Weight Loss Tips: ಗೃಹಿಣಿಯರೇ, ಈ ಟಿಪ್ಸ್ ಫಾಲೋ ಮಾಡಿ, ಜಿಮ್ ಇಲ್ಲದೇ ತೂಕ ಇಳಿಸಿಕೊಳ್ಳಿ

ಇತ್ತೀಚಿನ ದಿನಗಳಲ್ಲಿ ತಪ್ಪಾದ ಜೀವನ ಶೈಲಿಯಿಂದ ಅನೇಕ ಮಂದಿ ತೂಕ ಹೆಚ್ಚಳದಿಂದ ಬಳಲುತ್ತಿದ್ದಾರೆ. ಹಾಗಾಗಿ ಅನೇಕ ಮಂದಿ ಜಿಮ್ಗೆ ಹೋಗುವುದರ ಬಗ್ಗೆ ಆಲೋಚಿಸುತ್ತಾರೆ. ಜಿಮ್ಗೆ ಹೋಗುವುದು ಸುಲಭ . ಆದರೆ ಗೃಹಿಣಿಯರಿಗೆ ತೂಕ ಇಳಿಸಿಕೊಳ್ಳಲು ಸ್ವಲ್ಪ ಕಷ್ಟವಾಗುತ್ತದೆ.

ಗೃಹಿಣಿಯರು ಯಾವಾಗಲೂ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿರುತ್ತಾರೆ. ಏಕೆಂದರೆ ಅವರಿಗೆ ತಮಗೆ ತಾವು ಸಮಯ ಕೊಟ್ಟಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಮನೆಯಲ್ಲಿ ದಿನನಿತ್ಯ ಅನೇಕ ಕೆಲಸಗಳಿಂದಾಗಿ ತಾವು ಹೆಚ್ಚಾಗುತ್ತಿರುವ ತೂಕದ ಬಗ್ಗೆ ಗಮನ ಹರಿಸಲು ಕೂಡ ಸಾಧ್ಯವಾಗುವುದಿಲ್ಲ.

ಅಷ್ಟೇ ಅಲ್ಲದೇ ಇದರಿಂದ ಜಿಮ್ಗೆ ಹೋಗಲು ಅಥವಾ ವ್ಯಾಯಾಮ ಮಾಡಲು ಸಮಯ ಕೂಡ ಇರುವುದಿಲ್ಲ. ಹಾಗಾಗಿ ಮಹಿಳೆಯರಿಗಾಗಿ ಕೆಲವು ಟಿಪ್ಸ್ಗಳನ್ನು ನಾವು ಇಂದು ನೀಡುತ್ತಿದ್ದೇವೆ. ಈ ಮೂಲಕ ಮನೆಯಲ್ಲಿಯೇ ಇದ್ದುಕೊಂಡು ನೀವು ತೂಕವನ್ನು ಸುಲಭವಾಗಿ ಇಳಿಸಬಹುದು.

ಗೃಹಿಣಿಯರೇ ನಿಮಗೆ ಜಿಮ್ಗೆ ಹೋಗಲು ಸಾಧ್ಯವಾಗದಿದ್ದರೆ, ಆದಷ್ಟು ವಾಕಿಂಗ್ ಮಾಡಿ. ಬೆಳಗ್ಗೆ ಮತ್ತು ಸಂಜೆ ವಾಕ್ ಮಾಡುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ಮೊದಲಿಗೆ ನಿಧಾನವಾಗಿ ವಾಕ್ ಮಾಡುತ್ತಾ ನಂತರ ವೇಗವಾಗಿ ವಾಕಿಂಗ್ ಮಾಡಿ. ಇದರ ನಂತರ ನೀವು ಕಾರ್ಡಿಯೋ ವ್ಯಾಯಾಮವನ್ನು ಮಾಡಬೇಕು. ಜೊತೆಗೆ ಆಹಾರದ ಬಗ್ಗೆಯೂ ವಿಶೇಷ ಕಾಳಜಿ ವಹಿಸಬೇಕು.

ಆಹಾರ ಕ್ರಮ: ನೀವು ಕಡಿಮೆ ಕ್ಯಾಲೋರಿ ಆಹಾರವನ್ನು ಸೇವಿಸಬೇಕು ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಿ. ಸರಿಯಾದ ಆಹಾರದ ಜೊತೆಗೆ ಸರಿಯಾದ ವ್ಯಾಯಾಮವನ್ನೂ ಮಾಡಬೇಕು. ಮನೆಯಲ್ಲಿ ತಯಾರಿಸಿದ ಆಹಾರವನ್ನೂ ಅಗತ್ಯಕ್ಕೆ ತಕ್ಕಂತೆ ಸೇವಿಸಬೇಕು. ಅತಿಯಾಗಿ ಆಹಾರವನ್ನು ಸೇವಿಸುವುದನ್ನು ನಿಲ್ಲಿಸಿ.

ಸಲಾಡ್, ಹಣ್ಣುಗಳು, ಮೊಸರು, ತರಕಾರಿಗಳ ಬಟ್ಟಲು, ಮಸೂರ, ಒಣ ಹಣ್ಣುಗಳು, ಬೀಜಗಳು ಇತ್ಯಾದಿಗಳನ್ನು ನಿಮ್ಮ ಆಹಾರದ ಜೊತೆಗೆ ತಿನ್ನಿ. ಈ ಸಿಂಪಲ್ ಟಿಪ್ಸ್ ಫಾಲೋ ಮಾಡುವ ಮೂಲಕ, ನೀವು ಮನೆಯಲ್ಲಿ ಕುಳಿತುಕೊಂಡೆ ನಿಮ್ಮ ತೂಕವನ್ನು ಕಡಿಮೆ ಮಾಡಿಕೊಳ್ಳಬಹುದು. ನೀವು ಜಿಮ್ಗೆ ಹೋಗಿ ಭಾರೀ ವ್ಯಾಯಾಮ ಮಾಡುವ ಅಗತ್ಯವಿಲ್ಲ. ನೀವು ಒಂದು ದಿನದಲ್ಲಿ ಕನಿಷ್ಠ 5 ರಿಂದ 10 ಸಾವಿರ ಹೆಜ್ಜೆಗಳನ್ನು ನಡೆಯಲು ಪ್ರಯತ್ನಿಸಿದರೂ ತೂಕ ಇಳಿಸಿಕೊಳ್ಳಬಹುದು.

(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)