Baby Care: ತಾಯಿ ಎದೆ ಹಾಲು ಅಮೃತಕ್ಕಿಂತ ಮಿಗಿಲು, ಇದರಿಂದ ಇದೆ ಸಾವಿರ ಪ್ರಯೋಜನ!

ಮಗುವಿಗೆ ಎದೆಹಾಲು ಕೊಡುವುದು ತುಂಬಾ ಒಳಿತು. ಇದು ಸಾಮಾನ್ಯವಾಗಿ ಎಲ್ಲರಿಗೂ ತಿಳಿದಿರುವ ವಿಷಯ. ಹಾಗಾದ್ರೆ ಯಾತಕ್ಕಾಗಿ ಮಗುವಿಗೆ ತಾಯಿಯ ಎದೆ ಹಾಲನ್ನು ಉಣಿಸಬೇಕು ಎಂಬ ಮಾಹಿತಿಯನ್ನು ತಿಳಿಯೋಣ.

ಮಗುವಿನ ಬೆಳವಣಿಗೆಗೆ ಬೇಕಾಗುವ ಪೌಷ್ಟಿಕಾಂಶ ಮತ್ತು ಕಾರ್ಬೋಹೈಡ್ರೇಟ್ ಗಳು ತಾಯಿಯ ಎದೆ ಹಾಲಿನಲ್ಲಿ ಹೇರಳವಾಗಿರುತ್ತದೆ. ಹೀಗಾಗಿ ತಾಯಿ ಏನನ್ನು ತಿನ್ನಬೇಕಾದರೂ ಕೂಡ ಮೂರು ಬಾರಿ ಯೋಚಿಸಿ ತಿನ್ನಬೇಕಾಗುತ್ತದೆ. ತಾಯಿ ತಿಂದ ಪ್ರತಿಯೊಂದು ಆಹಾರದ ಅಂಶಗಳು ಕೂಡ ಮಗುವಿಗೆ ಸೇರುತ್ತದೆ.

ತಾಯಿಯ ಎದೆ ಹಾಲಿನಿಂದ ಮಗುವಿನ ದೇಹದಲ್ಲಿ ಆಗುವ ಉಷ್ಣತೆಯನ್ನು ಸಮತೋಲನ ಮಾಡಬಹುದು. ಹುಟ್ಟಿದ ಮಗುವಿನ ದೇಹದಲ್ಲಿ ಉಷ್ಣಾಂಶತೆ ಆಗಾಗ ಏರು ಪೇರು ಆಗ್ತಾ ಇರುತ್ತದೆ. ಇದಕ್ಕೆ ತಾಯಿಯ ಎದೆ ಹಾಲು ತುಂಬಾ ಒಳಿತು ಎನ್ನಬಹುದು.

ಹುಟ್ಟಿದ ಮಗುವಿನಲ್ಲಿ ಜೀರ್ಣಾಂಗ ವ್ಯವಸ್ಥೆ ಸರಿಯಾಗಿ ಇರೋದಿಲ್ಲ. ದೇಹದ ಅಸಮತೋಲನವನ್ನು ಸರಿಪಡಿಸ ಬೇಕೆಂದರೆ ತಾಯಿಯ ಎದೆ ಹಾಲು ತುಂಬಾ ಒಳಿತು.

ಸಣ್ಣ ವಯಸ್ಸಿಗೇ ಬೇಗ ರೋಗ ರುಜಿನಗಳು ತಾಗುತ್ತದೆ. ಹೀಗಾಗಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಸಲುವಾಗಿ ತಾಯಿಯ ಎದೆ ಹಾಲು ಮುಖ್ಯ. ಇದರಲ್ಲಿ ರೋಗ ನಿರೋಧಕ ಶಕ್ತಿಯನ್ನು ವೃದ್ಧಿಸುವ ಎಲ್ಲ ಅಂಶಗಳು ಇರುತ್ತದೆ.

ಈಸಿಯಾಗಿ ಮತ್ತು ವೇಗವಾಗಿ ದೇಹದ ಬೆಳವಣಿಗೆಗೆ ಈ ಹಾಲು ಸಹಕಾರಿಯಾಗಿದೆ. ಯಾವುದೇ ಕುಂದು ಕೊರತೆ b ಬರದೆ ಈಸಿಯಾಗಿ ಮಗು ಬೆಳೆಯಲು ಉತ್ತಮ.

ಮಗುವಿಗೆ ಎದೆ ಹಾಲು ಕುಡಿಸುವುದರಿಂದ ತಾಯಿಗೂ ಲಾಭ ಇದೆ. ಆಕೆಯ ದೇಹದಲ್ಲಿ ಇರುವ ಕೊಬ್ಬಿನಾಂಶ ಕರಗುತ್ತದೆ ಮತ್ತು ಕ್ಯಾನ್ಸರ್ ನಂತಹ ಅಪಾಯಕಾರಿ ರೋಗದಿಂದ ಬಚಾವ್ ಆಗಬಹುದು. ಎಂದಿಗೂ ಆರೋಗ್ಯಕರವಾಗಿರಬಹುದು.

ಒಟ್ಟಿನಲ್ಲಿ ಮಗುವಿನ ಬೆಳವಣಿಗಾಗಿ ತಾಯಿಯ ಎದೆ ಹಾಲು ತುಂಬಾ ಸಹಕಾರಿಯಾಗಿದೆ. ತಾಯಿಯೂ ಕೂಡ ಅಷ್ಟೇ ತನ್ನ ಬಗ್ಗೆ ಕಾಳಜಿಯನ್ನು ವಹಿಸಿಕೊಳ್ಳಬೇಕು. ತಾಯಿಗೇ ಏನೇ ಅನಾರೋಗ್ಯ ಎದುರಾದರೂ ಮಗುವಿಗೂ ಬರುವ ಸಾಧ್ಯತೆ 99 ಶೇಕಡದಷ್ಟು ಇರುತ್ತದೆ.