Solo Trip: ಸೋಲೋ ಟ್ರಿಪ್​ ಹೋಗೋಕೆ ಪ್ಲಾನ್​ ಹಾಕ್ತಾ ಇದ್ದೀರಾ? ಇಲ್ಲಿದೆ ನೋಡಿ ಸಖತ್​ ಪ್ಲೇಸ್​ಗಳು!

ಟ್ರಿಪ್​ ಅಂದ್ರೆ ಯಾರಿಗೆ ತಾನೆ ಇಷ್ಟ ಇಲ್ಲ ಹೇಳಿ? ಅದ್ರಲ್ಲೂ ಉದ್ಯೋಗ ಮಾಡ್ತಾ ಇರೋರಿಗಂತೂ ಯಾವಾಗ ರಜೆ ಸಿಗುತ್ತೋ ಅಂತ ತುದಿಗಾಲಿನಲ್ಲಿ ಕಾದು ನಿಂತಿರುತ್ತಾರೆ. ಯಾಕಂದ್ರೆ ಟ್ರಿಪ್​ ಅಷ್ಟು ಮನಸ್ಸಿಗೆ ರಿಫ್ರೆಶ್​ ಸಿಗುತ್ತೆ.

ಕೆಲವೊಬ್ಬರಿಗೆ ತನ್ನ ಫ್ಯಾಮಿಲಿ ಜೊತೆ ಟ್ರಿಪ್​ ಹೋಗ್ಬೇಕು ಅಂತ ಇದ್ರೆ, ಇನ್ನೂ ಸ್ವಲ್ಪ ಜನರಿಗೆ ಫ್ರೆಂಡ್ಸ್​ ಜೊತೆ ಹೋಗಬೇಕು ಅಂತ ಇಷ್ಟ ಇರುತ್ತೆ. ಇನ್ನು ಸ್ಪೆಷಲ್​ ಅಂದ್ರೆ ಸೋಲೋ ಟ್ರಿಪ್​.

ಎಸ್​, ಈ ಲೇಖನವು ಮುಖ್ಯವಾಗಿ ಸೋಲೋ ಟ್ರಿಪ್​ ಹೋಗಲು ಇಷ್ಟ ಪಡುವವರಿಗಾಗಿ. ಏಕಾಂಗಿಯಾಗಿ ಟ್ರಿಪ್​ ಹೋಗಲು ತಾಕತ್ತು ಬೇಕು ಕಂಡ್ರೀ. ಯಾವ ಸ್ಥಳಗಳಿಗೆಲ್ಲಾ ಸೋಲೋ ಟ್ರಿಪ್​ ಹೋಗಬಹುದು ಅಂತ ಹೇಳ್ತೀವಿ, ನೋಡಿ.

ಶಿಲ್ಲಾಂಗ್​: ಈಶಾನ್ಯ ಭಾರತದ ಕಡೆಯಿರುವ ಈ ಪ್ರದೇಶವು ಭಾರತದ ಸಂಗೀತ ರಾಜಧಾನಿ ಅಂತಾನೇ ಪ್ರಖ್ಯಾತಿ. ಅನೇಕ ಪ್ರಮುಖ ಸಂಗೀತಗಾರರು ಈ ಸ್ಥಳದಿಂದ ಬಂದಿದ್ದಾರೆ. ಮೇಘಾಲಯದ ರಾಜಧಾನಿಯಾಗಿ ಇದು ಬೆಟ್ಟಗಳಿಂದ ಸುತ್ತುವರಿದ ಪ್ರಸ್ಥಭೂಮಿಯ ಮೇಲೆ ವರ್ಷವಿಡೀ ಅತ್ಯಂತ ಆರಾಮದಾಯಕ ಹವಾಮಾನವನ್ನು ಹೊಂದಿದೆ.

ಜೈಸಲ್ಮೇರ್​: ಜೈಸಲ್‍ಮೇರ್ ಹಿಂದಿನ ರಾಜಪುತಾನದ ಒಂದು ಸಂಸ್ಥಾನವಾಗಿದ್ದ ಇದು ಈಗ ರಾಜಸ್ಥಾನದ ಒಂದು ಜಿಲ್ಲೆ. ಸಾಕಷ್ಟು ಬಿಸಿಲು ಇರುವ ಜಾಗ. ಆದರೆ, ಡಿಸೆಂಬರ್​ ಮತ್ತು ಜನವರಿ ತಿಂಗಳಲ್ಲಿ ತುಂಬಾ ಚಳಿಯಿರುತ್ತದೆ. ಹೀಗಾಗಿ ಈ ಮರುಭೂಮಿಗೆ ಭೇಟಿ ನೀಡಲು ಸೂಕ್ತವಾಗಿರುತ್ತದೆ.

ಉದಯಪುರ: ಉದಯಪುರಕ್ಕೆ ಭೇಟಿ ನೀಡಲು ಉತ್ತಮ ಸಮಯವೆಂದರೆ ಸೆಪ್ಟೆಂಬರ್ ಮತ್ತು ಮಾರ್ಚ್ ತಿಂಗಳ ನಡುವೆ. ಉದಯಪುರದಲ್ಲಿ ಹವಾಮಾನ ಪರಿಸ್ಥಿತಿಗಳ ಮಾಸಿಕದಲ್ಲಿ ಬದಲಾವಣೆಗಳು ಆಗ್ತಾ ಇರುತ್ತವೆ. ಇದರಿಂದ ನೀವು ಯಾವಾಗ ಹೋಗಬೇಕೆಂದು ಯೋಜಿಸಬಹುದು. ನವೆಂಬರ್‌ನಿಂದ ಫೆಬ್ರವರಿ ಈ ತಿಂಗಳುಗಳು ಉದಯಪುರದಲ್ಲಿ ಚಳಿಗಾಲದ ಹವಮಾನ ಇರುತ್ತದೆ. ಇದು ಬ್ರಿಟಿಷ್​ ಆಡಳಿತಗಾರ ಜೇಮ್ಸ್​ ಟೋಡ್​ ಅವರು ಭಾರತ ಖಂಡದ ಅತ್ಯಂತ ಪ್ರೀತಿಯ ತಾಣವೆಂದು ಹೇಳಿದ್ದಾರೆ. ಇಲ್ಲಿ ಪಿಚೋಲಾ ಎಂಬ ಸರೋವರದ ದಂಡೆಯಲ್ಲಿ ಊಟವನ್ನು ಮಾಡುವುದೇ ವಿಶೇಷವಾಗಿದೆ.

ಮನಾಲಿ: ಹಿಮಾಚಲ ಪ್ರದೇಶದಲ್ಲಿರು ಇದಂತೂ ಹನಿಮೂನ್​ ಪ್ಲೇಸ್​ ಅಂತಾನೆ ಫೇಮಸ್​. ಆದರೆ, ಸಿಂಗಲ್​ ಟ್ರಿಪ್​ ಹೋಗಿ ನೋಡಿ. ಅದರ ಮಜಾನೇ ಬೇರೆ. ಮನಾಲಿ ಹೋಗಬೇಕು ಅಂತ ಅದೆಷ್ಟೋ ಜನರ ಕನಸು ಆಗಿರುತ್ತೆ. ಟ್ರಕ್ಕಿಂಗ್​ ಪ್ಲೇಸ್​ ಈ ಮನಾಲಿ. ಇಲ್ಲಿ ದೇವದಾರು ಮರಗಳು, ಅಂಕುಡೊಂಕಾದ ರಸ್ತೆಗಳು ಜೊತೆಗೆ ಭಾರೀ ಹಿಮಪಾತವನ್ನು ಹೊಂದಿದೆ. ಇವುಗಳ ಜೊತೆಗೆ ನಾನಾರೀತಿಯ ಐಸ್​ಗೇಮ್ಸ್​ಗಳೂ ಇರುತ್ತವೆ.

ಔಲಿ: ಈ ಸ್ಥಳವಂತೂ ಎಂದಿಗೂ ಹಚ್ಚ ಹಸಿರಿನ ನಡುವೆ ಕಣಿವೆಗಳನ್ನು ಹೊಂದಿದೆ. ಹೆಚ್ಚಾಗಿ ಚಳಿಗಾಲದಲ್ಲಿ ಪ್ರವಾಸವನ್ನು ಯೋಜಿಸುವುದು ಒಳಿತು. ಪಟ್ಟಣವಾದ ಔಲಿ ಭಾರತದ ಪ್ರಮುಖ ಸ್ಕೀ ರೆಸಾರ್ಟ್ ತಾಣವಾಗಿದೆ. ಮೂಲತಃ ಅರೆಸೈನಿಕ ನೆಲೆಯಾಗಿ ಅಭಿವೃದ್ಧಿಪಡಿಸಲಾಗಿದೆ, ಔಲಿಯ ಸ್ಕೀಯಿಂಗ್ ಇಳಿಜಾರುಗಳು ಪ್ರವಾಸಿಗರು ಮತ್ತು ವೃತ್ತಿಪರರಲ್ಲಿ ಜನಪ್ರಿಯವಾಗಿವೆ. ಚಳಿಗಾಲದಲ್ಲಿ, ಔಲಿ ಹಲವಾರು ಹಿಮ ಸಾಹಸ ಕಾರ್ಯಕ್ರಮಗಳನ್ನು ಆಯೋಜಿಸುತ್ತದೆ.