Weight Loss: ನಿಮ್ಮ ಲೈಫ್​ಸ್ಟೈಲ್ ಹೀಗಿದ್ರೆ ಸಾಕು 4 ತಿಂಗಳಲ್ಲಿ ತೆಳ್ಳಗಾಗ್ತೀರಿ!

ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬರೂ ಕೂಡ ಸ್ಲಿಮ್ ಆ್ಯಂಡ್ ಫಿಟ್ ಆಗಿರಲು ಬಯಸುತ್ತಾರೆ. ಇದಕ್ಕಾಗಿ ಡಯಟ್ ನಿಂದ ಹಿಡಿದು ವ್ಯಾಯಾಮದವರೆಗೆ ಎಲ್ಲ ರೀತಿಯೂ ಪ್ರಯತ್ನ ಮಾಡುತ್ತಾರೆ. ಆದರೆ ಅದೇಷ್ಟೋ ಮಂದಿಗೆ ಇದನ್ನು ಮಾಡಲು ಸಾಧ್ಯವಾಗುವುದಿಲ್ಲ.

ತಡರಾತ್ರಿವರೆಗೂ ಕೆಲಸ ಮಾಡಿ ಬೆಳಗ್ಗೆ ತಡವಾಗಿ ಏಳುವುದು, ಹಲವು ಬಾರಿ ಗಂಟೆಗಟ್ಟಲೆ ಕುಳಿತು ಕೆಲಸ ಮಾಡುವುದರಿಂದ ದಿನಚರಿಗೆ ತೊಂದರೆಯಾಗುತ್ತದೆ. ಇದರ ಪರಿಣಾಮವಾಗಿ ತೂಕ ಹೆಚ್ಚಾಗುತ್ತಾರೆ. ಕೆಲಸದಿಂದಾಗಿ ನಿಮಗೆ ವ್ಯಾಯಾಮ ಮಾಡಲು ಸಾಧ್ಯವಾಗದಿದ್ದರೆ, ಈ ಅಭ್ಯಾಸಗಳನ್ನು ರೂಢಿ ಮಾಡಿಕೊಳ್ಳಿ. ನಂತರ ಒಂದು ತಿಂಗಳಿನೊಳಗೆ ತೂಕ ನಷ್ಟ ಹೊಂದುತ್ತೀರಾ.

ಒಂದು ತಿಂಗಳು ಈ ಅಭ್ಯಾಸ ಮಾಡಿ: ನಿಮ್ಮ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಬಯಸಿದರೆ, ಮೊದಲ ಒಂದು ತಿಂಗಳು ಈ ಗುರಿಯನ್ನು ಇಟ್ಟುಕೊಳ್ಳಿ. ಈ ಸಮಯದಲ್ಲಿ ಈ ಅಭ್ಯಾಸಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಿ.

ಲಿಫ್ಟ್ ಬಳಸಬೇಡಿ: ನಿಮ್ಮ ಕಚೇರಿ ನಾಲ್ಕನೇ ಅಥವಾ ಹತ್ತನೇ ಮಹಡಿಯಲ್ಲಿದ್ದರೆ, ಈ ವೇಳೆ ಲಿಫ್ಟ್ ಬಳಸಬೇಡಿ. ಒಂದು ತಿಂಗಳ ಕಾಲ ಮೆಟ್ಟಿನ ಮೂಲಕ ಹೋಗಿ. ಕಚೇರಿಯಿಂದ ಹೊರಡುವಾಗಲೂ ಮೆಟ್ಟಿಲನ್ನು ಬಳಸಿ. ಪ್ರತಿದಿನ ಹೀಗೆ ಮಾಡುವುದರಿಂದ ವ್ಯಾಯಾಮ ಮಾಡಿದಂತೆ ಆಗುತ್ತದೆ. ಇದರಿಂದ ನೀವು ವ್ಯಾಯಾಮ ಮಾಡುವ ಅಗತ್ಯ ಕೂಡ ಇಲ್ಲ.

ವಾಕಿಂಗ್ ಮಾಡುತ್ತಾ ಮಾತನಾಡುವುದು: ಗಂಟೆಗಟ್ಟಲೆ ನಿರಂತರವಾಗಿ ಕೆಲಸ ಮಾಡುವುದರಿಂದ ಸೊಂಟದ ಭಾಗದಲ್ಲಿ ಬೊಜ್ಜು ಹೆಚ್ಚಾಗುತ್ತದೆ. ಆದ್ದರಿಂದ ನಿಮಗೆ ಕರೆ ಬಂದಾಗಲೆಲ್ಲಾ, ನಡೆದುಕೊಂಡು ಮಾತನಾಡಿ. ನೀವು ಕಚೇರಿಯ ಯಾವುದೇ ಕಾರಿಡಾರ್ನಲ್ಲಿ ನಡೆದಾಡಿಕೊಂಡು ಮಾತನಾಡಬಹುದು. ಇದು ನಿಮಗೆ ಸ್ವಲ್ಪ ಶಕ್ತಿಯನ್ನು ನೀಡುತ್ತದೆ ಮತ್ತು ಸೊಂಟದ ಮೇಲೆ ಬೊಜ್ಜು ಬರುವುದನ್ನು ನಿಯಂಯತ್ರಿಸುತ್ತದೆ.

ಬೆಳಗಿನ ಉಪಾಹಾರವನ್ನು ಮಾಡಿ: ಬೆಳಗ್ಗೆ ಹೆಚ್ಚಾಗಿ ಉಪಹಾರವನ್ನು ಸೇವಿಸಿ, ಆದರೆ ಈ ಉಪಹಾರದಲ್ಲಿ ಆರೋಗ್ಯಕರ ಪದಾರ್ಥಗಳನ್ನು ಮಾತ್ರ ಸೇವಿಸಿ. ಹಣ್ಣುಗಳು, ಒಟ್ಸ್, ರಾಗಿಯಂತಹ ಪದಾರ್ಥ ತಿನ್ನಿ, ಇವೆಲ್ಲವೂ ದೀರ್ಘಕಾಲದವರೆಗೆ ಹೊಟ್ಟೆ ತುಂಬಿರಲು ಸಹಾಯ ಮಾಡುತ್ತದೆ.

ತಿಂಡಿ ತಿನ್ನಬೇಡಿ: ಊಟದ ಮೊದಲು ಮತ್ತು ಉಪಹಾರದ ನಂತರ ಯಾವುದೇ ರೀತಿಯ ಅನಾರೋಗ್ಯ ಕರ ತಿಂಡಿಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಿ. ಅದು ನಿಮ್ಮ ದೇಹದಲ್ಲಿ ಕೊಬ್ಬನ್ನು ಸಂಗ್ರಹಿಸಲು ಕೆಲಸ ಮಾಡುತ್ತದೆ.

ಪ್ರೋಟೀನ್ ಮತ್ತು ಫೈಬರ್ ಆಹಾರ: ಮಧ್ಯಾಹ್ನದ ಊಟದಲ್ಲಿ ಪ್ರೋಟೀನ್ ಭರಿತ ಪದಾರ್ಥಗಳನ್ನು ಸೇವಿಸಿ. ಇದು ನಿಮಗೆ ದೀರ್ಘಕಾಲ ಹಸಿವಿನಿಂದ ಇರಲು ಬಿಡುವುದಿಲ್ಲ. ಹೆಚ್ಚಿನ ಪುಮಾಣದ ಪ್ರೋಟೀನ್ ಸೇವನೆಯು ಕ್ಯಾಲೊರಿಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಸಂಶೋಧನೆಯಲ್ಲಿ ಬಹಿರಂಗವಾಗಿದೆ.

ಕುಡಿಯುವ ನೀರು: ನೀರು ಅತ್ಯಂತ ಮುಖ್ಯವಾಗಿದೆ. ಇದು ನಿರ್ಜಲೀಕರಣವನ್ನು ತಡೆಯುವುದರ ಜೊತೆಗೆ ಹೊಟ್ಟೆಯನ್ನು ತುಂಬಿಸುತ್ತದೆ. ತಿನ್ನುವ ಮೊದಲು ನೀರು ಕುಡಿಯುವುದರಿಂದ ಹೊಟ್ಟೆ ತುಂಬಿದಂತಾಗುತ್ತದೆ. ಆದರೆ ಆಹಾರ ತಿಂದ ನಂತರ ಕಡಿಮೆ ನೀರು ಕುಡಿಯಿರಿ. ಊಟಕ್ಕೆ ಅರ್ಧ ಗಂಟೆ ಮೊದಲು ಅರ್ಧ ಲೀಟರ್ ನೀರು ಕುಡಿಯುವುದರಿಂದ ಹಸಿವು ಕಡಿಮೆಯಾಗುತ್ತದೆ ಮತ್ತು ದೇಹದಿಂದ ಕ್ಯಾಲೊರಿಗಳ ಪ್ರಮಾಣವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಸಂಶೋಧನೆ ತಿಳಿಸಿದೆ.