Life Hacks: ಈ ಟಿಪ್ಸ್ ಫಾಲೋ ಮಾಡಿದ್ರೆ ಆರೋಗ್ಯಕ್ಕೂ ಒಳ್ಳೆಯದು, ಹಣನೂ ಉಳಿಯುತ್ತೆ

ಶಾಪಿಂಗ್: ನಾವು ಶಾಪಿಂಗ್ ಮಾಡುವಾಗ ಬಹಳ ಎಚ್ಚರಿಕೆಯಿಂದ ಮಾಡಬೇಕು. ಯಾವುದರ ಅವಶ್ಯಕತೆ ನಮಗೆ ಇದೆಯೋ ಅದನ್ನು ಮಾತ್ರ ನಾವು ಖರೀದಿಸಬೇಕು. ಅತಿಯಾಗಿ ನಾವು ಹಣ್ಣು -ತರಕಾರಿ ಅಥವಾ ಯಾವುದೇ ಆಹಾರವನ್ನು ಖರೀದಿ ಮಾಡಿದರೂ ಸಹ ಹಣ ವ್ಯರ್ಥವಾಗುತ್ತದೆ. ಅಲ್ಲದೇ ಇದನ್ನು ನಾವು ಹೆಚ್ಚು ದಿನ ಇಟ್ಟು ಬಳಕೆ ಮಾಡುವುದು ಆರೋಗ್ಯಕ್ಕೆ ಹಾನಿಕಾರಕ ಕೂಡ.

ಬ್ಯಾಗ್​: ನಾವು ಶಾಪಿಂಗ್ ಮಾಡಲು ಹೊರಟಾಗ ನಮ್ಮ ಜೊತೆ ಬ್ಯಾಗ್​ ಕೂಡ ತೆಗೆದುಕೊಂಡು ಹೋಗಬೇಕು. ಇಲ್ಲದಿದ್ದರೆ ಪ್ಲಾಸ್ಟಿಕ್ ಚೀಲಗಳನ್ನು ಖರೀದಿಸಬೇಕಾಗುತ್ತದೆ. ಈ ಪ್ಲಾಸ್ಟಿಕ್ ಪರಿಸರಕ್ಕೆ ಮತ್ತು ನಮ್ಮ ಆರೋಗ್ಯಕ್ಕೆ ಸಮಸ್ಯೆ ಎಂಬುದು ಎಲ್ಲರಿಗೂ ಗೊತ್ತಿದೆ .

ಒಮ್ಮೆ ಅಡುಗೆ ಮಾಡಿ: ದಿನದಲ್ಲಿ ಸಾಧ್ಯವಾದರೆ ಒಮ್ಮೆ ಮಾತ್ರ ಅಡುಗೆ ಮಾಡಿ. ಪದೇ ಪದೇ ಗ್ಯಾಸ್ ಬಳಕೆ ಮಾಡಬೇಡಿ. ಇದರಿಂದ ನಿಮಗೆ ಹೆಚ್ಚು ಕೆಲಸ ಸಹ ಇರುವುದಿಲ್ಲ ಮತ್ತು ಗ್ಯಾಸ್ ಸಹ ಹೆಚ್ಚು ಬಳಕೆ ಆಗುವುದಿಲ್ಲ.

ಸೀಸನ್​ ಆಹಾರಗಳನ್ನು ಖರೀದಿಸಿ: ನಮಗೆ ಒಂದೊಂದು ಸೀಸನ್​ಗೆ ತಕ್ಕಂತೆ ಒಂದೊಂದು ಹಣ್ಣು ಮತ್ತು ತರಕಾರಿಗಳು ಸಿಗುತ್ತದೆ. ಅದು ನಮ್ಮ ಆರೋಗ್ಯಕ್ಕೆ ಬಹಳ ಮುಖ್ಯವಾಗುತ್ತದೆ. ಸೀಸನ್​ ಸಮಯದಲ್ಲಿ ಆ ಹಣ್ಣು ಮತ್ತು ತರಕಾರಿ ಕಡಿಮೆ ಬೆಲೆಗೆ ಸಹ ಸಿಗುತ್ತದೆ.

ವೇಸ್ಟ್​ ಕಡಿಮೆ ಮಾಡಿ: ನಾವು ಮೊದಲು ಮಾಡಬೇಕಿರುವ ಕೆಲಸ ಎಂದರೆ ಅಗತ್ಯಕ್ಕೆ ತಕ್ಕಷ್ಟು ಆಹಾರವನ್ನು ಮಾತ್ರ ತಯಾರಿಸುವುದು. ನಾವು ಒಬ್ಬರ ಜಾಗದಲ್ಲಿ ಇಬ್ಬರಿಗೆ ಅಡುಗೆ ಮಾಡಿದರೆ ಅದು ವೇಸ್ಟ್​ ಆಗುತ್ತದೆ. ಬಿಸಾಡುವುದು ಬೇಡ ಎಂದು ಇಟ್ಟು ಮರುದಿನ ತಿಂದರೆ ಅದು ಆರೋಗ್ಯ ಸಮಸ್ಯೆ ಉಂಟು ಮಾಡುತ್ತದೆ. ಹಾಗಾಗಿ ಎಚ್ಚರದಿಂದ ಮಾಡಿ.

ಜಂಕ್ ಆಹಾರಗಳು: ಜಂಕ್ ಆಹಾರಗಳು ನಮಗೆ ರುಚಿಕರ ಎಂದು ಅನಿಸುತ್ತದೆ. ಆದರೆ ಇದು ಆರೋಗ್ಯ ಹಾಳಾಗಲು ಮುಖ್ಯ ಕಾರಣ. ಅಲ್ಲದೇ ಇದಕ್ಕೆ ನಾವು ಹೆಚ್ಚು ಹಣ ವ್ಯಯಿಸುವ ಬದಲು, ಇದೇ ದುಡ್ಡಿನಲ್ಲಿ ಆರೋಗ್ಯಕರ ಆಹಾರ ಖರೀದಿಸಬಹುದು.

ಈ ತರಕಾರಿಗಳನ್ನು ಒಟ್ಟಿಗೆ ಇಡಬೇಡಿ: ಸಾಮಾನ್ಯವಾಗಿ ಈರುಳ್ಳಿ ಮತ್ತು ಆಲೂಗೆಡ್ಡೆಯನ್ನು ಒಟ್ಟಿಗೆ ಸಂಗ್ರಹಿಸುವ ಕೆಲಸ ಮಾಡುತ್ತೇವೆ. ಆದರೆ ಇದು ತಪ್ಪು. ಈ ಎರಡು ವಸ್ತುಗಳನ್ನು ಬೇರೆ ಬೇರೆಯಾಗಿ ಸಂಗ್ರಹಿಸಿ, ಹಾಗೆಯೇ ಇವುಗಳನ್ನು ಪ್ರಿಜ್​ನಲ್ಲಿ ಇಡಬೇಡಿ. ಒಟ್ಟಿಗೆ ಇಟ್ಟರೆ  ಬೇಗ ಹಾಳಾಗುತ್ತದೆ.

ಪ್ಯಾಕೇಜ್​ : ಸಾಮಾನ್ಯವಾಗಿ ನಾವು ಪ್ಯಾಕೇಜ್​ ಆಗಿರುವ ಆಹಾರಗಳನ್ನು ಖರೀದಿ ಮಾಡುತ್ಏವೆ. ಆದರೆ ಹಣ್ಣು ಮತ್ತು ತರಕಾರಿಗಳನ್ನು ಸಹ ಪ್ಯಾಕ್​ ಮಾಡಿರುವುದನ್ನ ಖರೀದಿ ಮಾಡುವುದು ವ್ಯರ್ಥ. ಅವುಗಳಲ್ಲಿ ಯಾವುದು ಹಾಳಾಗಿದೆ ಎಂಬುದನ್ನ ಗುರುತಿಸುವುದು ಕಷ್ಟ. ಹಾಗೆಯೇ ಇದು ಆರೋಗ್ಯಕ್ಕೆ ಸಹ ಒಳ್ಳೆಯದಲ್ಲ.