Medicine: ಕ್ಯಾಪ್ಸುಲ್​ ತಯಾರಾಗೋದು ಹೇಗೆ? ದೇಹ ಸೇರೋ ಪ್ಲಾಸ್ಟಿಕ್​ನಂತಹ ಕವರ್ ಏನಾಗುತ್ತೆ?

ನೀವು ಅಥವಾ ನಿಮ್ಮ ಕುಟುಂಬದ ಸದಸ್ಯರು ಅನಾರೋಗ್ಯದಿಂದ ಬಳಲುತ್ತಿದ್ದರೆ, ನೀವು ವೈದ್ಯರ ಬಳಿಗೆ ಹೋಗುತ್ತೀರಿ. ವೈದ್ಯರು ರೋಗ ಪತ್ತೆ ಹಚ್ಚಿ ಅದರ ನಿವಾರಣೆಗೆ ಮಾತ್ರೆಗಳು, ಕ್ಯಾಪ್ಸುಲ್‌ಗಳು, ಚುಚ್ಚುಮದ್ದು ಅಥವಾ ಸಿರಪ್‌ಗಳನ್ನು ನೀಡುವ ಮೂಲಕ ಚಿಕಿತ್ಸೆಯನ್ನು ಸೂಚಿಸುತ್ತಾರೆ. ಆದರೆ ಇಂತಹ ಈ ಕ್ಯಾಪ್ಸುಲ್​ಗಳನ್ನು ನೋಡಿದಾಗ ಅವುಗಳ ಕವರ್ ಪ್ಲಾಸ್ಟಿಕ್​ನಿಂದ ಮಾಡಿರುವಂತೆ ಕಂಡು ಬರುತ್ತದೆ. ಕೆಲವಂತೂ ರಬ್ಬರ್​ನಿಂದ ತಯಾರಿಸಿದಂತೆ ಕಾಣುತ್ತವೆ.

ಆದರೆ ಎಂದಾದರೂ ಈ ಕ್ಯಾಪ್ಸುಲ್ ಕವರ್‌ಗಳು ಯಾವುದರಿಂದ ಮಾಡಿರುತ್ತಾರೆ ಎಂಬ ಪ್ರಶ್ನೆ ನಿಮ್ಮ ಮನಸ್ಸಿಗೆ ಹೊಒಳೆದಿದೆಯಾ? ಈ ಕವರ್ ದೇಹವನ್ನು ಪ್ರವೇಶಿಸಿದಾಗ ಏನಾಗುತ್ತದೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಈ ಪ್ರಶ್ನೆಗಳು ನಿಮ್ಮ ಮನಸ್ಸಿನಲ್ಲಿ ಬಂದಿದ್ದರೆ, ನಾವು ಅವುಗಳಿಗೆ ಉತ್ತರವನ್ನು ನೀಡುತ್ತೇವೆ.

ಕೆಲವು ವರ್ಷಗಳ ಹಿಂದೆ, ಲೋಕಸಭಾ ಸದಸ್ಯೆ ಮತ್ತು ಬಿಜೆಪಿ ನಾಯಕಿ ಮನೇಕಾ ಗಾಂಧಿ ಅವರು ಕ್ಯಾಪ್ಸುಲ್‌ನ ಕವರ್ ಕೆಲವು ಸಮುದಾಯಗಳಿಗೆ ಸೇರಿದ ಜನರ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುತ್ತದೆ ಎಂದು ಹೇಳಿದ್ದರು. ಈ ಸಂದರ್ಭದಲ್ಲಿ, ಕ್ಯಾಪ್ಸುಲ್‌ನ ಕವರ್ ಅನ್ನು ಮರಗಳು ಮತ್ತು ಸಸ್ಯಗಳ ತೊಗಟೆಯಿಂದ ತಯಾರಿಸಬೇಕೆಂದು ಅವರು ಹೇಳಿದ್ದರು.

ಹಾಗಾದರೆ, ಎಲ್ಲಕ್ಕಿಂತ ಮೊದಲು ಕ್ಯಾಪ್ಸುಲ್ ಕವರ್ ಯಾವುದರಿಂದ ತಯಾರಿಸಲಾಗುತ್ತದೆ? ಅದನ್ನು ತಿನ್ನುವ ಮೂಲಕ ಇನ್ನೊಬ್ಬರ ಧಾರ್ಮಿಕ ಭಾವನೆಗಳಿಗೆ ನೋವುಂಟು ಮಾಡಿದಂತಾಗುತ್ತಾ? ಇಲ್ಲಿದೆ ನೋಡಿ ಉತ್ತರ.

ಔಷಧವಾಗಿ ಬಳಸುವ ಕ್ಯಾಪ್ಸುಲ್‌ನ ಕವರ್ ಬಯೋ ಡಿಗ್ರೆಡೇಬಲ್​ ಪ್ಲಾಸ್ಟಿಕ್‌ನಿಂದ ಮಾಡಲಾಗುತ್ತದೆ. ಈ ಕವರ್‌ಗಳು ಎರಡು ವಿಧಗಳಿಂದ ಕೂಡಿರುತ್ತವೆ. ಮೊದಲನೆಯದ್ದು ಗಟ್ಟಿಯಾದ ಶೆಲ್ ಮತ್ತು ಎರಡನೆಯದ್ದು ಮೃದುವಾದ ಶೆಲ್. ಎರಡೂ ರೀತಿಯ ಕ್ಯಾಪ್ಸುಲ್ ಕವರ್‌ಗಳನ್ನು ಜೈವಿಕ ವಿಘಟನೀಯ ವಸ್ತುಗಳಿಂದ ಮಾತ್ರ ತಯಾರಿಸಲಾಗುತ್ತದೆ. ಎರಡೂ ರೀತಿಯ ಕ್ಯಾಪ್ಸುಲ್ ಕವರ್‌ಗಳನ್ನು ಪ್ರಾಣಿ ಅಥವಾ ಸಸ್ಯಗಳ ಪ್ರೋಟೀನ್‌ಗಳಂತಹ ದ್ರವ ದ್ರಾವಣಗಳಿಂದ ತಯಾರಿಸಲಾಗುತ್ತದೆ.

ಪ್ರಾಣಿ ಪ್ರೋಟೀನ್‌ನಿಂದ ಕವರ್‌ಗಳನ್ನು ತಯಾರಿಸಿದ ಕ್ಯಾಪ್ಸುಲ್‌ಗಳ ವಸ್ತುವನ್ನು ಜೆಲಾಟಿನ್ ಎಂದು ಕರೆಯಲಾಗುತ್ತದೆ. ಕೋಳಿ, ಮೀನು, ಹಂದಿ ಮತ್ತು ಹಸು ಮತ್ತು ಇತರ ಪ್ರಾಣಿಗಳ ಮೂಳೆಗಳು ಮತ್ತು ಚರ್ಮವನ್ನು ಕುದಿಸಿ ಇದನ್ನು ತಯಾರಿಸಲಾಗುತ್ತದೆ.

ಕೆಲವು ಕ್ಯಾಪ್ಸುಲ್‌ಗಳ ಕವರ್ ಅನ್ನು ಸಸ್ಯಗಳಲ್ಲಿ ಕಂಡುಬರುವ ಪ್ರೋಟೀನ್‌ಗಳಿಂದ ತಯಾರಿಸಲಾಗುತ್ತದೆ. ಈ ಪ್ರೋಟೀನ್ ಅನ್ನು ಸಸ್ಯಗಳ ತೊಗಟೆಯಿಂದ ಹೊರತೆಗೆಯಲಾಗುತ್ತದೆ. ಕ್ಯಾಪ್ಸುಲ್​ನ ಕವರ್ ಮಾಡಲು, ಈ ಪ್ರೋಟೀನ್ ಅನ್ನು ಸೆಲ್ಯುಲೋಸ್ ಜಾತಿಯ ಮರಗಳಿಂದ ಬಳಸಲಾಗುತ್ತದೆ. ಆದರೆ, ಜೆಲಾಟಿನ್ ಅನ್ನು ಕಾಲಜನ್ ನಿಂದ ತಯಾರಿಸಲಾಗುತ್ತದೆ. ಇದು ಮೂಳೆಗಳು, ಕಾರ್ಟಿಲೆಜ್ ಮತ್ತು ಪ್ರಾಣಿಗಳ ಸ್ನಾಯು ರಜ್ಜುಗಳಂತಹ ನಾರಿನ ವಸ್ತುಗಳಲ್ಲಿ ಕಂಡುಬರುತ್ತದೆ.

ಜೆಲಾಟಿನ್ ಅನ್ನು ಜೆಲ್ಲಿ ತಯಾರಿಕೆಯಲ್ಲಿಯೂ ಬಳಸಲಾಗುತ್ತದೆ. ಹೆಚ್ಚಿನ ಫಾರ್ಮಾ ಕಂಪನಿಗಳು ಪ್ರಾಣಿ ಉತ್ಪನ್ನಗಳಿಂದ ತಯಾರಿಸಿದ ಜೆಲಾಟಿನ್ ಮುಚ್ಚಿದ ಕ್ಯಾಪ್ಸುಲ್ಗಳನ್ನು ಮಾರಾಟ ಮಾಡುತ್ತವೆ ಎಂದು ಅನೇಕ ಆರೋಗ್ಯ ಸಂಶೋಧನೆಗಳಲ್ಲಿ ಹೇಳಲಾಗಿದೆ. ಅದಕ್ಕಾಗಿಯೇ ಎನಿಮಲ್ ಆಕ್ಟಿವಿಸ್ಟ್​ ಮೇನಕಾ ಗಾಂಧಿ ಅವರು ಮರಗಳು ಮತ್ತು ಸಸ್ಯಗಳ ತೊಗಟೆಯಿಂದ ಪಡೆದ ಸೆಲ್ಯುಲೋಸ್‌ನಿಂದ ಮಾಡಿದ ಕವರ್​ನ್ನು ಬಳಸಲು ಸಲಹೆ ನೀಡಿದರು.

ಕ್ಯಾಪ್ಸುಲ್‌ಗಳ ಕವರ್‌ಗಳು ಜೆಲಾಟಿನ್ ಮತ್ತು ಸೆಲ್ಯುಲೋಸ್‌ನಿಂದ ತಯಾರಿಸಲಾಗುತ್ತದೆ ಆದರೆ ದೇಹ ಸೇರಿದ ಬಳಿಕ ಇದೇ ನಾಗುತ್ತದೆ ಎಂಬ ಪ್ರಶ್ನೆ ಕಾಡುವುದು ಸಹಜ. ಕ್ಯಾಪ್ಸುಲ್​ ನುಂಗಿದ ಬಳಿಕ ದೇಹ ಸೇರುವ ಇದು ಕರಗುತ್ತದೆ ಮತ್ತು ಔಷಧವು ತನ್ನ ಕೆಲಸವನ್ನು ಪ್ರಾರಂಭಿಸುತ್ತದೆ. ಕವರ್‌ನಿಂದ ದೇಹ ಸೇರುವ ಪ್ರೋಟೀನ್ ನಮ್ಮ ದೇಹವನ್ನು ಪೋಷಿಸುತ್ತದೆ. ಇದು ನಮ್ಮ ದೇಹಕ್ಕೆ ಮತ್ತಷ್ಟು ಬಲ ತುಂಬುತ್ತದೆ.

ಇತ್ತೀಚಿನ ದಿನಗಳಲ್ಲಿ ಕ್ಯಾಪ್ಸುಲ್‌ಗಳನ್ನು ತಯಾರಿಸಲು ಜೆಲಾಟಿನ್ ಮತ್ತು ಸೆಲ್ಯುಲೋಸ್ ಕವರ್‌ಗಳನ್ನು ಮಾತ್ರ ಬಳಸಲಾಗುತ್ತದೆ. ಈ ಕವರ್‌ನಲ್ಲಿ ಔಷಧ ತುಂಬಿಸಲಾಗುತ್ತದೆ. ಕ್ಯಾಪ್ಸುಲ್ ಕವರ್‌ಗಳು ಎರಡು ವಿಭಿನ್ನ ಬಣ್ಣಗಳನ್ನು ಏಕೆ ಹೊಂದಿವೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಕ್ಯಾಪ್ಸುಲ್ನ ಒಂದು ಭಾಗವು ಕ್ಯಾಪ್ ಮತ್ತು ಇನ್ನೊಂದು ಭಾಗವು ಕಂಟೇನರ್ ಆಗಿ ಕಾರ್ಯನಿರ್ವಹಿಸುತ್ತದೆ.

ಕ್ಯಾಪ್ಸುಲ್ನ ಕಂಟೇನರ್ ಭಾಗದಲ್ಲಿ ಔಷಧವನ್ನು ತುಂಬಿಸಲಾಗುತ್ತದೆ. ಇದರಲ್ಲಿ ಕ್ಯಾಪ್ಸುಲ್ ಅನ್ನು ಕ್ಯಾಪ್ ಭಾಗದಿಂದ ಮುಚ್ಚಲಾಗುತ್ತದೆ. ಕ್ಯಾಪ್ಸುಲ್‌ಗಳನ್ನು ತಯಾರಿಸುವಾಗ ಸಿಬ್ಬಂದಿಯಿಂದ ಯಾವುದೇ ತಪ್ಪಾಗಬಾರದೆಂದು ಕ್ಯಾಪ್ ಮತ್ತು ಕಂಟೇನರ್‌ನ ಬಣ್ಣವು ವಿಭಿನ್ನವಾಗಿರುತ್ತದೆ.