Food: ಅಬ್ಬಬ್ಬಾ, ಬಾಸ್ಮತಿ ಅಕ್ಕಿ ಯಾಕಿಷ್ಟು ಕಾಸ್ಟ್ಲಿ? ಇದರ ವಿಶೇಷತೆ ಬಗ್ಗೆ ನಿಮಗೆಷ್ಟು ಗೊತ್ತು?

ಭಾರತದಲ್ಲಿ ಅಕ್ಕಿಯ ಬಳಕೆ ಅತಿ ಹೆಚ್ಚು. ದೇಶದ ಪ್ರತಿಯೊಂದು ಪ್ರದೇಶದಲ್ಲಿ ಅಕ್ಕಿಯಿಂದ ವಿವಿಧ ರೀತಿಯ ಭಕ್ಷ್ಯಗಳನ್ನು ತಯಾರಿಸಲಾಗುತ್ತದೆ. ಭಾರತದಲ್ಲಿ ವಿವಿಧ ರೀತಿಯ ಅಕ್ಕಿ ಲಭ್ಯವಿದೆ. ಆದರೆ ಬಾಸ್ಮತಿ ಅಕ್ಕಿ ಎಲ್ಲದಕ್ಕಿಂತ ವಿಭಿನ್ನವಾಗಿದೆ. ಭಾರತವು ಬಾಸ್ಮತಿ ಅಕ್ಕಿಯ ಅತಿದೊಡ್ಡ ರಫ್ತುದಾರ. ಈಗ ಈ ಅಕ್ಕಿಯ ವಿವಿಧ ತಳಿಗಳೂ ಹೊರಹೊಮ್ಮಿವೆ.

ಭಾರತದಿಂದ ಅಕ್ಕಿಯನ್ನು ಯುರೋಪ್, ಮಧ್ಯಪ್ರಾಚ್ಯ, ಅಮೇರಿಕಾ ಇತ್ಯಾದಿಗಳಿಗೆ ಕಳುಹಿಸಲಾಗುತ್ತದೆ. ಬಾಸ್ಮತಿ ಅಕ್ಕಿ ತುಂಬಾ ಆರೋಗ್ಯಕ್ಕೆ ಒಳ್ಳೆಯದು, ಆದರೆ ತುಂಬಾ ದುಬಾರಿಯಾಗಿದೆ. ಹಾಗಾಗಿ ಜನರು ಸಾಮಾನ್ಯವಾಗಿ ಈ ಅಕ್ಕಿಯನ್ನು ಪ್ರತಿದಿನ ಬಳಸುವುದಿಲ್ಲ. ಅಷ್ಟಕ್ಕೂ ಈ ಅಕ್ಕಿ ಏಕೆ ದುಬಾರಿ ಅಂತ ಎಂದಾದರೂ ಯೋಚಿಸಿದ್ದೀರಾ?

ಬಾಸ್ಮತಿ ಅಕ್ಕಿ ದುಬಾರಿಯಾಗುವುದಕ್ಕೆ ಒಂದಲ್ಲ, ಎರಡಲ್ಲ, ಐದು ಕಾರಣಗಳಿವೆ. ಅವುಗಳ ಬಗ್ಗೆ ಮಾಹಿತಿಯನ್ನು ತಿಳಿದುಕೊಳ್ಳೋಣ. ಬಾಸ್ಮತಿ ಗಾತ್ರದಲ್ಲಿ ತುಂಬಾ ದೊಡ್ಡದಾಗಿದೆ. ಹೌದು, ಸಾಮಾನ್ಯ ಅಕ್ಕಿಗೆ ಹೋಲಿಸಿದರೆ, ಬಾಸ್ಮತಿ ಅಕ್ಕಿ ಗಾತ್ರದಲ್ಲಿ ತುಂಬಾ ದೊಡ್ಡದಾಗಿದೆ. ಒಂದು ಧಾನ್ಯವು 8.44 ಮಿಮೀ ಉದ್ದವಿರಬಹುದು. ಇದರ ನಿಖರವಾದ ಗಾತ್ರ ಬೇರೆ ಯಾವುದೇ ಅಕ್ಕಿಯಲ್ಲಿ ಕಂಡುಬರುವುದಿಲ್ಲ. ಬಿರಿಯಾನಿ, ಪುಲಾವ್ ಇತ್ಯಾದಿ ತಯಾರಿಕೆಯಲ್ಲಿ ಬಾಸ್ಮತಿ ಅಕ್ಕಿಯನ್ನು ಬಳಸಲಾಗುತ್ತದೆ.

ಈ ಪ್ರಕ್ರಿಯೆಗಾಗಿ ಕಂಪನಿಗಳು ನಿರ್ದಿಷ್ಟ ಗೋದಾಮುಗಳನ್ನು ನಿರ್ಮಿಸಬೇಕು. ಇದರಿಂದ ಅಕ್ಕಿ  ಹಳೆಯದಾಗುವುದಿಲ್ಲ. ಇದಕ್ಕಾಗಿ, ತಾಪಮಾನವನ್ನು ಸಹ ಸರಿಹೊಂದಿಸಬೇಕು. ಇಷ್ಟೆಲ್ಲ ಮಾಡಲು ಸಾಕಷ್ಟು ಸಮಯ ಮತ್ತು ವೆಚ್ಚ ತಗಲುವುದರಿಂದ ಬಾಸ್ಮತಿಯ ಬೆಲೆ ಸಾಕಷ್ಟು ಏರುತ್ತದೆ.

ಬಾಸ್ಮತಿ ಸುವಾಸನೆ ಚೆನ್ನಾಗಿದೆ: ಬಾಸ್ಮತಿ ಅಕ್ಕಿಯನ್ನು ಬೇಯಿಸಿದಾಗ ಅದರ ವಾಸನೆಯು ಸೂಪರ್ ಆಗಿರುತ್ತದೆ. ಅದಕ್ಕಿಂತ ಹೆಚ್ಚಾಗಿ ಬೇಯಿಸಿದ ನಂತರ ಅಕ್ಕಿಗಳು ಅರಳುತ್ತವೆ. ಬಾಸ್ಮತಿ ಅಕ್ಕಿಯು '2-ಅಸಿಟೈಲ್-1-ಪೈರೋಲಿನ್' ಎಂಬ ಸಂಯುಕ್ತವನ್ನು ಹೊಂದಿದ್ದು, ಅದನ್ನು ಪರಿಮಳಯುಕ್ತವಾಗಿಸುತ್ತದೆ. ಅಡುಗೆ ಮಾಡಿದ ನಂತರ ಬಾಸ್ಮತಿ ಗಾತ್ರದಲ್ಲಿ ದ್ವಿಗುಣಗೊಳ್ಳುತ್ತದೆ. ಹಾಗಾಗಿ ಇದಕ್ಕೆ ಹೆಚ್ಚಿನ ಬೇಡಿಕೆ ಇದೆ.

ಬಾಸ್ಮತಿಯಲ್ಲಿ ಪೋಷಕಾಂಶದ ಪ್ರಮಾಣ ಹೆಚ್ಚು: ಬಾಸ್ಮತಿ ಅಕ್ಕಿಯಲ್ಲಿ ಪೋಷಕಾಂಶಗಳು ಹೇರಳವಾಗಿವೆ. ಹಾಗಾಗಿ ಕೂಡ ಬಾಸ್ಮತಿ ಅಕ್ಕಿ ದುಬಾರಿಯಾಗಿರಬಹುದು, ಆದರೆ ಇದು ಆರೋಗ್ಯಕರ ಆಯ್ಕೆಯಾಗಿದೆ. ಬಾಸ್ಮತಿ ಅಕ್ಕಿ ಕಡಿಮೆ ಗ್ಲೈಸೆಮಿಕ್ ಸೂಚಿಯನ್ನು ಹೊಂದಿದೆ. ಇದು ಮಧುಮೇಹ ರೋಗಿಗಳಿಗೆ ಉತ್ತಮ ಆಯ್ಕೆ ಎಂದು ಪರಿಗಣಿಸಲಾಗಿದೆ. ಇದರಿಂದಾಗಿ ಅವರ ಇನ್ಸುಲಿನ್ ಮಟ್ಟವು ಹೆಚ್ಚಾಗುವುದಿಲ್ಲ.

ಇದರಲ್ಲಿ ಕಾರ್ಬೋಹೈಡ್ರೇಟ್ಗಳು ಮತ್ತು ಕ್ಯಾಲೋರಿಗಳು ಸಹ ಕಡಿಮೆ ಆಗಿರುತ್ತದೆ. ಬಾಸ್ಮತಿ ಅಕ್ಕಿಯನ್ನು ತಿನ್ನುವುದರಿಂದ ಶಕ್ತಿಯ ಮಟ್ಟ ಹೆಚ್ಚುತ್ತದೆ. ಯಾರಿಗಾದರೂ ಕೊಲೆಸ್ಟ್ರಾಲ್ ಸಮಸ್ಯೆ ಇದ್ದರೆ ಅವರೂ ಈ ಅನ್ನವನ್ನು ತಿನ್ನಬೇಕು. ಅದಕ್ಕಾಗಿಯೇ ಇದನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ.

ಬಾಸ್ಮತಿ ಅಕ್ಕಿಯನ್ನು ಬೆಳೆಯುವುದು ಸುಲಭವಲ್ಲ: ಬಾಸ್ಮತಿ ಅಕ್ಕಿಯನ್ನು ಬೆಳೆಯುವ ವಿಚಾರಕ್ಕೆ ಬಂದರೆ, ಅದನ್ನು ಬೆಳೆಯುವುದು ಸುಲಭವಲ್ಲ ಎಂದು ಅರ್ಥಮಾಡಿಕೊಳ್ಳಬೇಕು. ಇದನ್ನು ಎಲ್ಲೆಡೆ ಬೆಳೆಯುವುದಿಲ್ಲ. ಇದಕ್ಕೆ ಸರಿಯಾದ ಹವಾಮಾನಬೇಕು ಮತ್ತು ಗಾಳಿಯು ಭತ್ತದ ಸಸ್ಯಗಳನ್ನು ಹಾನಿಗೊಳಿಸುತ್ತದೆ. ಬಾಸ್ಮತಿ ಭತ್ತದ ಸಸ್ಯಗಳು ಸಾಮಾನ್ಯ ಅಕ್ಕಿಗಿಂತ ಎತ್ತರವಾಗಿರುತ್ತವೆ, ಆದ್ದರಿಂದ ಅವುಗಳ ಬಗ್ಗೆಯೂ ಕಾಳಜಿ ವಹಿಸಬೇಕು. ಈ ಎಲ್ಲ ಕಾರಣಗಳಿಂದ ಬಾಸ್ಮತಿ ಅಕ್ಕಿ ದುಬಾರಿಯಾಗಿದೆ. (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)