Fashion Tips: ಮಹಿಳೆಯರೇ, ಕಡಿಮೆ ಬಜೆಟ್​ನಲ್ಲಿಯೇ ನೀವು ಸ್ಟೈಲಿಶ್ ಆಗಿ ಕಾಣ್ಬೇಕಾ? ನಿಮಗಾಗಿ ಈ ಟಿಪ್ಸ್!

ಇತ್ತೀಚೆಗೆ ಸಾಕಷ್ಟು ಮಹಿಳೆಯರು ಬಟ್ಟೆ ಮತ್ತು ಆಭರಣಗಳ ಬಗ್ಗೆ ಆಸಕ್ತಿ ತೋರಿಸಲು ಪ್ರಾರಂಭಿಸಿದ್ದಾರೆ. ಅನೇಕ ಮಂದಿ ದುಬಾರಿ ಆಭರಣ ಮತ್ತು ಬಟ್ಟೆಗಳಿಗೆ ಆದ್ಯತೆ ನೀಡುತ್ತಿದ್ದಾರೆ. ಆದರೆ ಕೆಲ ಮಂದಿಗೆ ಅವುಗಳನ್ನು ಖರೀದಿಸಲು ಸಾಧ್ಯವಾಗುತ್ತಿಲ್ಲ. ಆದರೀಗ ಈ ಬಗ್ಗೆ ಚಿಂತಿಸಬೇಡಿ ನಿಮ್ಮ ಬಜೆಟ್ನಲ್ಲಿಯೇ ಸುಂದರವಾದ ಬಟ್ಟೆಗಳನ್ನು ಖರೀದಿಸಲು ಟ್ರೈ ಮಾಡಬಹುದು. ಅಲ್ಲದೇ ಇದರಿಂದ ನೀವು ಖಂಡಿತವಾಗಿಯೂ ಇತರರಿಗಿಂತ ಹೆಚ್ಚು ಸ್ಟೈಲಿಶ್ ಆಗಿ ಕಾಣುತ್ತೀರಿ. ಅದು ಹೇಗಪ್ಪಾ ಅಂತೀರಾ ಹಾಗಾದ್ರೆ ಈ ಸ್ಟೋರಿ ಓದಿ.

ಚಿನ್ನಾಭರಣದಲ್ಲಿ ಹೂಡಿಕೆ ಮಾಡಿ: ಎಲ್ಲಾ ಮಹಿಳೆಯರಲ್ಲೂ ಚಿನ್ನಾಭರಣ ಖರೀದಿಸುವ ಬಯಕೆ ಹೆಚ್ಚಾಗಿರುತ್ತದೆ. ಆದರೆ ಎಲ್ಲರಿಗೂ ಚಿನ್ನಾಭರಣ ಖರೀದಿಸಲು ಸಾಧ್ಯಗುವುದಿಲ್ಲ. ಈ ಹಿನ್ನೆಲೆಯಲ್ಲಿ ಚಿನ್ನದ ಆಭರಣಗಳ ಬದಲಿಗೆ ಗೋಲ್ಡನ್ ಕಲರ್ನ ಆಭರಣಗಳನ್ನು ಖರೀದಿಸಿ ಧರಿಸಬಹುದು. ಈಗ ಪ್ರತಿ ಅಂಗಡಿಯಲ್ಲಿಯೂ ಕಡಿಮೆ ಬೆಲೆಗೆ ವಿವಿಧ ಮಾದರಿಯ ಆಭರಣಗಳನ್ನು ಮಾರಾಟ ಮಾಡಲಾಗುತ್ತದೆ. ಇಂಬನ್, ಕವರಿಂಗ್ ಗೋಲ್ಡ್, ಸಿಲ್ವರ್ ಗೋಲ್ಡ್ ಹೀಗೆ ಹಲವು ವಿಧಗಳಲ್ಲಿ ಆಭರಣಗಳು ಲಭ್ಯವಿದೆ.

ಸರಿಯಾದ ಬಣ್ಣವನ್ನು ಧರಿಸುವುದು : ನಿಮ್ಮ ಬಜೆಟ್ನಲ್ಲಿ ಡಿಫರೆಂಟ್ ಲುಕ್ನಲ್ಲಿ ಕಾಣಲು ನೀವು ಬಯಸಿದರೆ, ಬಣ್ಣವನ್ನು ಆಯ್ಕೆಮಾಡುವಲ್ಲಿ ಜಾಗರೂಕರಾಗಿರಿ. ಸರಿಯಾದ ಬಟ್ಟೆಗಳನ್ನು ಆರಿಸುವುದರಿಂದ ನೀವು ಸುಂದರವಾಗಿ ಕಾಣುತ್ತೀರಿ. ಕಂದು, ಬಿಳಿ, ಕಪ್ಪು, ಬೂದು, ಆಲಿವ್ ಮುಂತಾದ ಬಣ್ಣಗಳು ನಿಮ್ಮನ್ನು ಸುಂದರವಾಗಿ ಮತ್ತು ಐಷಾರಾಮಿಯಾಗಿ ಕಾಣುವಂತೆ ಮಾಡುತ್ತದೆ.

ಮೇಕಾಪ್​ ಮಾಡಿ: ನಿಮ್ಮನ್ನು ಉತ್ತಮವಾಗಿ ಕಾಣುವಂತೆ ಮಾಡಲು ಸೀಮಿತ ಬಜೆಟ್ನಲ್ಲಿ ಹಲವು ಐಷಾರಾಮಿಗಳಿವೆ. ಅದರಲ್ಲೂ ಐಬ್ರೋ, ಮ್ಯಾನಿಕ್ಯೂರ್ ಮತ್ತು ಪೆಡಿಕ್ಯೂರ್ ಮಾಡಬಹುದು. ಇದು ನಿಮ್ಮನ್ನು ಕಡಿಮೆ ಬೆಲೆಯಲ್ಲಿಯೇ ಉತ್ತಮವಾಗಿ ಕಾಣುವಂತೆ ಮಾಡುತ್ತದೆ.

ಬಟ್ಟೆಗಳತ್ತ ಗಮನ ಕೊಡಿ: ಇತ್ತೀಚಿನ ದಿನಗಳಲ್ಲಿ ಕಡಿಮೆ ಬೆಲೆಯಲ್ಲಿಯೂ ಮಾರುಕಟ್ಟೆಯಲ್ಲಿ ವಿವಿಧ ರೀತಿಯ ಬಟ್ಟೆಗಳು ಲಭ್ಯವಿವೆ. ಆದರೆ, ಆಯ್ಕೆ ಮಾಡುವಾಗ ನೀವು ಜಾಗರೂಕರಾಗಿರಬೇಕು. ಆನ್ಲೈನ್ನಲ್ಲಿ ಟ್ರೆಂಡಿ ಉಡುಗೆಗಳೂ ಇವೆ. ನೀವು ಕಡಿಮೆ ಬೆಲೆಯಲ್ಲಿ ಶಾಪಿಂಗ್ ಮಾಡಬಹುದು.

ಮ್ಯಾಚಿಂಗ್​  ಡ್ರೆಸ್​: ನಿಮ್ಮ ಪರ್ಸ್​ನಿಂದ ಹಿಡಿದು ನಿಮ್ಮ ಉಡುಪಿನವರೆಗೆ ಎಲ್ಲವೂ ಮ್ಯಾಚಿಂಗ್ ಆಗಿರಬೇಕು ಎಂಬುದನ್ನು ನೆನಪಿಡಿ. ಮ್ಯಾಚಿಂಗ್ ಆಗುವಂತಹ ವಸ್ತುಗಳು ತುಂಬಾ ಹೊಳಪು ಮತ್ತು ವೃತ್ತಿಪರವಾಗಿ ಕಾಣುತ್ತವೆ. ಜೊತೆಗೆ ನಿಮ್ಮನ್ನು ತುಂಬಾ ಸ್ಟೈಲಿಶ್ ಆಗಿ ಕಾಣುವಂತೆ ಮಾಡುತ್ತದೆ.

ನಿಮ್ಮ ಬಜೆಟ್​ಗೆ ಅನುಗುಣವಾಗಿ ನೀವು ದೊಡ್ಡ ಶಾಪಿಂಗ್ ಮಾಲ್ಗಳು ಮತ್ತು ಸ್ಟೋರ್ಗಳಲ್ಲಿ ಶಾಪಿಂಗ್ ಮಾಡಬಹುದು. ನೀವು ಬಟ್ಟೆ ಪರಿಕರಗಳತ್ತ ಗಮನಹರಿಸಿದರೆ, ನೀವು ಹೊಸ ಸ್ಟೈಲಿಶ್ ಡ್ರೆಸ್ ಧರಿಸಿ ಎಲ್ಲರನ್ನು ಆಕರ್ಷಿಸಬಹುದು. (Disclaimer: ಈ ಲೇಖನದಲ್ಲಿ ನೀಡಲಾದ ಮಾಹಿತಿ ಮತ್ತು ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18 ಇದಕ್ಕೆ ಜವಾಬ್ದಾರಿಯಲ್ಲ)