Sciatica Problem: ಸಿಯಾಟಿಕಾ ನೋವಿನಿಂದ ಬಳಲುತ್ತಿದ್ದೀರಾ? ಹಾಗಾದ್ರೆ ಪ್ರತಿದಿನ ಈ ಯೋಗಾಸನ ಮಾಡಿ!

ಸಿಯಾಟಿಕಾ ಎಂಬುದು ಒಂದು ನರ. ಇದರಲ್ಲಿ ಕೆಳ ಬೆನ್ನು ಮತ್ತು ಹಿಪ್ ಭಾಗ ಊದಿಕೊಂಡು ನೋವು ಉಂಟಾಗುತ್ತದೆ. ಈ ನೋವನ್ನು ಸಿಯಾಟಿಕಾ ನೋವು ಎಂದು ಕರೆಯುತ್ತಾರೆ. 31 ರಿಂದ 40 ವರ್ಷ ವಯಸ್ಸಿನವರಲ್ಲಿ ಸಿಯಾಟಿಕಾ ಈ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ. ದೇಶದಲ್ಲಿ ಶೇ. 45 ರಷ್ಟು ಜನರು ಸಿಯಾಟಿಕಾ ಸಮಸ್ಯೆಗೆ ತುತ್ತಾಗಿದ್ದಾರೆ.

ಸಿಯಾಟಿಕಾ ನೋವು ಕೆಟ್ಟದಾಗಿರುತ್ತದೆ. ಕಾಲು, ಪಾದ, ಹಿಪ್ ಭಾಗ ಹಾಗೂ ತೊಡೆಯ ಹಿಂಭಾಗ, ಕೆಳಬೆನ್ನು ತೀವ್ರ ನೋವು ಬರುತ್ತದೆ. ಕಾಲು ಜುಮ್ಮೆನ್ನುವುದು, ನಿಲ್ಲಲು, ನಡೆಯಲು ಸಾಧ್ಯವಾಗದೇ ಇರುವುದು, ಈ ನೋವು ಸೊಂಟದಿಂದ ಕಾಲಿನ ಹಿಂಭಾಗಕ್ಕೆ ಹೋಗುತ್ತದೆ. ಹಿಮ್ಮಡಿಯ ನೋವಿಗೂ ಕಾರಣವಾಗುತ್ತದೆ.

ಸಿಯಾಟಿಕಾ ನೋವಿನ ಸಮಯದಲ್ಲಿ ರೋಗಿಯು ನಡೆಯುವ ಮೊದಲು ಹತ್ತು ಬಾರಿ ಯೋಚಿಸುವಂತಾಗುತ್ತದೆ. ಈ ನೋವು ಅಷ್ಟು ಕೆಟ್ಟದಾಗಿರುತ್ತದೆ. ಸಿಯಾಟಿಕಾ ನೋವನ್ನು ಹೋಗಲಾಡಿಸಲು ವೈದ್ಯರು ಕೆಲವು ಯೋಗ ಭಂಗಿ, ವ್ಯಾಯಾಮದ ಬಗ್ಗೆ ಹೇಳುತ್ತಾರೆ. ಈ ಸಮಯದಲ್ಲಿ ಹೆಚ್ಚು ಕಠಿಣ ವ್ಯಾಯಾಮ ಮಾಡಬಾರದು.

ನೀವು ಸಿಯಾಟಿಕಾ ನೋವಿನಿಂದ ಪರಿಹಾರ ಪಡೆಯಲು ಈ ಯೋಗಾಸನಗಳನ್ನು ನಿತ್ಯವೂ ಮಾಡಿ. ಯೋಗಭಂಗಿಯ ಮೂಲಕ ನೀವು ಸಿಯಾಟಿಕಾ ಸಮಸ್ಯೆ ನಿವಾರಿಸಿಕೊಳ್ಳಬಹುದು ಅಂತಾರೆ ತಜ್ಞರು. ಅಧೋಮುಖ ಶ್ವಾನಾಸನ ಮಾಡಿ. ಈ ಭಂಗಿ ಮಾಡಿದರೆ ಸಿಯಾಟಿಕಾ ಸಮಸ್ಯೆಗೆ ಪರಿಹಾರ ಸಿಗುತ್ತದೆ.

ನೆಲದ ಮೇಲೆ ಎರಡೂ ಕೈ ಮತ್ತು ಮೊಣಕಾಲುಗಳ ಮೇಲೆ ಮಲಗಿ. ದೇಹವನ್ನು ಹಿಂಭಾಗದಿಂದ ಮೇಲಕ್ಕೆತ್ತಿ ಮತ್ತು ಮೊಣಕಾಲುಗಳನ್ನು ಕೈಗಳಿಂದ ನೇರವಾಗಿಸಿ. ಎರಡೂ ಕೈಗಳನ್ನು ಮುಂದೆ ಇಟ್ಟುಕೊಳ್ಳುವ ಮೂಲಕ ಅಂಗೈಗಳನ್ನು ಅಗಲಿಸಿ. ಈ ಸ್ಥಾನದಲ್ಲಿ ಮೂರು ನಿಮಿಷ ಇರಿ.

ಶಲಭಾಸನ. ಪ್ರತಿನಿತ್ಯ ಬೆಳಗ್ಗೆ ಶಲಭಾಸನ ಮಾಡಿದರೆ ಬೆನ್ನುನೋವು ನಿವಾರಣೆಯಾಗುತ್ತದೆ. ಇದು ತೂಕ ನಷ್ಟ, ಮಲಬದ್ಧತೆ, ಅಸ್ತಮಾ ಮತ್ತು ಇತರ ಕಾಯಿಲೆಗೆ ಪರಿಹಾರವಿದೆ. ಈ ಯೋಗ ಮಾಡಿದರೆ ಭುಜಗಳು ಮತ್ತು ಕೈಗಳು ಸಹ ಬಲಿಷ್ಠಚವಾಗುತ್ತವೆ. ಸಿಯಾಟಿಕಾ ನೋವನ್ನು ನಿವಾರಿಸುವಲ್ಲಿ ಇದು ಪರಿಣಾಮಕಾರಿ. ಸ್ನಾಯುಗಳನ್ನು ಹಿಗ್ಗಿಸಿದರೆ ಬೆನ್ನು ನೋವು ದೂರವಾಗುತ್ತದೆ.

ಭುಜಂಗಾಸನ ಮಾಡಿ. ಈ ಆಸನವನ್ನು ನಾಗರ ಭಂಗಿ ಎಂದೂ ಕರೆಯುತ್ತಾರೆ. ಇದರಲ್ಲಿ ದೇಹದ ಮೇಲಿನ ಭಾಗ ಹಾವಿನಂತೆ ಮೇಲೇಳುತ್ತದೆ. ಈ ಆಸನ ಮಾಡಿದರೆ ಥೈರಾಯ್ಡ್ ಮತ್ತು ಹೊಟ್ಟೆಯ ಕೊಬ್ಬಿನ ಸಮಸ್ಯೆ ಕಡಿಮೆಯಾಗುತ್ತದೆ. ಅಲ್ಸರ್, ಹರ್ನಿಯಾ ಸಮಸ್ಯೆ ಇರುವವರು ಈ ಆಸನ ಮಾಡಬೇಡಿ.

ಸುಪ್ತ ಪದಾಂಗುಷ್ಠಾಸನ ಮಾಡಿ. ಸಿಯಾಟಿಕಾ ನೋವಿನಿಂದ ಬಳಲುತ್ತಿರುವವರು ಸುಪ್ತ ಪಾದಾಂಗುಷ್ಠಾಸನ ಮಾಡಬೇಕು. ಈ ಆಸನ ಮಾಡಿದರೆ ಅಸ್ವಸ್ಥತೆ ಕಡಿಮೆ ಆಗುತ್ತದೆ. ನೋವಿನ ಸಮಸ್ಯೆ ಕಡಿಮೆ ಆಗುತ್ತದೆ. ಈ ಯೋಗ ಭಂಗಿಗಳನ್ನು ದಿನವೂ ಮಾಡಿ. ಸಿಯಾಟಿಕಾ ಪರಿಹಾರವಾಗುತ್ತದೆ.