Hair Care: ಪ್ರತಿದಿನ ತಲೆಗೆ ಸ್ನಾನ ಮಾಡ್ತೀರಾ? ಇದರಿಂದ ಕೂದಲು ಉದುರುತ್ತಿದೆಯಾ? ಹಾಗಾದ್ರೆ ಈ ಸ್ಟೋರಿ ಓದಲೇಬೇಕು!

ಕೂದಲು ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಉದ್ದವಾದ, ದಪ್ಪ ಕೂದಲು ಪಡೆಯಲು ಹೆಣ್ಣು ಮಕ್ಕಳು ಪಡುವ ಪರದಾಟ ಅಷ್ಟಿಷ್ಟಲ್ಲ. ಶಾಂಪೂ, ಕಂಡೀಷನರ್, ಎಣ್ಣೆಗಳನೆಲ್ಲ ಬಳಸುತ್ತಾರೆ. ಆದರೆ ತಲೆಗೆ ಸ್ನಾನ ಮಾಡುವಾಗ ಕೆಲ ತಪ್ಪುಗಳನ್ನು ಮಾಡಬಾರದು. ಬದಲಾಗಿ ಈ ಬಗ್ಗೆ ಕೆಲವು ಸೂಕ್ಷ್ಮತೆಗಳನ್ನು ತಿಳಿದುಕೊಳ್ಳಬೇಕು.

ಹೌದು, ಕೆಲವರು ವಾರಕ್ಕೆ 2 ಬಾರಿ ತಲೆಗೆ ಸ್ನಾನ ಮಾಡಿದರೆ, ಮತ್ತೆ ಕೆಲವರು ವಾರಕ್ಕೆ ಒಂದು ಬಾರಿ ಮಾತ್ರ ಸ್ನಾನ ಮಾಡುತ್ತಾರೆ. ಏಕೆಂದರೆ ಕೂದಲು ತೊಳೆಯುವಾಗ ಎಲ್ಲಿ ಕೂದಲು ಉದುರುತ್ತದೆಯೋ ಎಂಬ ಭಯದಿಂದ ತಲೆಗೆ ಸ್ನಾನ ಮಾಡಲು ಹಿಂಜರಿಯುತ್ತಾರೆ. ಆದರೆ ಈ ಬಗ್ಗೆ ನೀವು ಕೆಲ ವಿಚಾರಗಳನ್ನು ತಿಳಿದುಕೊಳ್ಳಲೇಬೇಕು. ನಾವಿಂದು ನಿಮಗೆ ಈ ಬಗ್ಗೆ ಮಾಹಿತಿ ನೀಡುತ್ತೇವೆ.

ಕೂದಲಿಗೆ ಹಾನಿ ಆಗುವುದಿಲ್ಲ: ಪ್ರತಿದಿನ ನೀವು ತಲೆಗೆ ಸ್ನಾನ ಮಾಡಿದರೆ ಕೂದಲು ಉದುರುತ್ತದೆ ಎಂಬುವುದು ನಿಮ್ಮ ತಪ್ಪು ಭಾವನೆ. ಪ್ರತಿದಿನ ನಿಮ್ಮ ಕೂದಲನ್ನು ತೊಳೆಯುವುದರಿಂದ ನಿಮ್ಮ ಕೂದಲು ಮತ್ತು ನೆಮ್ಮದಿಗೆ ಹಾನಿ ಆಗುವುದಿಲ್ಲ.

ಕೂದಲು ಉದುರಲು ಕಾರಣ: ಕೂದಲು ಉದುರುವುದು ಒಂದು ದೊಡ್ಡ ಸಮಸ್ಯೆ ಆಗಿದೆ. ಜೆನೆಟಿಕ್ಸ್, ಹಾರ್ಮೋನ್ ಬದಲಾವಣೆಗಳು, ಒತ್ತಡ ಮತ್ತು ವೈದ್ಯಕೀಯ ಪರಿಸ್ಥಿತಿಗಳಂತಹ ವಿವಿಧ ಕಾರಣಗಳಿಂದ ಕೂಡ ಕೂದಲು ಉದುರುತ್ತದೆ. ಆದರೆ ಪ್ರತಿದಿನ ತಲೆಗೆ ಸ್ನಾನ ಮಾಡುವುದರಿಂದ ಕೂದಲು ಉದುರುವುದಿಲ್ಲ. ನಿಯಮಿತವಾಗಿ ತೊಳೆಯುವುದು ನೆತ್ತಿಯಿಂದ ಹೆಚ್ಚುವರಿ ಎಣ್ಣೆ, ಕೊಳಕು ಮತ್ತು ಬೆವರನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ, ಇದು ಆರೋಗ್ಯಕರ ನೆತ್ತಿ ಮತ್ತು ಕೂದಲಿನ ಬೆಳವಣಿಗೆಗೆ ಸಹಕಾರಿ ಆಗಿದೆ.

ಹೇರ್ ವಾಶ್ ವೇಳೆ ನೆನಪಿಟ್ಟುಕೊಳ್ಳಬೇಕಾದ ಅಂಶ: ಕಠಿಣವಾದ ಶ್ಯಾಂಪೂಗಳನ್ನು ಬಳಸುವುದನ್ನು ತಪ್ಪಿಸಬೇಕು. ಕೂದಲನ್ನು ಬಲವಾಗಿ ಉಜ್ಜಿ ಎಳೆಯುವುದು ಕೂದಲು ಮತ್ತು ನೆತ್ತಿಯನ್ನು ಹಾನಿಗೊಳಿಸುತ್ತದೆ. ಕಠಿಣವಾದ ಶ್ಯಾಂಪೂಗಳ ಬದಲಿಗೆ ಸೌಮ್ಯವಾದ ಶ್ಯಾಂಪೂಗಳನ್ನು ಬಳಸುವುದು ಮುಖ್ಯ. ಯಾವುದೇ ಶಾಂಪೂವಿನ ಕೆಮಿಕಲ್ ಕೂದಲಲ್ಲಿ ಉಳಿಯುವುದನ್ನು ತಪ್ಪಿಸಲು ಕೂದಲನ್ನು ಸಂಪೂರ್ಣವಾಗಿ ತೊಳೆಯುವುದು ಅತ್ಯಗತ್ಯ. ಇದು ಕೂದಲು ಕಿರುಚೀಲಗಳನ್ನು ಮುಚ್ಚಿ ಕೂದಲು ಉದುರುವಿಕೆಗೆ ಕಾರಣವಾಗಬಹುದು.

ದಿನಕ್ಕೆ 50 ರಿಂದ 100 ಕೂದಲು ಉದುರುವಿಕೆ: ಕೂದಲು ಶುಷ್ಕತೆ ಮತ್ತು ಸುಕ್ಕುಗಟ್ಟುವಿಕೆಯನ್ನು ತಪ್ಪಿಸಲು ಪ್ರತಿದಿನ ತಲೆಗೆ ಸ್ನಾನ ಮಾಡಿದ ನಂತರ ಕಂಡಿಷನರ್ ಬಳಸುವುದು ಉತ್ತಮ. ದಿನಕ್ಕೆ ಒಬ್ಬ ವ್ಯಕ್ತಿಯ ಕೂದಲು ಸುಮಾರು 50-100 ಕೂದಲು ಉದುರುತ್ತದೆ. ಈ ಕೂದಲು ಉದುರುವಿಕೆಯನ್ನು ಹೊಸ ಕೂದಲು ಬೆಳವಣಿಗೆಯಿಂದ ಬದಲಾಯಿಸಲಾಗುತ್ತದೆ ಮತ್ತು ಚಕ್ರವು ಪುನರಾವರ್ತನೆಯಾಗುತ್ತದೆ. ಆದ್ದರಿಂದ, ತೊಳೆಯುವಾಗ ಅಥವಾ ಬಾಚುವಾಗ ಕೆಲವು ಕೂದಲು ಉದುರುವುದು ಸಹಜ.

(Disclaimer: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ಇದಕ್ಕೆ ನ್ಯೂಸ್ 18 ಜವಾಬ್ದಾರಿಯಲ್ಲ)