Sleeping Habit: ನಿಮ್ಮ ಕಾಲುಗಳ ಮಧ್ಯೆ ದಿಂಬು ಇಟ್ಟುಕೊಂಡು ಮಲಗುತ್ತೀರಾ? ಇದರಿಂದ ಏನೆಲ್ಲಾ ಆಗುತ್ತೆ ಗೊತ್ತಾ?

ದಿಂಬು ಇಲ್ಲದೇ ಅನೇಕ ಮಂದಿಗೆ ನಿದ್ರೆನೇ ಬರುವುದಿಲ್ಲ. ಹಾಗಾಗಿ ದಿಂಬು ಇಲ್ಲದೇ ಮಲಗಲು ಯಾರಿಗೂ ನಿದ್ರೆ ಮಾಡಲು ಇಷ್ಟವಾಗುವುದಿಲ್ಲ. ಬೆಳಗ್ಗೆ ಎಲ್ಲಾ ಕೆಲಸ ಮಾಡಿ ರಾತ್ರಿ ದಣಿದಿರುವ ದೇಹಕ್ಕೆ ದಿಂಬು ಅತ್ಯಗತ್ಯ. ಏಕೆಂದರೆ ಇದು ನಿಮಗೆ ಆರಾಮವಾಗಿ ಮಲಗಲು ಸಹಾಯವಾಗಿದೆ.

ಆದರೆ ದಿಂಬನ್ನು ಕಾಲುಗಳ ಮಧ್ಯೆ ಇಟ್ಟುಕೊಂಡು ಮಲಗುವುದು ಆರೋಗ್ಯಕ್ಕೆ ಒಳ್ಳೆಯದೋ ಅಥವಾ ಕೆಟ್ಟದ್ದೋ ಎಂಬ ಪ್ರಶ್ನೆ ಸಾಕಷ್ಟು ಮಂದಿಗಿದೆ. ಇನ್ನೂ ತಜ್ಞರ ಪ್ರಕಾರ ತೊಡೆಯ ನಡುವೆ ದಿಂಬನ್ನು ಇಟ್ಟುಕೊಂಡು ಮಲಗುವುದರಿಂದ ಅನೇಕ ಪ್ರಯೋಜನಗಳಿದೆ.

ಹೌದು, ಮೊಣಕಾಲಿನ ನಡುವೆ ದಿಂಬು ಇಟ್ಟುಕೊಂಡಿ ಮಲಗುವುದರಿಂದ ಬೆನ್ನುಮೂಳೆ ಮತ್ತು ಮೊಣಕಾಲಿನ ಮೂಳೆಯ ನಡುವಿನ ಒತ್ತಡವನ್ನು ಸಾಮಾನ್ಯಗೊಳಿಸುತ್ತದೆ. ಪರಿಣಾಮವಾಗಿ, ಈ ಅಭ್ಯಾಸವು ಮೊಣಕಾಲು ನೋವನ್ನು ಸಹ ನಿವಾರಿಸುತ್ತದೆ.

ತಲೆದಿಂಬನ್ನು ಕಾಲುಗಳ ಮಧ್ಯೆ ಇಟ್ಟುಕೊಂಡು ಮಲಗುವವರು ತಮ್ಮ ಬಲಭಾಗ ಅಥವಾ ಎಡಭಾಗಕ್ಕೆ ತಿರುಗಿ ಮಲಗುತ್ತಾರೆ. ಇದರಿಂದ ಗೊರಕೆಯ ಸಮಸ್ಯೆ ಪರಿಹಾರವಾಗುತ್ತದೆ. ಗೊರಕೆ ಹೊಡೆಯುವ ಅಭ್ಯಾಸವಿರುವವರು ಗಾಢವಾದ ನಿದ್ರೆಯ ಪರಿಣಾಮವಾಗಿ ಗೊರಕೆ ಹೊಡೆಯುತ್ತಾರೆ. ಹಾಗಾಗಿ ಅಂತಹವರು ದಿಂಬನ್ನು ಕಾಲುಗಳ ಮಧ್ಯೆ ಇಟ್ಟುಕೊಂಡು ಮಲಗಬಹುದು.

ಕಾಲುಗಳ ನಡುವೆ ದಿಂಬು ಇಟ್ಟುಕೊಂಡು ಮಲಗುವುದರಿಂದ ಕಾಲುಗಳು ಮತ್ತು ಮೊಣಕಾಲಿನ ನೋವಿದ್ದರೆ ಕಡಿಮೆ ಆಗುತ್ತದೆ. ಅಲ್ಲದೇ ಇದರಿಂದ ದೇಹದಲ್ಲಿ ರಕ್ತ ಸಂಚಾರ ಸರಾಗವಾಗಿ ನಡೆಯುತ್ತದೆ ಎಂದು ಸಂಶೋಧಕರು ಹೇಳುತ್ತಾರೆ. ಹಾಗಾಗಿ ಮೊಣಕೈ ಮೇಲೆ ಮಲಗಲು ಇಷ್ಟಪಡುವವರು ದಿಂಬನ್ನು ಎರಡು ಮೊಣಕಾಲುಗಳ ಮಧ್ಯೆ ಇಟ್ಟುಕೊಂಡು ಮಲಗಬೇಕು. ಇದು ತಲೆಬುರುಡೆಯಿಂದ ಪಾದದವರೆಗಿನ ಎತ್ತರವನ್ನು ಕಡಿಮೆ ಮಾಡುತ್ತದೆ ಮತ್ತು ರಕ್ತದ ಹರಿವನ್ನು ತಡೆಯುತ್ತದೆ.

ಕೆಳಗಿನ ಬೆನ್ನುನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹಾಗಾಗಿ ಕಾಲುಗಳ ಮಧ್ಯೆ ದಿಂಬು ಇಟ್ಟುಕೊಂಡು ಮಲಗುವುದು ಆರೋಗ್ಯಕ್ಕೆ ಒಳ್ಳೆಯದು.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)