Women's Health: ಮಹಿಳೆಯರ ದೈನಂದಿನ ಆರೋಗ್ಯಕ್ಕೆ ಈ ಪೋಷಕಾಂಶಗಳು ಬೇಕೇ ಬೇಕು!

ಹದಿಹರೆಯದಿಂದ ಮಹಿಳೆಯರು ವೃದ್ಧಾಪ್ಯದವರೆಗೆ ವಿವಿಧ ಪಾತ್ರ ನಿರ್ವಹಿಸುತ್ತಾರೆ. ತಾಯಿಯಾದ ಬಳಿಕ ಮಹಿಳೆಯು ಹಾರ್ಮೋನುಗಳ ಬದಲಾವಣೆ, ಆರೋಗ್ಯದಲ್ಲಿ ಏರುಪೇರಾಗುತ್ತದೆ. ಆಕೆಗೆ ಸಮತೋಲಿತ ಆಹಾರ ಮತ್ತು ಅಗತ್ಯ ಪೋಷಣೆ ಬೇಕು. ಮಹಿಳೆಯರ ಆರೋಗ್ಯ ಕಾಪಾಡುವ ಪೋಷಕಾಂಶಗಳ ಬಗ್ಗೆ ನೋಡೋಣ.

ಮಹಿಳೆಯರಿಗೆ ಸಮತೋಲಿತ ಆಹಾರದ ಜೊತೆಗೆ ಕೆಲವು ಜೀವಸತ್ವಗಳು ಮತ್ತು ಖನಿಜಗಳು ಬೇಕು. ಮಹಿಳೆಯರು ತಮ್ಮ ಆರೋಗ್ಯಕ್ಕೆ ಮತ್ತು ದೇಹದ ಅನೇಕ ಕಾರ್ಯಗಳಿಗೆ ಕಬ್ಬಿಣ ಸಮೃದ್ಧ ಆಹಾರ ಸೇವಿಸಬೇಕು. ಇದು ಕೆಂಪು ರಕ್ತ ಕಣಗಳ ಉತ್ಪಾದನೆ ಹೆಚ್ಚಿಸುತ್ತದೆ. ರಕ್ತಹೀನತೆ ತಡೆಯುತ್ತದೆ. ಪ್ರಾಣಿಗಳ ಯಕೃತ್ತು, ಮಾಂಸ ಮತ್ತು ಕಡು ಹಸಿರು ಎಲೆಗಳ ತರಕಾರಿಗಳು ಸೇವಿಸಿ.

ಕ್ಯಾಲ್ಸಿಯಂ ಮಹಿಳೆಯರ ಮೂಳೆಗಳು ಮತ್ತು ಹಲ್ಲುಗಳ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಮಹಿಳೆಯರಲ್ಲಿ ವಯಸ್ಸು ಹೆಚ್ಚಾದಾಗಲೂ ಗಟ್ಟಿಮುಟ್ಟಾದ ಮೂಳೆ ನೀಡುತ್ತದೆ. ದಿನಕ್ಕೆ 2 ಲೋಟ ಹಾಲು, ಮಜ್ಜಿಗೆ ಸೇವಿಸುವುದು ಉತ್ತಮ. ಕ್ಯಾಲ್ಸಿಯಂ ಪೂರಕ ಸೇವನೆ ಮಾಡಬಹುದು.

ಮಹಿಳೆಯರಿಗೆ ವಿಟಮಿನ್ ಡಿ ಬೇಕು. ಬಲವಾದ ಪ್ರತಿರಕ್ಷಣಾ ವ್ಯವಸ್ಥೆ, ಮೂಳೆ ಮತ್ತು ಸ್ನಾಯುಗಳ ಬಲವನ್ನು ಕಾಪಾಡಿಕೊಳ್ಳಲು ಮತ್ತು ಕ್ಯಾಲ್ಸಿಯಂ ಬಳಕೆಗೆ ಅವಶ್ಯಕ. ಸಾಕಷ್ಟು ಸೂರ್ಯನ ಬೆಳಕಿದ್ದರೂ ಭಾರತೀಯರಲ್ಲಿ ವಿಟಮಿನ್ ಡಿ ಕೊರತೆ ಕಂಡು ಬರುತ್ತದೆ. ಇದಕ್ಕೆ ವಿಟಮಿನ್ ಡಿ ಆಹಾರ ಸೇವಿಸದಿರುವುದು ಕಾರಣ.

ಫೆನ್ನೆಲ್ ಎಣ್ಣೆ ತುಂಬಾ ಪ್ರಯೋಜನಕಾರಿ. ಒಮೆಗಾ ಕೊಬ್ಬಿನಾಮ್ಲಗಳ ನೈಸರ್ಗಿಕ ಮೂ. ಜೀರ್ಣಕ್ರಿಯೆ ಸುಧಾರಿಸುತ್ತದೆ. ಕೆಮ್ಮು ಮತ್ತು ಶೀತ ಕಡಿಮೆ ಮಾಡುತ್ತದೆ. ಉರಿಯೂತವನ್ನು ಕಡಿಮೆ ಮಾಡುತ್ತದೆ. ಚರ್ಮದ ಬಿರುಕು ಕಡಿಮೆಯ಻ಗುತ್ತದೆ. ಫೆನ್ನೆಲ್ ಎಣ್ಣೆಯಲ್ಲಿರುವ ಥೈಮೊಕ್ವಿನೋನ್ ಮತ್ತು ಒಮೆಗಾ ಕೊಬ್ಬಿನಾಮ್ಲ ಸಹಕಾರಿ.

ಮಹಿಳೆಯರಿಗೆ ಒಮೆಗಾ 3 ಫುಡ್ ಅತ್ಯಗತ್ಯ. ಹೃದಯ, ಮೆದುಳು, ಕಣ್ಣು, ನರಮಂಡಲ ಮತ್ತು ಚರ್ಮದ ಆರೋಗ್ಯಕ್ಕೆ ಬೇಕು. ದೈಹಿಕ ಬೆಳವಣಿಗೆ ಮತ್ತು ಆರೋಗ್ಯ ಕಾಪಾಡುತ್ತದೆ. ಒಮೆಗಾ -3 ಕೊಬ್ಬಿನಾಮ್ಲಗಳನ್ನು ಹೊಂದಿರುವ ಮೀನಿನ ಎಣ್ಣೆಯ ಪೂರಕ ಉತ್ತಮ. ನೀರಿನಲ್ಲಿ ಕರಗುವ ಬಿ ವಿಟಮಿನ್ ಹೊಸ ಜೀವಕೋಶಗಳು ಮತ್ತು ಅಂಗಾಂಶಗಳ ರಚನೆಗೆ ಅವಶ್ಯಕ.

ಫೋಲೆಟ್ ಪೋಷಕಾಂಶವು ಕೆಂಪು ರಕ್ತ ಕಣಗಳ ಉತ್ಪಾದನೆ ಮತ್ತು ಮೆದುಳಿನ ಕಾರ್ಯಕ್ಕೆ ಸಹಾಯ ಮಾಡುತ್ತದೆ. ಇದರ ಸೇವನೆಯು ಭ್ರೂಣದಲ್ಲಿ ಸಂಭವಿಸುವ ನರ ಕೊಳವೆಯ ಅಸಹಜತೆ ತಪ್ಪಿಸುತ್ತದೆ. ಮಹಿಳೆಯರು ಪ್ರತಿದಿನ 400mcg ಫೋಲೇಟ್ ಅನ್ನು ಸೇವಿಸಬೇಕು. ಇದು ಗರ್ಭಾವಸ್ಥೆಯಲ್ಲಿ ಹೆಚ್ಚಾಗುತ್ತದೆ.

ಲುಟೀನ್, ಝೀಕ್ಸಾಂಥಿನ್ ಮಹಿಳೆಯರಿಗೆ ಅಗತ್ಯವಾದ ಉತ್ಕರ್ಷಣ ನಿರೋಧಕಗಳು. ಲುಟೀನ್ ಮತ್ತು ಝೀಕ್ಸಾಂಥಿನ್ ಕಣ್ಣಿನ ಕಾರ್ಯ ಮತ್ತು ಆರೋಗ್ಯಕ್ಕೆ ಮುಖ್ಯವಾಗಿದೆ ಮತ್ತು ಹೃದಯಕ್ಕೆ ಮುಖ್ಯವಾಗಿದೆ. ಆಹಾರದಿಂದ ಇವುಗಳನ್ನು ಸಾಕಷ್ಟು ಪಡೆಯುವುದು ಕಷ್ಟ. ಹಾಗಾಗಿ ತಜ್ಞರು ಪೂರಕ ಸೇವನೆಗೆ ಸೂಚಿಸುತ್ತಾರೆ.