Women Safety Tips: ಬರ್ತಿದೆ ರಂಗಿನ ಹಬ್ಬ; ಹೆಣ್ಮಕ್ಕಳೇ ಹೋಳಿ ಆಡುವ ಮುನ್ನ ತಗೊಳ್ಳಿ ಈ ಮುಂಜಾಗ್ರತ ಕ್ರಮ

ಜನ ಹೋಳಿ ಹಬ್ಬಕ್ಕಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಆದರೆ ಹೋಳಿ ಆಡುವಾಗ ಮಹಿಳೆಯರು ವಿಶೇಷವಾಗಿ ಕೆಲವು ವಿಚಾರಗಳ ಬಗ್ಗೆ ಗಮನ ಹರಿಸಬೇಕು. ನೀವು ಹೋಳಿ ಆಡಲು ಬಯಸಿದರೆ, ಕೆಲವು ವಿಚಾರಗಳನ್ನು ಮನಸ್ಸಿನಲ್ಲಿಟ್ಟುಕೊಂಡು ಖುಷಿಯಿಂದ ಮತ್ತು ಸುರಕ್ಷಿತವಾಗಿ ಹೋಳಿ ಆಡಬಹುದು. ಹೋಳಿ ಸಮಯದಲ್ಲಿ ಅನೇಕ ಮಹಿಳೆಯರು ಸುರಕ್ಷತ ಕ್ರಮ ಕೈಗೊಂಡಿರುವುದಿಲ್ಲ. ಇದರಿಂದ ನಿಮ್ಮ ಮೂಡ್ ಹಾಳಾಗಬಹುದು. ಹಾಗಾಗಿ ನಿಮಗಾಗಿ ಕೆಲವು ಟಿಪ್ಸ್ಗಳನ್ನು ಈ ಕೆಳಕಂಡಂತೆ ನೀಡಲಾಗಿದೆ. ಇವುಗಳನ್ನು ಫಾಲೋ ಮಾಡಿ ಹೋಳಿ ಹಬ್ಬವನ್ನು ಸಡಗರದಿಂದ ಆಚರಿಸಿ.

ಒಳ್ಳೆಯ ಜನರನ್ನು ಆಯ್ಕೆ ಮಾಡಿ: ಹೋಳಿ ದಿನದಂದು, ಮಹಿಳೆಯರು ಸಾಮಾನ್ಯವಾಗಿ ತಮ್ಮ ಸ್ನೇಹಿತರು ಅಥವಾ ಸಂಬಂಧಿಕರೊಂದಿಗೆ ಹೋಳಿ ಆಡಲು ಪ್ರಾರಂಭಿಸುತ್ತಾರೆ. ಒಂದು ವೇಳೆ ನಿಮಗೆ ಅನ್ ಕಂಫರ್ಟ್ಟೇಬಲ್ ಫೀಲ್ ಆದರೆ, ಆ ಸ್ಥಳದಲ್ಲಿ ಹೋಳಿ ಆಡುವುದನ್ನು ನಿಲ್ಲಿಸಿ. ಹಾಗಾಗಿ ಹೋಳಿ ಆಡಲು ಉತ್ತಮ ಜನರನ್ನು ಆಯ್ಕೆ ಮಾಡಿ, ಅವರೊಂದಿಗೆ ನೀವು ಹೋಳಿಯನ್ನು ಕಂಪ್ಲೀಟ್ ಆಗಿ ಎಂಜಾಯ್ ಮಾಡಬಹುದು.

ಬೆಸ್ಟ್ ಪ್ಲೇಸ್ ಚೂಸ್ ಮಾಡಿ: ಹೋಳಿ ಹಬ್ಬದ ಸಂಭ್ರಮದಲ್ಲಿ ಗೆಳೆಯರೊಂದಿಗೆ ಅಜ್ಞಾತ ಸ್ಥಳಕ್ಕೆ ಹೋಗಬೇಡಿ. ಇದು ನಿಮ್ಮನ್ನು ಅಪಾಯಕ್ಕೆ ಸಿಲುಕಿಸಬಹುದು. ಆದ್ದರಿಂದ ಹೋಳಿಯನ್ನು ವಿಶ್ವಾಸಾರ್ಹ ಆಪ್ತ ಸ್ನೇಹಿತರೊಂದಿಗೆ ಮಾತ್ರ ಆಡಿ. ಹೋಳಿಗೆ ಫೇಮಸ್ ಜಾಗಗಳನ್ನು ಆಯ್ಕೆ ಮಾಡಿ.

ಮನೆಯವರಿಗೆ ತಿಳಿಸಿ: ಹೋಳಿ ದಿನದಂದು ಮನೆಯಿಂದ ಹೊರಡುವ ಮುನ್ನ ಕುಟುಂಬಸ್ಥರಿಗೆ ತಿಳಿಸಿ. ನಂತರ ನಗರದ ಸುತ್ತಲೂ ಹೋಳಿ ಪಾರ್ಟಿ ಆಯೋಜಿಸಿರುವ ಸ್ಥಳವನ್ನು ಆಯ್ಕೆಮಾಡಿ. ಅಲ್ಲದೇ ನಿಮ್ಮ ಕುಟುಂಬಸ್ಥರೊಂದಿಗೆ ಪಾರ್ಟಿ ನಡೆಯುತ್ತಿರುವ ಸ್ಥಳವನ್ನು ಶೇರ್ ಮಾಡುವುದನ್ನು ಮರೆಯಬೇಡಿ. ಹೋಳಿ ಆಡುವಾಗ ಫೋನ್ ಅನ್ನು ನೀರಿನಿಂದ ದೂರವಿಡಿ. ಇದರಿಂದ ನಿಮಗೆ ಅಪಾಯ ಉಂಟಾದಾಗ ಕುಟುಂಬಸ್ಥರನ್ನು ಸಂಪರ್ಕಿಸಲು ಸುಲಭವಾಗುತ್ತದೆ.

ಆಹಾರ ಸೇವಿಸುವ ಮುನ್ನ ಜಾಗ್ರತೆ ವಹಿಸಿ: ಹೋಳಿ ಹಬ್ಬದಂದು ಜನರು ಸಾಮಾನ್ಯವಾಗಿ ಆಹಾರಗಳಿಗೆ ಅಮಲಿನ ಪದಾರ್ಥಗಳನ್ನು ಸೇರಿಸಿರುತ್ತಾರೆ. ಇಂತಹ ಸಂದರ್ಭಗಳಲ್ಲಿ ಹೋಳಿ ಆಡುವಾಗ ಯಾರೋ ಕೊಟ್ಟ ಪದಾರ್ಥಗಳನ್ನು ತಿನ್ನಬೇಡಿ. ಈ ರೀತಿ ನೀವು ಅಲರ್ಟ್ ಆಗಿರುವುದರಿಂದ ಹೋಳಿ ವೇಳೆ ನಿಮ್ಮನ್ನು ನೀವು ರಕ್ಷಿಸಿಕೊಳ್ಳಲು ಸಾಧ್ಯವಾಗುತ್ತದೆ.

ತಪ್ಪು ಸ್ಪರ್ಶದ ಮೇಲೆ ತಕ್ಷಣವೇ ಮುಷ್ಕರ ಮಾಡಿ: ಹೋಳಿ ಹಬ್ಬದಂದು ಕೆಲವರು ಬಣ್ಣ ಹಚ್ಚುವ ನೆಪದಲ್ಲಿ ಮಹಿಳೆಯರನ್ನು ಮುಟ್ಟಲು ಪ್ರಯತ್ನಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ ತಪ್ಪಾಗಿ ಮುಟ್ಟಲು ಬರುವವರಿಗೆ ಅಡ್ಡಪಡಿಸಿ ಹೋಳಿ ಹಚ್ಚಿಸಿಕೊಳ್ಳಬೇಡಿ. ಅಲ್ಲದೇ ಅಂತಹವರ ಬಗ್ಗೆ ಸಂಪೂರ್ಣವಾಗಿ ಜಾಗರೂಕರಾಗಿರಿ ಮತ್ತು ಹಿಂಜರಿಕೆಯಿಲ್ಲದೆ ಅವರನ್ನು ನಿಮ್ಮಿಂದ ದೂರವಿಡಿ.