Kitchen Hacks: ಫ್ರಿಜ್​ನಲ್ಲಿ ಹಾಲಿಡಲು ಒಂದು ವಿಧಾನವಿದೆ, ಜಾಗ ಸಿಕ್ಕಲ್ಲಿ ಇಡಬೇಡಿ

ಸಾಮಾಜಿಕ ಜಾಲತಾಣಗಳಾದ ಟಿಕ್ಟಾಕ್, ಫೇಸ್ಬುಕ್, ವಾಟ್ಸಾಪ್ ಇತ್ಯಾದಿಗಳ ಮೂಲಕ ನಮ್ಮ ಜೀವನಶೈಲಿ, ಮೊಬೈಲ್ ಸೇರಿದಂತೆ ತಂತ್ರಜ್ಞಾನ , ಕಂಪ್ಯೂಟರ್, ಆಸ್ತಿ ವಿಷಯಗಳು, ಪಾಕವಿಧಾನ ಇತ್ಯಾದಿ ಸಲಹೆಗಳ ಮಹಾಪೂರವೇ ಹರಿದುಬರುತ್ತದೆ. ಕೆಲವು ಸಂದೇಶಗಳು ಮೇಲ್ನೋಟಕ್ಕೆ ನಿಜವೆಂದು ತೋರುತ್ತದೆ, ಆದರೆ ನಮ್ಮ ಮನಸ್ಸಿನಲ್ಲಿ ಶಾಶ್ವತವಾದ ಗೊಂದಲವನ್ನು ಉಂಟು ಮಾಡುತ್ತದೆ.

ಸದ್ಯ ಸಾಮಾಜಿಕ ಮಾಧ್ಯಮ ಬಳಕೆದಾರರು ಟಿಕ್​ಟಾಕ್​ನಲ್ಲಿ ಸದ್ಯ ಟ್ರೆಂಡಿಂಗ್ ಇರುವ ವಿಡಿಯೋ ಬಗ್ಗೆ ಚರ್ಚೆ ಮಾಡುತ್ತಿದ್ದು, ಇತ್ತೀಚೆಗಷ್ಟೇ ಫ್ರಿಜ್​ನಲ್ಲಿ ಹಾಲಿಡುವ ವಿಚಾರವಾಗಿ ಜನರು ಸ್ವಲ್ಪ ಗೊಂದಲಕ್ಕೀಡಾಗಿದ್ದು, ಅದರ ಬಗ್ಗೆ ಮಾಹಿತಿ ಇಲ್ಲಿದೆ.

ಹಾಲು ಮತ್ತು ಹಾಲಿನ ಉತ್ಪನ್ನಗಳನ್ನು ಫ್ರಿಜ್ ಬಾಗಿಲುಗಳಲ್ಲಿ ಸಂಗ್ರಹಿಸಬಾರದು ಎಂದು ವಿಡಿಯೋದಲ್ಲಿ ಹೇಳಿದ್ದು, ಇದನ್ನು ನೋಡಿದ ನೆಟ್ಟಿಗರು ಗೊಂದಲಕ್ಕೊಳಗಾಗಿದ್ದಾರೆ. ಫ್ರಿಡ್ಜ್ ಡೋರ್ ನಲ್ಲಿ ಹಾಲು ಇಡದೇ ಇರುವುದು ಹಲವು ಪ್ರಯೋಜನಗಳನ್ನು ನೀಡುತ್ತದೆ.

ಅಲ್ಲದೇ, ಫ್ರಿಜ್​ನಲ್ಲಿ ಹಾಲು ಸಂಗ್ರಹಿಸಲು ಫ್ರೀಜರ್ ಅಡಿಯಲ್ಲಿ ವಿಶೇಷ ಸ್ಥಳವಿದೆ, ಆದರೆ ನಮ್ಮ ಹೆಚ್ಚಿನ ಮನೆಗಳಲ್ಲಿ ಅದನ್ನು ಅಲ್ಲಿ ಇಡುವುದಿಲ್ಲ. ಫ್ರಿಜ್ ತುಂಬಿರುವಾಗ, ನಾವು ಹಾಲು ಮತ್ತು ಇತರ ಪಾನೀಯಗಳನ್ನು ಕೈಗೆಟುಕುವಂತೆ ಬಾಗಿಲ ಬಳಿ ಇಡುತ್ತೇವೆ.

ಫ್ರಿಜ್​ನಲ್ಲಿ ಎಲ್ಲಾ ಜಾಗ ತುಂಬಿದ ನಂತರ, ಉಳಿದ ವಸ್ತುಗಳನ್ನು ಬಾಗಿಲುಗಳ ಬಳಿ ಇಡುತ್ತೇವೆ. ಹಾಗಾಗಿ, ನಾವು ತಂಪು ಪಾನೀಯಗಳು, ಹಾಲಿನ ಬಾಟಲಿಗಳು, ಮೊಸರು ಕಪ್​ಗಳು, ಮಜ್ಜಿಗೆ ಪ್ಯಾಕೆಟ್​ಗಳು ಇತ್ಯಾದಿಗಳನ್ನು ಸಂಗ್ರಹಿಸುತ್ತೇವೆ.

ಈ ಬಾಗಿಲ ಬಳಿ ಹಾಲು ಏಕೆ ಇಡಬಾರದು ಎಂದರೆ ಹಾಲು ಯಾವಾಗಲೂ ಒಂದೇ ತಾಪಮಾನದಲ್ಲಿರಬೇಕು. ಇಲ್ಲದಿದ್ದರೆ ಹಾಳಾಗುವ ಸಾಧ್ಯತೆ ಇರುತ್ತದೆ. ಅಲ್ಲದೇ ಪ್ರತಿ ಬಾರಿ ಫ್ರಿಜ್ ಬಾಗಿಲು ತೆರೆದು ಮುಚ್ಚಿದಾಗ ಹಾಲಿನ ಸುತ್ತಲಿನ ತಂಪು ಗಾಳಿ ಹೊರಹೋಗುತ್ತದೆ.

ಆದರೆ ನಾವು ಫ್ರಿಜ್ ಅನ್ನು 2 ಸೆಕೆಂಡುಗಳು ಅಥವಾ 10, 15 ಸೆಕೆಂಡುಗಳ ಕಾಲ ತೆರೆಯುತ್ತೇವೆ. ಅಷ್ಟರಲ್ಲಿ ಏನು ಬದಲಾವಣೆ ಆಗುತ್ತದೆ ಎಂಬ ಪ್ರಶ್ನೆ ನಮ್ಮಲ್ಲಿ ಸಹಜವಾಗಿ ಮೂಡುತ್ತದೆ. ಆದರೆ, ನೀವೇ ಲೆಕ್ಕ ಹಾಕಿ. ಈ ರೀತಿ 10 ಸೆಕೆಂಡುಗಳ ಕಾಲ, ಎಷ್ಟು ಬಾರಿ ತೆರೆಯುತ್ತೀರಿ ಎಂದು. ಆ ಒಟ್ಟು ಸಮಯ ಕೂಡಿಸಿದರೆ ಸಾಕು.

ಫ್ರಿಜ್ ಡೋರ್‌ನಲ್ಲಿ ನಿಗದಿಪಡಿಸಿದ ಪ್ರದೇಶದಲ್ಲಿ ಹಾಲನ್ನು ಸಂಗ್ರಹಿಸುವುದು ಸಮಸ್ಯೆಯಲ್ಲ, ಆದರೆ 0 ಮತ್ತು 5c ನಡುವಿನ ಸರಿಯಾದ ತಾಪಮಾನ ಇರಬೇಕು. ಇಲ್ಲದಿದ್ದರೆ ಹಾಲು ಹಾಳಾಗುತ್ತದೆ.