Apple Health: ಈ ಬಣ್ಣದ ಸೇಬು ಹಣ್ಣಿನಲ್ಲಿ ಹೆಚ್ಚು ಪೋಷಕಾಂಶಗಳಿರೋದಂತೆ

ಪ್ರತಿದಿನ ಸೇಬು ಹಣ್ಣು ತಿನ್ನುವುದರಿಂದ ನಮಗೆ ಆರೋಗ್ಯ ಸಮಸ್ಯೆಗಳು ಬರುವುದಿಲ್ಲ ಎಂದು ಹೇಳಲಾಗುತ್ತದೆ. ಈ ಹಣ್ಣಿನಲ್ಲಿ ಬಹಳಷ್ಟು ಪೋಷಕಾಂಶಗಳಿರುವ ಕಾರಣ ನಮ್ಮ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತದೆ.

ಆದರೆ ಈ ಸೇಬುಹಣ್ಣಿನಲ್ಲಿ ವಿವಿಧ ವಿಧಗಳಿದೆ. ಬಣ್ಣಗಳು ಸಹ ಇದೆ. ಈ ಕಾರಣದಿಂದ ಯಾವ ಬಣ್ಣದ ಸೇಬು ಆರೋಗ್ಯಕ್ಕೆ ಉತ್ತಮ ಎಂಬ ಗೊಂದಲ ಜನರಿಗಿದ್ದು, ಅದಕ್ಕೆ ಪರಿಹಾರವನ್ನು ತಜ್ಞರೇ ನೀಡಿದ್ದಾರೆ.

ಸೇಬುಗಳು ವರ್ಷವಿಡೀ ಲಭ್ಯವಿರುತ್ತದೆ, ಆದರೆ ಮಳೆಗಾಲದಲ್ಲಿ ಇಳುವರಿ ಜಾಸ್ತಿ.. ಸ್ವಲ್ಪ ಕಡಿಮೆ ಬೆಲೆಗೆ ಸಿಗುತ್ತದೆ. ವಾಸ್ತವವಾಗಿ, ಸೇಬು 86 ಪ್ರತಿಶತದಷ್ಟು ನೀರು ಹೊಂದಿರುತ್ತದೆ. 100 ಗ್ರಾಂ ಸೇಬು 52 ಕ್ಯಾಲೋರಿಗಳನ್ನು ಸಹ ಹೊಂದಿರುತ್ತದೆ.

ರುಚಿ ನೋಡಿದ್ರೆ, ಕೆಂಪು ಸೇಬು ಸಿಹಿ. ಹಸಿರು ಸೇಬುಗಳು ಸಿಹಿಯಾಗಿದ್ದರೂ, ಅವು ಸ್ವಲ್ಪ ಹುಳಿಯಾಗಿರುತ್ತವೆ. ಇದಲ್ಲದೆ, ಹಸಿರು ಸೇಬುಗಳ ಚರ್ಮವು ದಪ್ಪವಾಗಿರುತ್ತದೆ. ಹಾಗಾಗಿ ಅವುಗಳನ್ನು ತಿನ್ನುವಾಗ ಶಬ್ದ ಮಾಡುತ್ತವೆ. ಕೆಂಪು ಸೇಬುಗಳು ತೆಳುವಾದ ಚರ್ಮವನ್ನು ಹೊಂದಿರುತ್ತವೆ.

ಸಿಹಿ ಇರುವ ಕಾರಣ ಜನರು ಹೆಚ್ಚಾಗಿ ಕೆಂಪು ಸೇಬುಗಳನ್ನು ಖರೀದಿಸುತ್ತಾರೆ. ನಮ್ಮ ಮಾರುಕಟ್ಟೆಯಲ್ಲೂ ಕೆಂಪು ಸೇಬುಗಳು ಸಿಗುತ್ತವೆ. ಬೆಲೆಯೂ ಸಹ ಈ ಕೆಂಪು ಸೇಬಿಗೆ ಕಡಿಮೆ. ಹಸಿರು ಸೇಬನ್ನು ಶಿಮ್ಲಾ ಸೇಬು ಎನ್ನುತ್ತಾಎ, ಇದರ ಬೆಲೆ ಜಾಸ್ತಿ ಎನ್ನುತ್ತಾರೆ ವ್ಯಾಪಾರಿಗಳು.

ತಜ್ಞರ ಪ್ರಕಾರ, ಕೆಂಪು ಮತ್ತು ಹಸಿರು ಸೇಬುಗಳು ಬಹುತೇಕ ಒಂದೇ ರೀತಿಯ ಪ್ರಯೋಜನಗಳನ್ನು ಹೊಂದಿವೆ. ಆದರೂ, ಹಸಿರು ಸೇಬಿನಲ್ಲಿ ಕೆಂಪು ಬಣ್ಣಕ್ಕಿಂತ ಹೆಚ್ಚು ವಿಟಮಿನ್ ಎ, ಬಿ, ಸಿ, ಇ, ಕೆ ಇದೆ. ಆದರೆ, ಕೆಂಪು ಸೇಬಿನಲ್ಲಿ ಆ್ಯಂಟಿ ಆಕ್ಸಿಡೆಂಟ್ಗಳು ಸಮೃದ್ಧವಾಗಿವೆ, ಅದು ದೇಹದ ವಿಷಕಾರಿ ತ್ಯಾಜ್ಯವನ್ನು ಹೊರಹಾಕುತ್ತದೆ

ಹಸಿರು ಸೇಬು ಕೆಂಪು ಸೇಬಿಗಿಂತ ಹೆಚ್ಚು ಕಬ್ಬಿಣ, ಪೊಟ್ಯಾಸಿಯಮ್ ಮತ್ತು ಪ್ರೋಟೀನ್ ಅನ್ನು ಹೊಂದಿರುತ್ತದೆ. ಹಾಗಾಗಿ, ಈ ಬಾರಿ ಮಾರುಕಟ್ಟೆಗೆ ಹೋದಾಗ ಹಸಿರು ಮತ್ತು ಕೆಂಪು ಸೇಬು ಕಂಡರೆ ಹಸಿರು ಬಣ್ಣದ ಸೇಬುಗಳನ್ನು ಖರೀದಿಸಿ.

ತೂಕ ಇಳಿಸಿಕೊಳ್ಳಲು ಬಯಸುವವರು ಕೆಂಪು ಸೇಬಿನ ಬದಲು ಹಸಿರು ಸೇಬನ್ನು ತಿನ್ನಬೇಕು ಎನ್ನುತ್ತಾರೆ ತಜ್ಞರು. ಹುಳಿಯಾಗಿದ್ದರೂ ಸಕ್ಕರೆ ಅಂಶ ಕಡಿಮೆ ಇರುವುದರಿಂದ ತೂಕ ಹೆಚ್ಚಾಗುವ ಸಾಧ್ಯತೆ ಕಡಿಮೆ ಎನ್ನುತ್ತಾರೆ.