Sleeping Position: ನಿಮ್ಮ ಆರೋಗ್ಯ ಚೆನ್ನಾಗಿ ಇರಬೇಕು ಅಂದ್ರೆ ಹೀಗೆ ಮಲ್ಕೋಬೇಕು

ಮನುಷ್ಯನು ದಿನಕ್ಕೆ 7 ರಿಂದ 8 ಗಂಟೆಗಳ ನಿದ್ರೆ ಮಾಡುವುದು ಆರೋಗ್ಯಕರವೆಂದು ಪರಿಗಣಿಸಲಾಗುತ್ತದೆ. ಬ್ಯುಸಿ ಜೀವನದಲ್ಲಿ ಅದೆಷ್ಟೋ ಜನರಿಗೆ ಈ ರೀತಿಯಾದ ಜೀವನ ಶೈಲಿಯನ್ನು ಪಾಲಿಸಲು ಅಸಾಧ್ಯ. ಹೀಗಾಗಿ ಆದಷ್ಟು ನೀವು ಇದನ್ನು ಸರಿಪಡಿಸಿಕೊಳ್ಳಿ. ಕೆಟ್ಟ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚಾಗಿರುತ್ತದೆ.

ದಿನವಿಡೀ  ಕೆಲಸವನ್ನು ಮಾಡಿ  ಸುಸ್ತಾಗಿ ಮನೆಗೆ ಮರಳಿದಾಗ ನೆಮ್ಮದಿಯಿಂದ ಎದ್ದಾಗಲೇ ನಮ್ಮ ದೇಮತ್ತು ಮನಸ್ಸು ಉಲ್ಲಾಸಗೊಳ್ಳುತ್ತದೆ. ವೈದ್ಯಕೀಯವಾಗಿ ಮಲಗಲು ಕೆಲವು ಟಿಪ್ಸ್​ಗಳು ಇವೆ.

ಕೆಲವರು ಹಾಸಿಗೆಯ ಮೇಲೆ ಮಲಗುತ್ತಾರೆ, ಕೆಲವರು ಹಾಗೆಯೇ  ಬೇಂಚ್​   ಮೇಲೆ ಯೇ ಮಲಗುತ್ತಾರೆ . ಕಛೇರಿಯಲ್ಲಿ ಮತ್ತು ಸಂಚಾರದಲ್ಲಿರುವವರು ನಿದ್ದೆ ಬಂದರೆ ಕುಳಿತುಕೊಂಡು ಮಲಗುತ್ತಾರೆ. ಕೆಲವರು ನಿಂತುಕೊಂಡು ಮಲಗಬಹುದೇನೋ .

ಆದಾಗ್ಯೂ, ನಾವು ಮಲಗುವ ಭಂಗಿಯನ್ನು ಅವಲಂಬಿಸಿ, ನಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು ಎಂದು ವೈದ್ಯಕೀಯ ತಜ್ಞರು ಎಚ್ಚರಿಸಿದ್ದಾರೆ. ಆದ್ದರಿಂದ, ನಾವು ಮಲಗುವ ಭಂಗಿಗೆ ಅನುಗುಣವಾಗಿ ದೇಹದಲ್ಲಿ ಬದಲಾವಣೆಗಳು ಆಗುತ್ತದೆ.

ಒಂದು ಬದಿಯಲ್ಲಿ ಮಲಗುವುದು : ವೈದ್ಯಕೀಯ ತಜ್ಞರ ಪ್ರಕಾರ ಒಂದು ಬದಿಯಲ್ಲಿ ಮಲಗುವುದು ಅತ್ಯುತ್ತಮ ಎಂದು ಹೇಳುತ್ತಾರೆ. ಹೀಗೆ ಮಲಗುವುದರಿಂದ ಗೊರಕೆಯ ಸಮಸ್ಯೆ ನಿವಾರಣೆಯಾಗುತ್ತದೆ. ನಿದ್ರೆಯ ಗುಣಮಟ್ಟವನ್ನು ಸುಧಾರಿಸುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಸೈಡ್ ಸ್ಲೀಪರ್‌ಗಳಲ್ಲಿ, ಎಡಭಾಗದಲ್ಲಿ ಮಲಗುವುದು ಹೆಚ್ಚು ಪ್ರಯೋಜನಕಾರಿ. ಏಕೆಂದರೆ ನಾವು ಹೀಗೆ ಮಲಗಿದಾಗ ಜೀರ್ಣಕ್ರಿಯೆಗೆ ಬೇಕಾದ ಆಮ್ಲವು ನಮ್ಮ ಆಹಾರ ಪೈಪ್‌ಗೆ ತಲುಪುವುದಿಲ್ಲ. ಅದೇ ರೀತಿ ಗರ್ಭಿಣಿಯರು ಎಡಭಾಗದಲ್ಲಿ ಮಲಗಿದರೆ ಮಕ್ಕಳ ಆರೋಗ್ಯಕ್ಕೆ ಒಳ್ಳೆಯದಾಗುತ್ತದೆ.

ಹೊಟ್ಟೆಯ ಮೇಲೆ ಮಲಗುವುದು:  ದಣಿದ ಯಾವುದೇ ವ್ಯಕ್ತಿಯು  ಒಮ್ಮೆಗೆ  ಬಂದು ಹೀಗೆ ಮಲಗುತ್ತಾನೆ.  ಆದರೆ ಜಾಸ್ತಿ ಹೊತ್ತು ಹೀಗೆ ಮಲಗುವುದು ಸೂಕ್ತವಲ್ಲ. ಬೆನ್ನಿನ ಮೇಲೆ ಮಲಗುವುದರಿಂದ ದೇಹದೊಳಗೆ ಗಾಳಿಯ ಹರಿವು ಕಡಿಮೆಯಾಗುತ್ತದೆ. ವಿಶ್ರಾಂತಿಗಾಗಿ ಹೊಟ್ಟೆ ಕೆಳಭಾಗ ಮಾಡಿ ಮಲಗಬಾರದು.

ಬೆನ್ನಿನ ಮೇಲೆ ಮಲಗುವುದು : ಬೆನ್ನಿನ ಮೇಲೆ ಮಲಗುವುದರಲ್ಲಿ ಯಾವುದೇ ತಪ್ಪಿಲ್ಲ, ಅಂದರೆ ಚಪ್ಪಟೆಯಾಗಿ ಮಲಗುವುದು. ಆದರೆ, ನಿಮ್ಮ ಬೆನ್ನನ್ನು ನೇರವಾಗಿ ಇರಿಸಿಕೊಳ್ಳಲು ಸಾಕಷ್ಟು ದೊಡ್ಡ ಹಾಸಿಗೆಗಳನ್ನು ನೀವು ಬಳಸಬೇಕು. ಆದಾಗ್ಯೂ, ಗೊರಕೆ ಅಥವಾ ನಿದ್ರಾಹೀನತೆಯಿಂದ ಬಳಲುತ್ತಿರುವ ಜನರು ಈ ಸ್ಥಾನವನ್ನು ತಪ್ಪಿಸಬೇಕು.

ಮಗುವಿನಂತೆ  ಮಲಗುವುದು:  ಮಹಿಳೆಯರು ಹೀಗೆ ಸುರುಳಿಯಾಗಿ ಮಲಗಲು ಬಯಸುತ್ತಾರೆ. ಯುವಕರು ಹೀಗೆ ಮಲಗಿದರೆ ತೊಂದರೆ ಇಲ್ಲ. ಆದರೆ, ದೊಡ್ಡವರು ಹೀಗೆ ಮಲಗಿದರೆ ನರಗಳಲ್ಲಿ ರಕ್ತ ಸಂಚಾರ ಸ್ಥಗಿತಗೊಂಡು ಕೈಕಾಲು ಮರಗಟ್ಟಬಹುದು. ಆದ್ದರಿಂದ, ಕೈ, ಕಾಲು ಮತ್ತು ಮಣಿಕಟ್ಟುಗಳಂತಹ ಭಾಗಗಳನ್ನು ಬಿಗಿಯಾಗಿ ಇಡಬಾರದು.