Mouth Freshener: ಬಾಯಿ ಮುಕ್ಕಳಿಸಿದ ನೀರನ್ನು ನಿಮ್ಮ ಮಕ್ಕಳು ನುಂಗುತ್ತಿದ್ದಾರಾ? ಈ ಬಗ್ಗೆ ತಜ್ಞರು ಹೇಳುವುದೇನು ಗೊತ್ತಾ?

ನಿಮ್ಮ ಮಕ್ಕಳು ಬಾಯಿ ಮುಕ್ಕಳಿಸಿದ (ಗಾರ್ಗ್) ನೀರನ್ನು ಕುಡಿಯುತ್ತಿದ್ದಾರಾ? ಬದಲಿಗೆ ನೀರು ಕುಡಿಯುವಾಗ ಬಾಯಿ ಮುಕ್ಕಳಿಸುತ್ತಿದ್ದೀರಾ? ಹಾಗಾದ್ರೆ ನೀವು ಈ ಬಗ್ಗೆ ಎಚ್ಚರದಿಂದ ಇರಬೇಕು. ಅವರಿಗೆ ಮೊದಲು ಈ ಅಭ್ಯಾಸವನ್ನು ಬಿಡಿಸಬೇಕು. ಇನ್ನೂಈ ಬಗ್ಗೆ ತಜ್ಞರು ಏನು ಹೇಳುತ್ತಾರೆ ಎಂದು ಕೇಳೋಣ ಬನ್ನಿ.

ತಜ್ಞರ ಪ್ರಕಾರ, ಕುಡಿಯುವ ನೀರಿನಿಂದ ಬಾಯಿ ಮುಕ್ಕಳಿಸುವುದರಿಂದ ಆರೋಗ್ಯಕ್ಕೆ ಯಾವುದೇ ಹಾನಿ ಆಗುವುದಿಲ್ಲ. ಹಲ್ಲುಜ್ಜುವಾಗ ನೀರು ಬಾಯಿಯಿಂದ ಹೊರಗೆ ಬರುವುದು ಸಹಜ. ಆದರೆ , ಕೆಲವೊಮ್ಮೆ ಬಹಳಷ್ಟು ಪೇಸ್ಟ್ ಮಗುವಿನ ಬಾಯಿಯಲ್ಲಿ ಉಳಿಯಬಹುದು. ಈ ವೇಳೆ ಬಾಯಿಯಲ್ಲಿ ಪೇಸ್ಟ್ನೊಂದಿಗೆ ನೀರು ಕುಡಿದರೆ ಅಥವಾ ಬಾಯಿ ಮುಕ್ಕಳಿಸಿದರೆ, ನೊರೆ ಒಳಗೆ ಹೋಗುತ್ತದೆ. ಆದರೆ, ಇದು ಆಕಸ್ಮಿಕವಲ್ಲ ಎಂದು ತಜ್ಞರು ಹೇಳಿದ್ದಾರೆ. ಕೆಲವೊಮ್ಮೆ ಗಾರ್ಗ್ ಮಾಡಿದ ನೀರಿನಲ್ಲಿ ಲಾಲಾರಸ ಸೇರುತ್ತದೆ. ಮಕ್ಕಳು ಈ ನೀರನ್ನು ನುಂಗುತ್ತಾರೆ.

ಈ ವಿಚಾರವನ್ನು ನಾವು ಲಘುವಾಗಿ ಪರಿಗಣಿಸಬಾರದು. ಏಕೆಂದರೆ, ಈ ಅಭ್ಯಾಸ ಅಪಾಯಕಾರಿ. ಮೌತ್ವಾಶ್ನಂತಹ ವಸ್ತುಗಳಿಂದ ಬಾಯಿ ತೊಳೆದ ನಂತರ ಸ್ವಿಶ್ ಮಾಡಬೇಕು. ಆದರೆ ಮಕ್ಕಳು ಮಾಡುವ ತಪ್ಪಾದ ಅಭ್ಯಾಸದಿಂದ ಮೌತ್ ವಾಶ್ ನುಂಗಿ ಅಪಾಯವನ್ನು ಎದುರಿಸುತ್ತಾರೆ. ಹಾಗಾಗಿ ಮಕ್ಕಳಿಗೆ ಬಾಯಿ ತೊಳೆಸುವಾಗ ಮೌತ್ ವಾಶ್ ಬಳಸದಿರುವುದು ಉತ್ತಮ.

ತಜ್ಞರ ಪ್ರಕಾರ, ಮಕ್ಕಳು ಮತ್ತು ವಯಸ್ಕರು ಹಲ್ಲುಜ್ಜಿದ ನಂತರ ಅಥವಾ ಮೌತ್ವಾಶ್ ಬಳಸಿದ ತಕ್ಷಣ ನೀರನ್ನು ಕುಡಿಯಬಾರದು. ಏಕೆಂದರೆ ಅವುಗಳು ಹೆಚ್ಚಿನ ಪ್ರಮಾಣದಲ್ಲಿ ಆಲ್ಕೋಹಾಲ್ ಮತ್ತು ಇತರ ರಾಸಾಯನಿಕಗಳನ್ನು ಹೊಂದಿರುತ್ತವೆ. ತಕ್ಷಣ ನೀರು ಕುಡಿದರೆ, ಆ ರಾಸಾಯನಿಕಗಳು ಹೊಟ್ಟೆಯಲ್ಲಿರುವ ಸೂಕ್ಷ್ಮ ಅಂಗಗಳ ಮೇಲೆ ಪರಿಣಾಮ ಬೀರುತ್ತವೆ. ಆದ್ದರಿಂದ, ಹಲ್ಲುಜ್ಜಿದ ನಂತರ, ನೀರಿನಿಂದ ಬಾಯಿಯನ್ನು ಚೆನ್ನಾಗಿ ತೊಳೆಯಿರಿ ಎಂದು ಹೇಳಲಾಗುತ್ತದೆ.

ಕೆಲವರಿಗೆ ಬಾಯಿಯಲ್ಲಿ ವಸಡಿನ ಕಾಯಿಲೆ ಮತ್ತು ಇತರ ಕಾಯಿಲೆಗಳಿರುತ್ತವೆ. ಅಂತಹವರು ತಾವು ಬಳಸಿದ ಗಾಜಿನಂತಹ ಪಾತ್ರೆಗಳನ್ನು ಇತರರಿಗೆ ನೀಡಬಾರದು. ಏಕೆಂದರೆ ಇತರರು ಬಳಸಿದರೆ ಅವರಿಗೂ ಆ ಕಾಯಿಲೆಗಳು ಬರಬಹುದು ಎಂದು ತಜ್ಞರು ಹೇಳುತ್ತಾರೆ.

ಯಾವುದೇ ಪದಾರ್ಥ ತಿಂದ ಬಳಿಕ ಬಾಯಿ ಮುಕ್ಕಳಿಸುವುದರಿಂದ ಬಾಯಲ್ಲಿ ಬ್ಯಾಕ್ಟೀರಿಯಾಗಳು ಹೆಚ್ಚು ಬೆಳೆಯುವುದಿಲ್ಲ. ಹಲ್ಲುಗಳು ಆರೋಗ್ಯಕರವಾಗಿರುತ್ತವೆ. ಒಂದು ವೇಳೆ ಬಾಯಿ ಮುಕ್ಕಳಿಸದೇ ಇದ್ದರೆ, ಸುಮಾರು 650 ಬಗೆಯ ಬ್ಯಾಕ್ಟೀರಿಯಾಗಳು 2 ಸಾವಿರ ಕೋಟಿಯಷ್ಟು ಬೆಳೆಯುವ ಅಪಾಯವಿದೆ ಎಂದು ತಿಳಿಸಿದ್ದಾರೆ.

(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)