Chocolate For Weight Loss: ಪ್ರತಿದಿನ ಡಾರ್ಕ್ ಚಾಕಲೇಟ್ ಹೀಗೆ ತಿಂದ್ರೆ ಬೇಗ ತೂಕ ಇಳಿಸಿಕೊಳ್ಳಬಹುದು!

ಇತ್ತೀಚಿನ ದಿನಗಳಲ್ಲಿ ಜನರ ದೇಹದ ತೂಕ ಹೆಚ್ಚಾಗುತ್ತಿದೆ. ಆದರೆ ಪ್ರತಿಯೊಬ್ಬರೂ ತಮ್ಮನ್ನು ತಾವು ಫಿಟ್ ಆಗಿಟ್ಟುಕೊಳ್ಳಲು ಬಯಸುತ್ತಾರೆ. ಹಾಗಾಗಿ ಜನರು ತಮ್ಮ ದೇಹವನ್ನು ಸದೃಢವಾಗಿಡಲು ಡಯಟ್, ವ್ಯಾಯಾಮದಂತಹ ವಿಧಾನಗಳನ್ನು ಅನುಸರಿಸುತ್ತಾರೆ. ಆದರೆ ಎಷ್ಟೇ ಪ್ರಯತ್ನಿಸಿದರೂ ಸಣ್ಣ ಆಗಲು ಸಾಧ್ಯವಾಗುತ್ತಿಲ್ಲ.

ಹಾಗಾಗಿ ಕೆಲವರು ತೂಕವನ್ನು ಕಳೆದುಕೊಳ್ಳಲು ಸಿಹಿ ಪದಾರ್ಥಗಳಿಂದ ದೂರವಿರುತ್ತಾರೆ. ಆದರೆ ಈ ಸಿಹಿ ಪದಾರ್ಥವನ್ನು ತಿನ್ನುವ ಮೂಲಕ ಕೂಡ ತೂಕವನ್ನು ಇಳಿಸಿಕೊಳ್ಳಬಹುದು. ಹೌದು, ಈ ವಿಚಾರ ಕೇಳಿ ನಿಮಗೆ ಶಾಕ್ ಆಗಬಹುದು. ಆದರೆ ನಿಜಕ್ಕೂ ಚಾಕಲೇಟ್ ತಿನ್ನುವ ಮೂಲಕ ನಿಮ್ಮ ತೂಕವನ್ನು ಇಳಿಸಿಕೊಳ್ಳಬಹುದು. ನೀವು ಫಿಟ್ ಆಗಿರಬೇಕು ಅಂದುಕೊಂಡರೆ ಡಾರ್ಕ್ ಚಾಕಲೇಟ್ ತಿನ್ನಿ. ಅಷ್ಟಕ್ಕೂ ಹೇಗೆ ತಿನ್ನಬೇಕು ಎಂಬುವುದರ ಕುರಿತಂತೆ ಒಂದಷ್ಟು ಮಾಹಿತಿ ಈ ಕೆಳಗಿನಂತಿದೆ ನೋಡಿ.

ತೂಕ ಇಳಿಸಿಕೊಳ್ಳಲು ಈ ರೀತಿ ಡಾರ್ಕ್ ಚಾಕೊಲೇಟ್ ತಿನ್ನಿ: ಡಾರ್ಕ್ ಚಾಕೊಲೇಟ್ ತಿನ್ನುವುದು ಒಂದು ಚಟದಂತೆ ಇರಬಹುದು. ಆದರೆ ಕಡಿಮೆ ತಿನ್ನುವುದು ಒಳ್ಳೆಯದು ಮಧ್ಯಾಹ್ನ ಮತ್ತು ರಾತ್ರಿಯ ಊಟದ ನಂತರ ಒಂದು ಅಥವಾ ಎರಡು ತುಂಡು ಡಾರ್ಕ್ ಚಾಕೊಲೇಟ್ ಅನ್ನು ತಿನ್ನುವುದು ನಿಮ್ಮ ಸಿಹಿತಿಂಡಿಗಳ ಹಂಬಲವನ್ನು ಕಡಿಮೆ ಮಾಡುತ್ತದೆ. ಹಾಗಾಗಿ ನೀವು ಮಧ್ಯಾಹ್ನ ಅಥವಾ ರಾತ್ರಿಯ ಊಟದ ನಂತರ ಡಾರ್ಕ್ ಚಾಕೊಲೇಟ್ ಅನ್ನು ತಿನ್ನಬಹುದು.

ತೂಕವನ್ನು ಕಳೆದುಕೊಳ್ಳಲು, ನೀವು ಡಾರ್ಕ್ ಚಾಕೊಲೇಟ್ ಸ್ಮೂಥಿ ಅಥವಾ ಮಿಲ್ಕ್ ಶೇಕ್ ಜೊತೆಗೆ ಬೆರೆಸಿ ಕುಡಿಯಬಹುದು. ಆದರೆ ಡಾರ್ಕ್ ಚಾಕೊಲೇಟ್ ಸ್ಮೂಥಿ ಮಾಡುವಾಗ, ಅದನ್ನು ಹೆಚ್ಚಾಗಿ ಬೆರೆಸಬೇಡಿ. ಇದಕ್ಕಾಗಿ ಒಂದು ಕಪ್ ಹಾಲಿಗೆ 2 ಕ್ಯೂಬ್ ಚಾಕಲೇಟ್ ಸೇರಿಸಿ, ಶೇಕ್ ಮಾಡಿ ಕುಡಿಯಬಹುದು.ಇದನ್ನು ಸೇವಿಸುವುದರಿಂದ ನಿಮ್ಮ ತೂಕವನ್ನು ಸುಲಭವಾಗಿ ಕಡಿಮೆ ಮಾಡಿಕೊಳ್ಳಬಹುದು.

24 ಗಂಟೆಗಳಲ್ಲಿ ಎರಡು ಕ್ಯೂಬ್ ಡಾರ್ಕ್ ಚಾಕೊಲೇಟ್ ತಿನ್ನುವುದರಿಂದ ನಿಮ್ಮ ದೇಹಕ್ಕೆ 190 ಕ್ಯಾಲೋರಿಗಳು ಸಿಗುತ್ತವೆ. ಇದು ದೇಹದ ತೂಕವನ್ನು ಕಡಿಮೆ ಮಾಡಲು ಮತ್ತು ಆಕಾರವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಅದಕ್ಕಾಗಿಯೇ ನೀವು ಏನನ್ನೂ ಯೋಚಿಸದೆ ಡಾರ್ಕ್ ಚಾಕೊಲೇಟ್ ತಿನ್ನಬಹುದು.

ಡಾರ್ಕ್ ಚಾಕೊಲೇಟ್ ಕಾಫಿ ಕೂಡ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸಂಜೆ ಪಾನೀಯಕ್ಕೆ ಡಾರ್ಕ್ ಚಾಕೊಲೇಟ್ ಕಾಫಿಯನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ಇಡೀ ದಿನದ ಆಯಾಸವನ್ನು ಹೋಗಲಾಡಿಸಲು ಇದು ಸಹಾಯ ಮಾಡುತ್ತದೆ ಎಂದು ಹೇಳಬಹುದು. ಅಲ್ಲದೇ, ಇದು ಒತ್ತಡದ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)