Vitamins: ಈ ಆಹಾರಗಳನ್ನು ತಿಂದ್ರೆ ಮಹಿಳೆಯರಿಗೆ ವಿಟಮಿನ್ ಕೊರತೆಯೇ ಆಗಲ್ಲ

ಮಹಿಳೆಯರು ಹೆಚ್ಚು ತಮ್ಮ ಆರೋಗ್ಯದತ್ತ ಗಮನಹರಿಸಲು ಸಾಧ್ಯವಾಗುವುದಿಲ್ಲ. ಕಚೇರಿ, ಮನೆ, ಮಕ್ಕಳು ಮತ್ತು ಸಾಮಾಜಿಕ ಜವಾಬ್ದಾರಿಗಳಲ್ಲಿ ತಮ್ಮ ದಿನ ಕಳೆಯುತ್ತಾರೆ. ಅವರಿಗೆ ತಮ್ಮ ಮೇಲೆ ತಾವು ಕಾಳಜಿ ವಹಿಸಲು ಸಮಯವೇ ಸಿಗುವುದಿಲ್ಲ. ಹೀಗಾಗಿ ಅವರು ಹಲವು ಕಾಯಿಲೆಗೆ ಬೇಗ ತುತ್ತಾಗುವ ಅಪಾಯವಿದೆ.

ಮಹಿಳೆಯರು ಆರೋಗ್ಯದ ಮೇಲೆ ಕೆಲವು ಸಂಗತಿಗಳು ನೇರವಾಗಿ ಪರಿಣಾಮ ಬೀರುತ್ತವೆ. ಇತ್ತೀಚಿನ ದಿನಗಳಲ್ಲಿ ಮಹಿಳೆಯರು ಅತಿ ಚಿಕ್ಕ ವಯಸ್ಸಿನಲ್ಲೇ ಚರ್ಮ ಕಾಯಿಲೆ, ಕೂದಲು ಹಾನಿ, ಬೊಜ್ಜು, ಥೈರಾಯ್ಡ್, ಗ್ಯಾಸ್ಟ್ರಿಕ್ ಸಮಸ್ಯೆ, ರಕ್ತದೊತ್ತಡ, ಖಿನ್ನತೆ, ಸಂಧಿವಾತ, ಮಧುಮೇಹ ಕಾಯಿಲೆಗೆ ಬಲಿಯಾಗುತ್ತಿದ್ದಾರೆ.

ಆರೋಗ್ಯದ ಬಗ್ಗೆ ಹೆಚ್ಚುತ್ತಿರುವ ನಿರ್ಲಕ್ಷ್ಯವೇ ಇದೆಲ್ಲಾ ಕಾಯಿಲೆಗಳಿಗೆ ಕಾರಣವಾಗಿದೆ. ದಿನವಿಡೀ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಸಕ್ರಿಯವಾಗಿರಲು ದೇಹಕ್ಕೆ ಸಾಕಷ್ಟು ಪೋಷಣೆ ಬೇಕು. ದೇಹದಲ್ಲಿ ಪೋಷಕಾಂಶಗಳ ಕೊರತೆಯು ನಿಮ್ಮನ್ನು ಜೀವನಶೈಲಿಯ ಅಸ್ವಸ್ಥತೆ ಉಂಟಾಗಲು ಕಾರಣವಾಗುತ್ತದೆ.

ಮಹಿಳೆಯರಿಗೆ ಬಹಳ ಮುಖ್ಯವಾದ ವಿಶೇಷ ವಿಟಮಿನ್‌ ಗಳಿವೆ. ಜೀವಸತ್ವಗಳು ದೇಹಕ್ಕೆ ಸಾಕಷ್ಟು ಶಕ್ತಿ ಒದಗಿಸುತ್ತವೆ. ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತವೆ. ನಿಮ್ಮ ಒಟ್ಟಾರೆ ಆರೋಗ್ಯಕ್ಕೆ ಪ್ರಯೋಜನ ನೀಡುತ್ತವೆ. ಈ ಜೀವಸತ್ವಗಳು ಯಾಕೆ ಮುಖ್ಯವೆಂದು ತಿಳಿಯೋಣ.

ಮಹಿಳೆಯರ ಆರೋಗ್ಯಕ್ಕೆ ಕಬ್ಬಿಣ ಪೋಷಕಾಂಶ ಅತ್ಯಂತ ಮುಖ್ಯವಾಗಿದೆ. ಕಬ್ಬಿಣವು ಹಿಮೋಗ್ಲೋಬಿನ್ ಉತ್ಪಾದನೆಗೆ ಸಹಕಾರಿ. ಹಿಮೋಗ್ಲೋಬಿನ್ ಕೆಂಪು ರಕ್ತ ಕಣಗಳಲ್ಲಿ ಇರುವ ಒಂದು ರೀತಿಯ ಪ್ರೋಟೀನ್. ಇದು ದೇಹದಾದ್ಯಂತ ಆಮ್ಲಜನಕ ಸಾಗಿಸುತ್ತದೆ. ದೇಹಕ್ಕೆ ಸಾಕಷ್ಟು ಶಕ್ತಿ ನೀಡುತ್ತದೆ. ಮಹಿಳೆಯರು ಮುಟ್ಟಿನ ಸಮಯದಲ್ಲಿ ಮತ್ತು ಗರ್ಭಾವಸ್ಥೆಯಲ್ಲಿ ಕಬ್ಬಿಣ ಬೇಕು. ವನ್ನು ಹೊಂದಿರುವುದು ಬಹಳ ಮುಖ್ಯ.

ದೇಹದಲ್ಲಿ ವಿಟಮಿನ್ ಬಿ 12 ಬೇಕು. ಮೆದುಳಿನ ಕಾರ್ಯ ಮತ್ತು ಮನಸ್ಥಿತಿ ಸುಧಾರಿಸುತ್ತದೆ. ಶಕ್ತಿ ನೀಡುತ್ತದೆ. ನರಮಂಡಲ ನಿರ್ವಹಿಸುತ್ತದೆ. ಆಯಾಸ ಮತ್ತು ದೌರ್ಬಲ್ಯ ನಿವಾರಿಸುತ್ತದೆ. ಬಾದಾಮಿ ಮತ್ತು ತೆಂಗಿನ ಹಾಲು, ಧಾನ್ಯ, ಚೀಸ್, ಅಣಬೆ, ಮೊಟ್ಟೆ ಸೇವಿಸಿ. ದೇಹದಲ್ಲಿ ಸಾಕಷ್ಟು ಪ್ರಮಾಣದ ವಿಟಮಿನ್ ಡಿ ಬೇಕು. ಇದು ಹಲ್ಲು ಮತ್ತು ಒಸಡುಗಳ ಆರೋಗ್ಯಕ್ಕೆ ಸಹಕಾರಿ. ಹೃದಯ, ಮೂಳೆ, ಮೆದುಳು ಮತ್ತು ಸ್ನಾಯು ಆರೋಗ್ಯಕ್ಕೆ ಸಹಕಾರಿ.

ದೇಹದಲ್ಲಿ ಸಾಕಷ್ಟು ಕ್ಯಾಲ್ಸಿಯಂ ಬೇಕು. ಆಹಾರದಲ್ಲಿ ಹಾಲು, ಮೊಸರು, ಮಜ್ಜಿಗೆ ಮುಂತಾದ ಡೈರಿ ಉತ್ಪನ್ನ ಸೇರಿಸಿ. ಹಸಿರು ಎಲೆಗಳ ತರಕಾರಿ, ಬಾದಾಮಿ, ಪಾಲಕ, ಚಿಯಾ ಬೀಜಗಳು,ಸೋಯಾಬೀನ್ ಮತ್ತು ಪನೀರ್ ಸಾಕಷ್ಟು ಪ್ರಮಾಣದ ಕ್ಯಾಲ್ಸಿಯಂ ಇದೆ. ಬಯೋಟಿನ್ ಕೂದಲು, ಚರ್ಮ ಮತ್ತು ಉಗುರುಗಳ ಆರೋಗ್ಯ ಕಾಪಾಡುತ್ತದೆ.

ಇದು ಸೌಂದರ್ಯಕ್ಕೆ ಅಗತ್ಯವಾಗಿದೆ. ಕೂದಲನ್ನು ದಪ್ಪವಾಗಿ ಮತ್ತು ಬಲವಾಗಿಡುತ್ತದೆ. ಚರ್ಮ ಸಮಸ್ಯೆ ತೊಡೆದು ಹಾಕುತ್ತದೆ. ನೈಸರ್ಗಿಕ ಹೊಳಪು ನೀಡುತ್ತದೆ. ಜೀರ್ಣಕ್ರಿಯೆಗೆ ತುಂಬಾ ಪ್ರಯೋಜನಕಾರಿ. ಹೃದಯದ ಆರೋಗ್ಯ ಕಾಪಾಡುತ್ತದೆ. ಆಹಾರದಲ್ಲಿ ಬೇಳೆಕಾಳು, ಬೀಜ, ಸಿಹಿ ಆಲೂಗಡ್ಡೆ, ಅಣಬೆ, ಬಾಳೆಹಣ್ಣು ಮತ್ತು ಕೋಸುಗಡ್ಡೆ ಆಹಾರ ಸೇರಿಸಿ.