ಬೆಳಗ್ಗೆ ಎದ್ದ ಕೂಡ್ಲೇ ಮುಖ ಲಕಲಕ ಹೊಳಿಬೇಕಾ? ಹಾಗಿದ್ರೆ ರಾತ್ರಿ ಈ ಸಿಂಪಲ್ ಟಿಪ್ಸ್ ಫಾಲೊ ಮಾಡಿ ಸಾಕು

ಕಾಲಕಾಲಕ್ಕೆ ತಕ್ಕಂತೆ ನಮ್ಮ ಆಹಾರ, ಬಟ್ಟೆ, ಜೀವನಶೈಲಿ ಎಲ್ಲವೂ ಬದಲಾಗ್ತಾ ಇರುತ್ತೆ. ಅದೇ ರೀತಿ ನಮ್ಮ ಚರ್ಮದ ಪೋಷಣೆಯನ್ನು ಕೂಡಾ ಚಳಿಗಾಲ, ಮಳೆಗಾಲ, ಬೇಸಿಗೆಗೆ ತಕ್ಕಂತೆ ಬದಲಾಯಿಸಿಕೊಳ್ಳಬೇಕು. ಆಗಲೇ ಅದರ ಆರೋಗ್ಯ, ಸೌಂದರ್ಯ ಎರಡೂ ಉತ್ತಮವಾಗಿ ಇರುತ್ತದೆ.

ಚಳಿಗಾಲದಲ್ಲಿ ಚರ್ಮ ಬಹಳ ಬೇಗ ಒಣಗುತ್ತದೆ. ಗಾಳಿಯಲ್ಲಿ ಕೂಡಾ ತೇವಾಂಶ ಕಡಿಮೆ ಇರೋದ್ರಿಂದ ಈ ಸಂದರ್ಭದಲ್ಲಿ ತ್ವಚೆಯ ಆರೋಗ್ಯದ ಬಗ್ಗೆ ಸ್ವಲ್ಪ ಹೆಚ್ಚೇ ಕಾಳಜಿ ವಹಿಸಬೇಕಾಗುತ್ತದೆ. ಒಂದು ಸ್ವಲ್ಪ ಮುತುವರ್ಜಿ ವಹಿಸಿದರೆ ಚರ್ಮ ಬಹಳ ಹೊಳಪಾಗಿ ಯಾವುದೇ ಸಮಸ್ಯೆ ಇಲ್ಲದಂತೆ ಇರುತ್ತದೆ.

ಕ್ಲೆನ್ಸರ್: ನಾವು ದಿನಾ ಮುಖ ತೊಳೆಯುವಾಗ ಅಥವಾ ಸ್ನಾನ ಮಾಡುವಾಗ ಕೇವಲ ಮೇಲಷ್ಟೇ ತೊಳೆದು ಸ್ವಚ್ಛಗೊಳಿಸುತ್ತೇವೆ. ಆದ್ರೆ ಕ್ಲೆನ್ಸಿಂಗ್ ಮಾಡಿದ್ರೆ ಚರ್ಮದ ಆಳಕ್ಕೆ ಹೋಗಿ ಸ್ವಚ್ಛಗೊಳಿಸಲು ಸಾಧ್ಯವಾಗುತ್ತದೆ.

ಚರ್ಮ ಒಣಗಿದಾಗ ಹೆಚ್ಚು ಉದುರಲು ಶುರುವಾಗುತ್ತದೆ. ಸ್ಕ್ರಬ್ ಮಾಡಿ ಅದನ್ನು ತೆಗೆದರೆ ಆಗ ಹೊಸಾ ಚರ್ಮ ಬೆಳೆಯಲು ಅನುಕೂಲಕರವಾಗಿರುತ್ತದೆ. ಸಕ್ಕರೆ ಮತ್ತು ಜೇನುತುಪ್ಪ ಬೆರೆಸಿ ಅದರಿಂದ ಮೃದುವಾಗಿ ರಬ್ ಮಾಡಿದರೆ ಚರ್ಮ ನುಣುಪಾಗುತ್ತದೆ. ಇದು ಒಳ್ಳೆಯ ಸ್ಕ್ರಬ್. ಇದರ ನಂತರ ತಣ್ಣಗಿನ ಹಾಲನ್ನು ಹತ್ತಿಯಲ್ಲಿ ಅದ್ದಿ ಮುಖಕ್ಕೆ ಹಚ್ಚಬೇಕು. ಇದು ತೇವಾಂಶವನ್ನು ಹಿಡಿದಿಡುತ್ತದೆ.

ಪ್ರತಿದಿನ ಮಾಯಿಸ್ಚರೈಸಿಂಗ್ ಕ್ರೀಂ ಅಥವಾ ಎಣ್ಣೆ ಬಳಸಿ ಮುಖವನ್ನು 5 ನಿಮಿಷಗಳವರಗೆ ಮಸಾಜ್ ಮಾಡಿ. ಹೀಗೆ ಮಾಡೋದ್ರಿಂದ ಮುಖದಲ್ಲಿ ರಕ್ತ ಸಂಚಲನ ಉತ್ತಮವಾಗುತ್ತದೆ. ಇದರಿಂದ ಸೌಂದರ್ಯ ಹೆಚ್ಚುತ್ತದೆ.

ತಲೆಗೂದಲಿಗೆ ಕಂಡೀಶನಿಂಗ್ ಅವಶ್ಯಕತೆ ಇರುವಂತೆ ಮುಖಕ್ಕೂ ಕಂಡೀಶನಿಂಗ್ ಬೇಕಾಗುತ್ತದೆ. ಆಗ ಮುಖ ಕಾಂತಿಯುಕ್ತವಾಗಿ ಇರುತ್ತದೆ. ಡೀಪ್ ಕ್ಲೀನ್ ಕಂಡೀಶನಿಂಗ್ ಮಾಡುವ ಅಭ್ಯಾಸ ಚಳಿಗಾಲದಲ್ಲಿ ಬಹಳ ಸಹಕಾರಿಯಾಗುತ್ತದೆ.

ತೇವಾಂಶ ಹೆಚ್ಚಿಸುವ ಫೇಸ್ ಮಾಸ್ಕ್ ಗಳನ್ನು ಚಳಿಗಾಲದಲ್ಲಿ ಬಳಸುವುದು ಬಹಳ ಉತ್ತಮ. ಆಗಲೇ ಚರ್ಮ ಶುಷ್ಕವಾಗಿರುತ್ತದೆ. ಹಾಗಾಗಿ ಬಾಳೆಹಣ್ಣು, ಮೊಸರು ಮತ್ತು ಜೇನುತುಪ್ಪ ಬೆರೆಸಿದ ಫೇಸ್ ಮಾಸ್ಕ್ ಹಾಕಿ ಅರ್ಧ ಗಂಟೆಯ ನಂತರ ತೊಳೆದರೆ ಮುಖದ ಚರ್ಮ ಮೃದುವಾಗುತ್ತದೆ.