್ಣಿಸಿಕೊಳ್ಳಲು ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ. ಅದೇ ಸಮಯದಲ್ಲಿ, ಮಲಗುವ ಮುನ್ನ ಚಹಾ, ಕಾಫಿಯಂತಹ ಕೆಫೀನ್ ಹೊಂದಿರುವ ಉತ್ಪನ್ನಗಳನ್ನು ಸೇವಿಸಬೇಡಿ.

ಊಟವಾದ ತಕ್ಷಣ ಮಲಗಬೇಡಿ: ರಾತ್ರಿ ಊಟವಾದ ತಕ್ಷಣ ಮಲಗುವುದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು, ಇದು ಜೀರ್ಣಾಂಗ ವ್ಯವಸ್ಥೆಯ ಮೇಲೂ ಪರಿಣಾಮ ಬೀರುತ್ತದೆ, ಆದ್ದರಿಂದ ರಾತ್ರಿಯ ಊಟದ ನಂತರ ಸುಮಾರು 10 ನಿಮಿಷಗಳ ಕಾಲ ವಾಕ್ ಮಾಡಿ, ನಂತರ ಮಲಗಿಕೊಳ್ಳಿ.