ಸಂಗಾತಿಯೊಂದಿಗೆ ಪೋರ್ನ್ ವಿಡಿಯೋ ವೀಕ್ಷಿಸುವುದು ಉತ್ತಮ: ಅಧ್ಯಯನ

ಲೈಂಗಿಕ ಜೀವನ ಸುಖವಾಗಿರಬೇಕು ಎಂದು ಎಲ್ಲರೂ ಅಪೇಕ್ಷೆ ಪಡುತ್ತಾರೆ. ಇದರ ಬಗ್ಗೆ ಹೆಚ್ಚಿನ ಜ್ಞಾನವಿಲ್ಲದಿದ್ದರೆ ಆರಂಭದಲ್ಲೇ ದಾಂಪತ್ಯ ಜೀವನ ಹಳಿ ತಪ್ಪಬಹುದು. ಅನೇಕರಲ್ಲಿ ಸೆಕ್ಸ್​ ಕುರಿತಾಗಿ ಹಲವಾರು ರೀತಿಯ ಗೊಂದಲಗಳಿರುತ್ತವೆ. ಆದರೆ ಮಡಿವಂತಿಕೆಯು ಇಂತಹ ಪ್ರಶ್ನೆಗಳನ್ನು ಕಟ್ಟಿ ಹಾಕಿದೆ ಎಂದರೆ ತಪ್ಪಾಗಲಾರದು.

ಅದರಲ್ಲೂ ಪೋರ್ನ್​ ವಿಡಿಯೋ ವೀಕ್ಷಣೆ ಎಂಬುದು ಮಹಾಪರಾಧ ಎಂಬಂತೆ ಸಮಾಜ ಬಿಂಬಿಸಿದೆ. ಆದರೆ ಉತ್ತಮ ದಾಂಪತ್ಯ ಜೀವನಕ್ಕೆ ಪೋರ್ನ್ ವಿಡಿಯೋ ವೀಕ್ಷಣೆ ಕೂಡ ನೆರವಾಗುತ್ತೆ ಎನ್ನುತ್ತಿದೆ ಒಂದು ಅಧ್ಯಯನ.

ನಮ್ಮ ಸಮಾಜದಲ್ಲಿ ಪೋರ್ನ್ ವೀಕ್ಷಣೆಯಲ್ಲೂ ಲಿಂಗ ತಾರತಮ್ಯವನ್ನು ತಂದಿದ್ದೇವೆ ಎಂದರೆ ತಪ್ಪಾಗಲಾರದು. ಪುರುಷರು ಅಶ್ಲೀಲ ವಿಡಿಯೋ ವೀಕ್ಷಿಸುವುದು ಸಾಮಾನ್ಯವಾದರೆ, ಅದನ್ನೇ ಮಹಿಳೆಯರು ನೋಡಿದರೆ ಅಪರಾಧಿ ಸ್ಥಾನದಲ್ಲಿ ನಿಲ್ಲಿಸುತ್ತೇವೆ. ಆದರೆ ಲೈಂಗಿಕ ಬಂಧದಲ್ಲಿ ಪುರುಷ ಮತ್ತು ಸ್ತ್ರೀಯರು ಸಮಾನ ಪಾಲುದಾರರು ಎಂಬುದು ಗೊತ್ತಿರಲಿ.

ಈ ಬಗ್ಗೆ ಅಧ್ಯಯನ ನಡೆಸಿರುವ ತಂಡವೊಂದು, ದಂಪತಿಗಳ ಮೇಲೆ ಪೋರ್ನ್ ವಿಡಿಯೋ ಹೇಗೆ ಪರಿಣಾಮ ಬೀರುತ್ತಿದೆ ಎಂಬುದನ್ನು ಕಂಡುಕೊಂಡಿದ್ದಾರೆ. ಇದೇ ವೇಳೆ ಪೋರ್ನ್​ ವೀಕ್ಷಿಸದ ದಂಪತಿಗಳ ನಡುವೆ ಹೊಂದಾಣಿಕೆ ಸಮಸ್ಯೆ ಗಮರ್ನಾಹ ಕಡಿಮೆ ಮಟ್ಟದಲ್ಲಿರುವುದು ತಿಳಿದು ಬಂದಿದೆ.

ಅಂದರೆ ಜೊತೆಯಾಗಿ ಪೋರ್ನ್ ವಿಡಿಯೋ ವೀಕ್ಷಿಸುವ ಸಂಗಾತಿಗಳ ನಡುವೆ ಹೆಚ್ಚು ಹೊಂದಾಣಿಕೆ, ಬದ್ಧತೆ ಮತ್ತು ಭಾವನಾತ್ಮಕ ಅನ್ಯೋನ್ಯತೆ ಇರುವುದು ಕಂಡು ಬಂದಿದೆ ಎಂದು ಸೈಕಾಲಜಿ ಟುಡೆ ವರದಿ ಮಾಡಿದೆ.

ಅಶ್ಲೀಲತೆಯ ವಿಷಯದಲ್ಲಿ ಲಿಂಗ ಆಧಾರಿತ ವ್ಯತ್ಯಾಸಗಳು ಪರಿಣಾಮ ಬೀರುತ್ತಿದೆ. ಆದರೆ ಇಲ್ಲಿ ವಿಷಯವೆಂದರೆ, ಪೋರ್ನ್​ ವಿಡಿಯೋವನ್ನು ಒಟ್ಟಿಗೆ ನೋಡುವುದು ದಂಪತಿಗಳಿಗೆ ಆರೋಗ್ಯಕರವೆಂದು ಸಾಬೀತಾಗಿದೆ. ಅಶ್ಲೀಲ ಚಿತ್ರಗಳನ್ನು ನೋಡುವ ವೈವಾಹಿಕ ಸಂಬಂಧ ಅನ್ಯೋನ್ಯತೆಯಿಂದ ಕೂಡಿದೆ. ಜೊತೆಯಾಗಿ ಪೋರ್ನ್​ ನೋಡುವವರಲ್ಲಿ ಲೈಂಗಿಕ ಅನ್ಯೋನ್ಯತೆಯ ಹೆಚ್ಚಿದೆ ಎಂದು ಅಧ್ಯಯನವು ಹೇಳುತ್ತದೆ.

ಈ ಅಧ್ಯಯನದಲ್ಲಿ ಭಾಗವಹಿಸಿದವರಲ್ಲಿ 8.4% ರಷ್ಟು ಜನರು ಆಗಾಗ್ಗೆ ಪೋರ್ನ್ ವಿಡಿಯೋ ನೋಡಿದ್ದಾರೆಂದು ಹೇಳಿದರೆ, 39.2% ಮಂದಿ ಇದನ್ನು ಕೆಲವೊಮ್ಮೆ ಮಾತ್ರ ನೋಡುತ್ತೇವೆ ಎಂದಿದ್ದಾರೆ. ಇನ್ನು 52.4% ಮಂದಿ ಅಶ್ಲೀಲ ವಿಡಿಯೋ ನೋಡುವುದಿಲ್ಲ ಎಂದು ತಿಳಿಸಿದ್ದಾರೆ. ಇನ್ನು ಸಂಗಾತಿಯೊಂದಿಗೆ 3.2% ಜನರು ಮಾತ್ರ ಪೋರ್ನ್ ವಿಡಿಯೋ ನೋಡುತ್ತಿರುವುದಾಗಿ ತಿಳಿಸಿದರೆ, 40.1% ಜನರು ಕೆಲವೊಮ್ಮೆ ಜೊತೆಯಾಗಿ ಪೋರ್ನ್ ನೋಡುವುದಾಗಿ ತಿಳಿಸಿದ್ದಾರೆ. ಇನ್ನು 56.7% ಮಂದಿ ಜೊತೆಯಾಗಿ ಪೋರ್ನ್ ವೀಕ್ಷಣೆ ಮಾಡುವುದಿಲ್ಲ ಎಂದಿದ್ದಾರೆ.

ಈ ಬಗ್ಗೆ ಎಚ್ಚರವಿರಲಿ: ಅಶ್ಲೀಲ ವಿಡಿಯೋ ವೀಕ್ಷಣೆಯು ದಂಪತಿಗಳ ಮಾನಸಿಕ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ. ಏಕಾಂಗಿಯಾಗಿ ನೋಡುವುದು ಮತ್ತು ಒಟ್ಟಿಗೆ ನೋಡುವುದು ಎರಡೂ ಕೂಡ ಪಾಲುದಾರರ ನಡುವಣ ಆಕ್ರಮಣಕಾರಿ ಮನೋಭಾವವನ್ನು ಹೆಚ್ಚಿಸಬಹುದು. ಅತಿಯಾಗಿ ಅಶ್ಲೀಲ ವಿಡಿಯೋ ವೀಕ್ಷಣೆಯು ಒಬ್ಬರ ಸಂಬಂಧದಲ್ಲಿ ಕೆಲವು ಅಗತ್ಯಗಳನ್ನು ಪೂರೈಸಲಾಗುವುದಿಲ್ಲ ಎಂಬುದನ್ನು ಸೂಚಿಸಬಹುದು. ಹೀಗಾಗಿ ಲೈಂಗಿಕ ಶಿಕ್ಷಣ, ಸಂಬಂಧ ಶಿಕ್ಷಣ ಮತ್ತು ಜೋಡಿಗಳ ಚಿಕಿತ್ಸೆಯ ಪರಿಣಾಮಗಳನ್ನು ಚರ್ಚಿಸಬೇಕಾಗುತ್ತದೆ ಎಂದು ಅಧ್ಯಯನವು ತಿಳಿಸುತ್ತದೆ.