Jackfruit Benefits: ಹಲಸಿನ ಹಣ್ಣಿನಿಂದ ಆಗುವ ಪ್ರಯೋಜನಗಳನ್ನು ಕೇಳ್ತಾ ಇದ್ರೆ, ಈಗ್ಲೇ ಪಕ್ಕಾ ತಿನ್ನೋಕೆ ಸ್ಟಾರ್ಟ್​ ಮಾಡ್ತೀರ!

ಹಲಸಿನ ಹಣ್ಣು ಅಂದ್ರೆ ಅದೆಷ್ಟೋ ಜನರಿಗೆ ಪಂಚ ಪ್ರಾಣ. ಮನೆ ಕಡೆ ಇರುವವರು ಸಾಕಷ್ಟು ಪ್ರಮಾಣದಲ್ಲಿ ಈ ಹಲಸಿನ ಹಣ್ಣನ್ನ ತಿಂತಾರೆ. ನಗರ ಪ್ರದೇಶದಲ್ಲಿ ಇರುವವರು ಹಣವನ್ನು ಕೊಟ್ಟು ಈ ಹಣ್ಣನ್ನ ತಿನ್ನುವುದು ಉಂಟು. ಒಟ್ಟಿನಲ್ಲಿ ಹಲಸಿನ ಹಣ್ಣನ್ನು ಸಾಮಾನ್ಯವಾಗಿ ಎಲ್ಲರೂ ತಿಂದಿರ್ತಾರೆ. ಹಾಗಾದ್ರೆ ಇದರಿಂದ ಏನೆಲ್ಲಾ ಪ್ರಯೋಜನಗಳಿದೆ ತಿಳಿಯೋಣ ಬನ್ನಿ.

ಇದರ ಗಮಗಮ ಸುವಾಸನೆಗೆ ಮಾರು ಹೋದವರಿಲ್ಲ. ಹಣ್ಣಿನ ಸಾರದಲ್ಲಿ ರೋಗನಿರೋಧಕ ಶಕ್ತಿಯು ಹೆಚ್ಚಾಗಿದೆ. ಹೀಗಾಗಿ ಜ್ವರ, ಶೀತ ಮತ್ತು ಕೆಮ್ಮು ಬರೆದಂತೆ ತಡೆಯಲು ಈ ಹಲಸಿನ ಹಣ್ಣು ತುಂಬಾ ಮುಖ್ಯ ಪಾತ್ರವನ್ನು ವಹಿಸುತ್ತದೆ.

ನಿಮಗೆ ಗೊತ್ತಾ ಅಸ್ತಮಾ ಕೂಡ ನಿವಾರಣೆ ಮಾಡುವ ಶಕ್ತಿಯನ್ನು ಹೊಂದಿದೆಯಂತೆ ಈ ಹಲಸಿನ ಹಣ್ಣು. ಧೂಳು ಅಥವಾ ಶೀತ ಪ್ರದೇಶಗಳಿಗೆ ಹೋದಾಗ ಅದಿಷ್ಟೋ ಜನರಿಗೆ ಉಸಿರು ಕಟ್ಟುವ ಹಾಗೆ ಅನೇಕ ಜನರಿಗೆ ಆಗುತ್ತೆ. ಈ ಹಣ್ಣು ಅಲರ್ಜಿಗಳಂತ ವೈರಸ್ ಅನ್ನು ತೆಗೆದುಹಾಕುವ ಶಕ್ತಿಯನ್ನು ಹೊಂದಿದೆ ಎಂದು ವೈದ್ಯರು ಹೇಳುತ್ತಾರೆ.

ನೀವು ಬ್ಯೂಟಿ ಪಾರ್ಲರ್ ಮತ್ತು ಸಲೂನ್ ಗಳಿಗೆ ಹೆಚ್ಚು ದುಡ್ಡನ್ನ ಸುರಿಯುತ್ತಿದ್ರೆ ಇನ್ನು ಮುಂದೆ ಕಮ್ಮಿ ಮಾಡಿ. ಯಾಕಂದ್ರೆ ಹಲಸಿನ ಹಣ್ಣನ್ನ ತಿನ್ನುವುದರಿಂದ ಕಾಲಜನ್ ಉತ್ಪಾದನೆಯನ್ನು ನಮ್ಮ ದೇಹದಲ್ಲಿ ಹೆಚ್ಚು ಮಾಡುತ್ತದೆ. ಇದರಿಂದ ನಮ್ಮ ಮುಖದಲ್ಲಿ ಸುಕ್ಕು ಕಟ್ಟುವುದು ಕಡಿಮೆಯಾಗಿ ಮುಖದ ಚರ್ಮವು ಹೊಳೆಯುತ್ತದೆ.

ನಿಮ್ಮ ರಕ್ತದಲ್ಲಿ ಹಿಮೋಗ್ಲೋಬಿನ್ ಅಂಶ ಕಡಿಮೆ ಇದ್ರೆ, ಹಣ್ಣನ್ನು ತಿನ್ನುವುದರ ಮೂಲಕ ಮಟ್ಟವನ್ನ ಹೆಚ್ಚಿಸಿಕೊಳ್ಳಬಹುದು. ಹಲಸಿನ ನಿನ್ನಲ್ಲಿ ಹೇರಳವಾಗಿ ಕಬ್ಬಿಣಾಂಶ ಇರುತ್ತೆ.

ಇತ್ತೀಚಿಗಿನ ಕಾಲದಲ್ಲಿ ಥೈರಾಯ್ಡ್ ಸಮಸ್ಯೆ ಸಾಮಾನ್ಯವಾಗಿದೆ. ಹಲಸಿನ ಹಣ್ಣಿನಲ್ಲಿ ತಾಮ್ರದ ಅಂಶ ಹೇರಳವಾಗಿದೆ. ಹೀಗಾಗಿ ಥೈರಾಯಿಡ್ ನಂತಹ ರೋಗಗಳಿಂದ ಮುಕ್ತಿ ಹೊಂದಲು ಈ ಹಣ್ಣನ್ನು ತಿನ್ನಬಹುದು. ವೈದ್ಯರು ಕೂಡ ಇದನ್ನು ಸಲಹೆ ಮಾಡ್ತಾರೆ.

ಹಲಸಿನ ಹಣ್ಣಿನಲ್ಲಿ ವಿಟಮಿನ್ ಎ ಅಂಶ ಹೇರಳವಾಗಿದೆ. ಹೀಗಾಗಿ ಕಣ್ಣಿನ ಸುಧಾರಣೆಯು ಕೂಡ ವೃದ್ಧಿ ಆಗುತ್ತೆ. ಇರುಳು ಕುರುಡು ನಂತಹ ರೋಗಗಳು ಇದ್ರೆ ಹಲಸಿನ ಹಣ್ಣನ್ನ ತಿನ್ನಬಹುದು.

ಪೊಟ್ಯಾಶಿಯಂ ಅಂಶ ಹಲಸಿನ ಹಣ್ಣಿನಲ್ಲಿ ಇರುವುದರಿಂದ ನಮ್ಮ ಹೃದಯದ ಆರೋಗ್ಯವೂ ಕೂಡ ಕಾಪಾಡುತ್ತೆ. ಆಗಾಗ ಎದೆ ನೋವು ಬರುವುದು, ಹಾರ್ಟ್ ಅಟ್ಯಾಕ್ ನಂತಹ ಡೇಂಜರ್ ನಿಂದ ಪಾರಾಗಬೇಕಂದ್ರೆ ಹಲಸಿನ ಹಣ್ಣನ್ನ ಸೇವಿಸಿ.