Hair Loss: ಕೂದಲು ತುಂಬಾ ಹೋಗಿದ್ಯಾ? ಚಿಂತೆ ಬೇಡ, ಈ ಆಹಾರ ತಿನ್ನಿ ಸಾಕು!

ಚರ್ಮದ ಆರೋಗ್ಯದ ಜೊತೆಗೆ ಕೂದಲಿನ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ತುಂಬಾ ಮುಖ್ಯ. ಕೂದಲಿನ ಆರೋಗ್ಯಕ್ಕಾಗಿ ಸಾಧ್ಯವಾದಷ್ಟು ಕೂದಲ ರಕ್ಷಣೆಯ ದಿನಚರಿ ಫಾಲೋ ಮಾಡಬೇಕು. ಇದು ಹೇರ್ ಫಾಲ್ ಕಂಟ್ರೋಲ್ ಮಾಡುತ್ತದೆ. ಜೊತೆಗೆ ಆಹಾರದ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕಾಗುತ್ತದೆ.

ಸರಿಯಾದ ಆಹಾರ ಸೇವನೆಯು ನಿಮ್ಮನ್ನು ಸದೃಢವಾಗಿರಿಸುತ್ತದೆ. ಪೋಷಕಾಮಶ ಸಮೃದ್ಧ ಆಹಾರ ಸೇವನೆಯು ನಿಮ್ಮ ಚರ್ಮ ಮತ್ತು ಕೂದಲಿನ ಆರೋಗ್ಯ ಕಾಪಾಡುತ್ತದೆ. ಆಹಾರವು ಎಲ್ಲಾ ಅಗತ್ಯ ಪೋಷಕಾಂಶ ಹೊಂದಿದ್ದರೆ ಕೂದಲಿನ ಆರೋಗ್ಯವು ಉತ್ತಮವಾಗಿರುತ್ತದೆ.

ನಿಮ್ಮ ಕೂದಲ ಆರೋಗ್ಯ ಹಾಳು ಮಾಡುವ ಕೆಲವ ಪದಾರ್ಥಗಲಿವೆ. ಇವುಗಳ ಸೇವನೆಯ ನಿಮ್ಮ ಚರ್ಮ ಮತ್ತು ಕೂದಲಿಗೆ ಒಳ್ಳೆಯದಲ್ಲ. ಇದು ನಿಮ್ಮ ಕೂದಲು ಉದುರುವಿಕೆ ಸಮಸ್ಯೆಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಕೂದಲಿನ ಆರೋಗ್ಯ ಹದಗೆಡಿಸುತ್ತದೆ.

ಹಾಲು, ಮೊಸರು, ಮಜ್ಜಿಗೆ ಡೈರಿ ಉತ್ಪನ್ನಗಳ ಸೇವನೆಯು ನಿಮ್ಮ ಕೂದಲು ಹಾನಿಗೆ ಕಾರಣವಾಗುತ್ತವೆ ಎನ್ನಲಾಗಿದೆ. ಇದು ದೇಹದಲ್ಲಿ ಟೆಸ್ಟೋಸ್ಟೆರಾನ್ ಮಟ್ಟ ಹೆಚ್ಚಿಸುತ್ತದೆ. ವೈದ್ಯರ ಪ್ರಕಾರ, ಟೆಸ್ಟೋಸ್ಟೆರಾನ್ ಮಟ್ಟ ಹೆಚ್ಚಳವು ತ್ವರಿತ ಕೂದಲು ಉದುರುವಿಕೆಗೆ ಕಾರಣ. ಇದು ಎಸ್ಜಿಮಾ, ಸೋರಿಯಾಸಿಸ್ ಅಥವಾ ಡ್ಯಾಂಡ್ರಫ್ ಸಮಸ್ಯೆ ಹೆಚ್ಚಿಸುತ್ತದೆ.

ಮದ್ಯ ಸೇವನೆಯು ಕೂದಲು ಹಾನಿಗೆ ಕಾರಣವಾಗುತ್ತದೆ. ಬಿಂಜ್ ಡ್ರಿಂಕಿಂಗ್ ಸಹ ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ಇದು ನಿಮ್ಮ ದೇಹವನ್ನು ದುರ್ಬಲಗೊಳಿಸುತ್ತದೆ. ಕೂದಲಿನ ಆರೋಗ್ಯ ಕ್ಷೀಣಿಸಲು ಕಾರಣವಾಗುತ್ತದೆ. ಆಲ್ಕೋಹಾಲ್ ಒಂದು ನಿರ್ಜಲೀಕರಣದ ಏಜೆಂಟ್ ಆಗಿದೆ. ಇದು ನೆತ್ತಿಯನ್ನು ಒಣಗಿಸುತ್ತದೆ. ಕೂದಲಿನ ಸಮಸ್ಯೆ ಹೆಚ್ಚಿಸಬಹುದು.

ಕಚ್ಚಾ ಮೊಟ್ಟೆಯ ಬಿಳಿ ಸೇವನೆಯು ದೇಹದಲ್ಲಿ ಬಯೋಟಿನ್ ಕೊರತೆಗೆ ಕಾರಣವಾಗಬಹುದು. ಇದು ಕೂದಲು ಹಾನಿ ಮಾಡುತ್ತದೆ. ಬಯೋಟಿನ್ ಜೊತೆಗೆ ಅವಿಡಿನ್ ಎಂಬ ವಸ್ತುವು ಹಸಿ ಮೊಟ್ಟೆಯ ಬಿಳಿ ಭಾಗದಲ್ಲಿದೆ. ಇದು ಕರುಳಿನಲ್ಲಿ ಬಯೋಟಿನ್ ವಿಘಟಿಸುತ್ತದೆ. ಪ್ರೋಟೀನ್ ಮತ್ತು ಬಯೋಟಿನ್ ಕೂದಲಿಗೆ ಉತ್ತಮ. ಆದರೆ ಬಯೋಟಿನ್ ಕೊರತೆಯು ಕೂದಲು ನಷ್ಟಕ್ಕೆ ಕಾರಣ.

ಕರಿದ ಆಹಾರ ಮತ್ತು ಕೆಂಪು ಮಾಂಸ ಸೇವನೆಯು ಕೂದಲಿನ ಆರೋಗ್ಯ ಕೆಡಿಸುತ್ತದೆ. ಮೇದೋಗ್ರಂಥಿಗಳ ಸ್ರಾವ ಮತ್ತು ಎಣ್ಣೆ ಗ್ರಂಥಿಗಳು ಹೆಚ್ಚು ಸಕ್ರಿಯವಾಗಲು ಕಾರಣವಾಗುತ್ತವೆ. ಇದು ನಮ್ಮ ಹಾರ್ಮೋನ್ ಸಮತೋಲನ ಹಾಳು ಮಾಡುತ್ತದೆ. ಕೂದಲು ಉದುರುವಿಕೆ ಹೆಚ್ಚಿಸುತ್ತದೆ.

ಹೆಚ್ಚಿನ ಪಾದರಸ ಹೊಂದಿರುವ ಮೀನು ಸೇವನೆಯು ಕೂದಲಿನ ಆರೋಗ್ಯಕ್ಕೆ ಹಾನಿಕಾರಕ. ಇದು ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ದೇಹದಲ್ಲಿ ಸತುವಿನ ಕೊರತೆಯು ಕೂದಲು ಉದುರುವಿಕೆ ಮತ್ತು ಕೂದಲಿಗೆ ಸಂಬಂಧಿಸಿದ ಸಮಸ್ಯೆ ಹೆಚ್ಚಿಸುತ್ತದೆ.