Winter Hair Care: ಈ ಹೂವುಗಳನ್ನು ಬಳಸಿದ್ರೆ ಕೂದಲು ಉದುರೋದು ನಿಲ್ಲುತ್ತೆ

ಆಯುರ್ವೇದದಲ್ಲಿ ಸಾಂಬಾರ ಪದಾರ್ಥಗಳಷ್ಟೇ ಅಲ್ಲ, ವಿವಿಧ ಹೂವುಗಳನ್ನು ಔಷಧ ಮತ್ತು ಪುಡಿಗಳನ್ನು ತಯಾರಿಸಲು ಬಳಸುತ್ತಾರೆ. ಚರ್ಮ ರೋಗಗಳನ್ನು ಗುಣಪಡಿಸಲು ಮತ್ತು ಸೋಂಕುಗಳನ್ನು ತಡೆಗಟ್ಟುವಲ್ಲಿ ಹೂವುಗಳು ಸಹಾಯ ಮಾಡುತ್ತದೆ.

ಕೆಲವು ರೀತಿಯ ಹೂವುಗಳು ಚಳಿಗಾಲದಲ್ಲಿ ನಿಮ್ಮ ಕೂದಲನ್ನು ಆರೋಗ್ಯಕರವಾಗಿರಲು ಮತ್ತು ಹೊಳೆಯುವಂತೆ ಮಾಡಲು ಸಹಾಯ ಮಾಡುತ್ತದೆ. ಕೂದಲಿನ ಆರೈಕೆಯಲ್ಲಿ ಈ 5 ಹೂವುಗಳ ಬಳಕೆ ಮತ್ತು ಅದರ ಕೆಲವು ವಿಶಿಷ್ಟ ಪ್ರಯೋಜನಗಳ ಮಾಹಿತಿ ಇಲ್ಲಿದೆ.

ಗುಲಾಬಿ ಹೂವುಗಳು
ಚಳಿಗಾಲದಲ್ಲಿ ಗುಲಾಬಿ ಹೂಗಳನ್ನು ಬಳಸುವುದರಿಂದ ಕೂದಲು ಮೃದುವಾಗಿ ತ್ತು ಹೊಳೆಯುತ್ತದೆ. ಇದಕ್ಕಾಗಿ ರೋಸ್ ವಾಟರ್ ಅನ್ನು ಮನೆಯಲ್ಲಿಯೇ ತಯಾರಿಸಿಕೊಳ್ಳಬಹುದು. ರೋಸ್ ವಾಟರ್ ಅನ್ನು ನಿಯಮಿತವಾಗಿ ಕೂದಲಿಗೆ ಹಚ್ಚುವುದರಿಂದ ಕೂದಲು ಮೃದುವಾಗುತ್ತದೆ.

ಜಾಸ್ಮಿನ್
ಚಳಿಗಾಲದಲ್ಲಿ ಕೂದಲು ಸಾಮಾನ್ಯವಾಗಿ ಒರಟಾಗಿರುತ್ತದೆ. ಈ ರೀತಿಯ ಸಮಸ್ಯೆಗಳಿರುವಾಗ ತೇವಾಂಶ ಬೇಕು. ಆಂಟಿಮೈಕ್ರೊಬಿಯಲ್ ಮತ್ತು ಕ್ಲೆನ್ಸಿಂಗ್ ಅಂಶಗಳನ್ನು ಹೊಂದಿರುವ ಜಾಸ್ಮಿನ್ ಹೂವುಗಳು ನಿಮಗೆ ಸಹಾಯ ಮಾಡುತ್ತದೆ. ತಲೆಯಲ್ಲಿ ಹೇನಿನ ಸಮಸ್ಯೆ ಇದ್ದರೆ ಜಾಸ್ಮಿನ್ ಎಣ್ಣೆ ಪರಿಹಾರ ನೀಡುತ್ತದೆ.

ದಾಸವಾಳ
ಚಳಿಗಾಲದಲ್ಲಿ ಕೂದಲು ಉದುರುವುದನ್ನು ತಡೆಯಲು ದಾಸವಾಳದ ಹೂವುಗಳು ಉತ್ತಮ. ಇದಕ್ಕಾಗಿ ದಾಸವಾಳದ ಹೂಗಳನ್ನು ಒಣಗಿಸಿ. ನಂತರ ತೆಂಗಿನ ಎಣ್ಣೆಗೆ 1 ಚಮಚ ದಾಸವಾಳದ ಪುಡಿಯನ್ನು ಬೆರೆಸಿ ಕೂದಲಿಗೆ ಮಸಾಜ್ ಮಾಡಿ. ದಾಸವಾಳ ಹೂವಿನ ಹೇರ್ ಮಾಸ್ಕ್ ಅನ್ನು ಕೂದಲಿಗೆ ಹಚ್ಚುವುದರಿಂದ ಬಿಳಿ ಕೂದಲಿನ ಸಮಸ್ಯೆ ದೂರವಾಗುತ್ತದೆ.

ರೋಸ್ಮರಿ ಹೂವು
ರೋಸ್ಮರಿ ಹೂವುಗಳು ಕೂದಲಿನ ಆರೈಕೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ಕೂದಲಿನ ಬೆಳವಣಿಗೆಯನ್ನು ಹೆಚ್ಚಿಸಲು ಈ ಹೂವುಗಳು ತುಂಬಾ ಉಪಯುಕ್ತ. ರೋಸ್ಮರಿ ಹೂವು ಬಿಳಿ ಕೂದಲಿನ ಸಮಸ್ಯೆಯಿಂದ ಮುಕ್ತಿ ಪಡೆಯಲು ಸಹಾಯ ಮಾಡುತ್ತದೆ. ರೋಸ್ಮರಿ ಹೂವುಗಳು ನೆತ್ತಿಯಲ್ಲಿ ರಕ್ತ ಪರಿಚಲನೆ ಸುಧಾರಿಸುವ ಮೂಲಕ ಕೂದಲಿಗೆ ಹೊಳಪನ್ನು ತರುತ್ತದೆ.

ಬೆರ್ಗಮಾಟ್
ಬೆರ್ಗಮಾಟ್ ಹೂವುಗಳು ವಿಟಮಿನ್ ಸಿ ಯ ಅತ್ಯುತ್ತಮ ಮೂಲ. ಇದರ ಸಹಾಯದಿಂದ ನೀವು ಕೂದಲು ಉದುರುವಿಕೆಯಿಂದ ಪರಿಹಾರವನ್ನು ಪಡೆಯಬಹುದು. ಬೆರ್ಗಮಾಟ್ ಹೂವುಗಳು ಕೂದಲು ಬೆಳೆಯಲು ಸಹಾಯ ಮಾಡುತ್ತದೆ.

ಹಕ್ಕುತ್ಯಾಗ: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಗಳನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಪರಿಶೀಲಿಸಿಲ್ಲ. ಇದು ಸಂಪೂರ್ಣವಾಗಿ ನಿಜವೆಂದು ಹೇಳಲು ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ