Ghee Purity Test: ನೀವು ಬಳಸೋ ತುಪ್ಪ ಅಸಲಿಯೋ, ನಕಲಿಯೋ ಗೊತ್ತಾಗ್ತಿಲ್ವಾ? ನಿಮಿಷದಲ್ಲೇ ಹೀಗೆ ಕಂಡು ಹಿಡಿಯಿರಿ!

ಅನೇಕ ಮಂದಿ ಆಹಾರದ ರುಚಿಯನ್ನು ಹೆಚ್ಚಿಸಲು ತುಪ್ಪವನ್ನು ಸೇವಿಸುತ್ತಾರೆ. ಜೊತೆಗೆ ಪೌಷ್ಠಿಕಾಂಶದ ತುಪ್ಪವು ದೇಹವನ್ನು ಸದೃಢವಾಗಿ ಮತ್ತು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ.

ಹೀಗಾಗಿ ಅನೇಕ ಮಂದಿ ಆರೋಗ್ಯಕರ ಜೀವನಶೈಲಿಯನ್ನು ಆನಂದಿಸಲು ಮಾರುಕಟ್ಟೆಯಿಂದ ತುಪ್ಪವನ್ನು ಖರೀದಿಸುತ್ತಾರೆ. ಆದರೆ ಮಾರುಕಟ್ಟೆಯಲ್ಲಿ ಸಿಗುವ ನಕಲಿ ದೇಸಿ ತುಪ್ಪ ಕೂಡ ಸಂಪೂರ್ಣವಾಗಿ ಶುದ್ಧವಾಗಿರುವುದಿಲ್ಲ ಎಂಬುದು ನಿಮಗೆ ಗೊತ್ತೇ ಇದೆ.

ಸಾಮಾನ್ಯವಾಗಿ ತುಪ್ಪದ ಬೆಲೆ ತುಂಬಾ ದುಬಾರಿಯಾಗಿದೆ. ಹಾಗಾಗಿ, ಕೆಲವರು ತುಪ್ಪಕ್ಕೆ ಮಾರ್ಗರೀನ್ ತುಪ್ಪ ಮತ್ತು ತೆಂಗಿನ ಎಣ್ಣೆಯನ್ನು ಬೆರೆಸುತ್ತಾರೆ. ಇನ್ನೊಂದೆಡೆ ಈ ಬಗ್ಗೆ ತಿಳಿಯದೇ ಜನ ಕಲಬೆರಕೆ ತುಪ್ಪವನ್ನು ಮಾರುಕಟ್ಟೆಯಿಂದ ಖರೀದಿಸುತ್ತಿದ್ದಾರೆ. ಆದರೆ, ನೀವು ಕೆಲವು ಸಿಂಪಲ್ ಟಿಪ್ಸ್​​ಗಳ ಮೂಲಕ ತುಪ್ಪದ ಶುದ್ಧತೆಯನ್ನು ನಿಮಿಷದಲ್ಲಿಯೇ ಪರಿಶೀಲಿಸಬಹುದು. ಹಾಗಾದರೆ ತುಪ್ಪದ ಶುದ್ಧತೆಯನ್ನು ಪರೀಕ್ಷಿಸುವುದೇಗೆ ಎಂಬುವುದರ ಕುರಿತಂತೆ  ತಿಳಿದುಕೊಳ್ಳಲು ಈ ಟಿಪ್ಸ್​ಗಳು ನಿಮಗಾಗಿ..

ಮನೆಯಲ್ಲಿಯೇ ಹಸ್ತ ಪರೀಕ್ಷೆ ಮಾಡುವುದರಿಂದ ನಿಜವಾದ ತುಪ್ಪ ಯಾವುದು ಮತ್ತು ನಕಲಿ ತುಪ್ಪ ಯಾವುದು ಎಂದು ಸುಲಭವಾಗಿ ತಿಳಿಯಬಹುದು. ಇದಕ್ಕಾಗಿ, 1 ಟೀಸ್ಪೂನ್ ತುಪ್ಪವನ್ನು ತೆಗೆದುಕೊಂಡು ಅದನ್ನು ಅಂಗೈಗಳ ಮೇಲೆ ಇರಿಸಿ. ಈ ವೇಳೆ ನಿಜವಾದ ತುಪ್ಪವು ಬೇಗನೆ ಕರಗಲು ಪ್ರಾರಂಭಿಸುತ್ತದೆ. ಮತ್ತೊಂದೆಡೆ, ನಕಲಿ ತುಪ್ಪವನ್ನು ಕೈಯಲ್ಲಿ ಇಟ್ಟುಕೊಂಡರೂ, ಅದು ದೀರ್ಘಕಾಲದವರೆಗೆ ಗಟ್ಟಿಯಾಗಿಯೇ ಇರುತ್ತದೆ.

ತುಪ್ಪದ ಶುದ್ಧತೆಯನ್ನು ಪರೀಕ್ಷಿಸಲು ನೀವು ಡಬಲ್ ಬಾಯ್ಲರ್ ಪರೀಕ್ಷೆಯನ್ನು ಸಹ ಪ್ರಯತ್ನಿಸಬಹುದು. ಇದಕ್ಕಾಗಿ, ಒಂದು ಬಟ್ಟಲಿನಲ್ಲಿ 2 ಚಮಚ ತುಪ್ಪವನ್ನು ತೆಗೆದುಕೊಳ್ಳಿ. ಈಗ ಬಿಸಿನೀರಿನ ಮೇಲೆ ಒಂದು ಪಾತ್ರೆಯಲ್ಲಿ ತುಪ್ಪವನ್ನು ಇಟ್ಟು ಕರಗಿಸಿ. ಇದಾದ ನಂತರ, ಒಂದು ಕ್ಲೀನ್ ಪಾತ್ರೆಯಲ್ಲಿ ತುಪ್ಪವನ್ನು ತುಂಬಿಸಿ ಮತ್ತು ಫ್ರಿಜ್ನಲ್ಲಿ ಇರಿಸಿ. ಈ ವೇಳೆ, ತೆಂಗಿನ ಎಣ್ಣೆಯನ್ನು ಸೇರಿಸಿದಾಗ, ತುಪ್ಪವು ವಿವಿಧ ಪದರಗಳಲ್ಲಿ ಗಟ್ಟಿಯಾಗುತ್ತದೆ. ಇದರಿಂದ ತುಪ್ಪ ನಕಲಿ ಎಂದು ತಿಳಿಯಬಹುದು.

ತುಪ್ಪದ ಬಣ್ಣವನ್ನು ಪರೀಕ್ಷಿಸುವ ಮೂಲಕ ನೀವು ಅಸಲಿ ಮತ್ತು ನಕಲಿ ತುಪ್ಪದ ಶುದ್ಧತೆಯನ್ನು ಸಹ ಕಂಡುಹಿಡಿಯಬಹುದು. ಈ ಸಂದರ್ಭದಲ್ಲಿ, ಬಾಣಲೆಯಲ್ಲಿ 1 ಟೀಸ್ಪೂನ್ ತುಪ್ಪವನ್ನು ಸೇರಿಸಿ ನಂತರ ಅದನ್ನು ಗ್ಯಾಸ್ ಮೇಲೆ ಇಡಿ. ಇದರಿಂದ ನಿಜವಾದ ತುಪ್ಪ ತಕ್ಷಣವೇ ಕರಗಲು ಪ್ರಾರಂಭವಾಗುತ್ತದೆ.

ಹಾಗೆಯೇ ಬಿಸಿ ಮಾಡಿದ ನಂತರ ಶುದ್ಧ ತುಪ್ಪದ ಬಣ್ಣವೂ ಗಾಢ ಕಂದು ಬಣ್ಣಕ್ಕೆ ತಿರುಗುತ್ತದೆ. ಆದರೆ ಮತ್ತೊಂದೆಡೆ, ನಕಲಿ ತುಪ್ಪವನ್ನು ಬಿಸಿಮಾಡಿದರೆ, ಅದು ನಿಧಾನವಾಗಿ ಕರಗುವುದಲ್ಲದೇ, ಕಲಬೆರಕೆಯಿಂದಾಗಿ, ಅದರ ಬಣ್ಣವು ತೆಳು ಹಳದಿಯಾಗಿ ಕಾಣುತ್ತದೆ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)