Tourism: ಮಹಿಳೆಯರಿಗಾಗಿ ವಿಶೇಷ ಪ್ರವಾಸ ಪ್ಯಾಕೇಜ್! ಇದು ಹೊಸ ವರ್ಷದ ಕೊಡುಗೆ

ಪ್ರವಾಸೋದ್ಯಮ ಇಲಾಖೆಯಿಂದ ಹೊಸ ವರ್ಷದ ಕೊಡುಗೆಯಾಗಿ ಕೇರಳ ರಾಜ್ಯದ 32 ಪ್ರವಾಸಿ ತಾಣಗಳಲ್ಲಿ ಮಹಿಳೆಯರಿಗೆ ವಿಶೇಷ ಪ್ರವಾಸ ಪ್ಯಾಕೇಜ್ ನೀಡಲಾಗಿದೆ. ಮಹಿಳೆಯರಿಗೆ ಭದ್ರತೆಯೊಂದಿಗೆ ಖುಷಿಯ ಅನುಭವ ನೀಡುತ್ತೆ ಈ ಪ್ಯಾಕೇಜ್​.

ಕೇರಳವು ಹೆಚ್ಚಿನ ಪ್ರವಾಸಿಗರನ್ನು ಆಕರ್ಷಿಸುವ ಗುರಿ ಹೊಂದಿದ್ದು. ಈ ಯೋಜನೆಯನ್ನು ಜಾರಿಗೆ ತರುತ್ತಿದೆ. ಮಹಿಳಾ ಸ್ನೇಹಿ ಪ್ರವಾಸಿ ತಾಣವಾಗಿಸಲು ಕೆಲವು ಪ್ರದೇಶಗಳನ್ನು ಆಯ್ಕೆ ಮಾಡಲಾಗಿದೆ. ಎಲ್ಲಾ ಕಡೆಯೂ ಮಹಿಳೆಯರ ಭಾಗವಹಿಸುವಿಕೆಯನ್ನು ಹೆಚ್ಚಿಸುವ ಉದ್ದೇಶ ಹೊಂದಿದೆ.

ಮಹಿಳಾ ಪ್ರವಾಸಿಗರನ್ನು ಆಕರ್ಷಿಸುವ ಈ ಪ್ರವಾಸ ಖುಷಿ ನೀಡಲಿದೆ. ಇದು ಪ್ರವಾಸೋಧ್ಯಮದ ಒಂದು ಮಹತ್ವದ ನಿರ್ಧಾರವಾಗಿದೆ. ವ್ಯವಸ್ಥೆಗಳನ್ನು ವಿಶೇಷವಾಗಿ ಮಹಿಳೆಯರಿಗೆಂದೇ ಸ್ಥಾಪಿಸಲಾಗಿದೆ.

ಮಹಿಳೆಯರು ಒಂಟಿಯಾಗಿ ಅಥವಾ ಗುಂಪಿನಲ್ಲಿ ಸುರಕ್ಷಿತವಾಗಿ ಮತ್ತು ಕಡಿಮೆ ವೆಚ್ಚದಲ್ಲಿ ಪ್ರಯಾಣಿಸಬಹುದು. ಜನವರಿಯಲ್ಲಿ ಅಂದರೆ ಈ ತಿಂಗಳಿನಿಂದಲೇ ಇದು ಜಾರಿಯಾಗಲಿದೆ. ಕರ್ನಾಟಕದ ಪ್ರವಾಸಿಗರೂ ಇಲ್ಲಿ ಭೇಟಿ ನೀಡಬಹುದು.

ಹೋಮ್ ಸ್ಟೇ, ಟೂರ್ ಗೈಡ್, ಟೂರ್ ಆಪರೇಟರ್, ಟ್ಯಾಕ್ಸಿ, ರೆಸ್ಟೊರೆಂಟ್ ಮತ್ತು ಇತರೆ ವಲಯಗಳಿಗೆ ಸಂಬಂಧಿಸಿದ 1000 ಮಹಿಳಾ ಉದ್ಯಮಗಳು ರಾಜ್ಯದಲ್ಲಿ ನೋಂದಣಿಯಾಗಿವೆ.

ಈ ಮಹಿಳಾ ಉದ್ಯಮಿಗಳಿಗೆ ಜನವರಿಯಲ್ಲಿ ತರಬೇತಿ ಆರಂಭವಾಗಲಿದೆ. ಉದ್ದಿಮೆಗಳನ್ನು ಆರಂಭಿಸಲು ಬಯಸುವವರಿಗೆ ವಿವಿಧ ಇಲಾಖೆಗಳ ನೆರವಿನೊಂದಿಗೆ ಸಾಲ ಸೌಲಭ್ಯಗಳನ್ನು ಒದಗಿಸಲಾಗುವುದು ಎಂದು ಪ್ರವಾಸೋದ್ಯಮ ತಿಳಿಸಿದೆ.

ವಸತಿ, ಆಹಾರ, ಪ್ರಯಾಣ, ಮಾರ್ಗದರ್ಶಿ ಇತ್ಯಾದಿ ಪ್ರವಾಸ ಪ್ಯಾಕೇಜ್‌ನ ಎಲ್ಲಾ ಘಟಕಗಳನ್ನು ಮಹಿಳೆಯರೇ ನಿರ್ವಹಿಸುತ್ತಾರೆ.ಈ ಮೂಲಕ ನೀವು ಉತ್ತಮ ಪ್ಯಾಕೇಜ್‌ಗಳನ್ನು ಬುಕ್ ಮಾಡಬಹುದು.