Sleep Tips: ರಾತ್ರಿ ನಿದ್ರೆ ಬರ್ತಿಲ್ವಾ? ಹಾಗಾದ್ರೆ ಈ ರೀತಿಯ ಹಾಸಿಗೆ ಮೇಲೆ ನೆಮ್ಮದಿಯಿಂದ ಮಲಗಿ

ಮಾನವನ ದೇಹ ಮತ್ತು ಮನಸ್ಸನ್ನು ಆರೋಗ್ಯಕರವಾಗಿ ಕಾಪಾಡಿಕೊಳ್ಳಲು ಉತ್ತಮ ನಿದ್ರೆ ಅತ್ಯಗತ್ಯ. ಕೆಲವರು ನೆಲದ ಮೇಲೆ ಮಲಗಿ ನಿದ್ರಿಸುತ್ತಾರೆ. ಆದರೆ ನೆಲದ ಉಷ್ಣತೆಯು ನಮ್ಮ ನಿದ್ರೆಗೆ ಭಂಗ ತರಬಹುದು. ಅದಕ್ಕಾಗಿ ಚಾಪೆಗಳು ಮತ್ತು ಕಾರ್ಪೆಟ್ಗಳನ್ನು ಬಳಸಲಾಗುತ್ತದೆ. ಹಾಸಿಗೆಯ ಮೇಲೆ ಮಲಗುವುದರಿಂದ ರಾತ್ರಿ ನಿದ್ದೆ ಚೆನ್ನಾಗಿ ಬರುತ್ತದೆ. ಆದರೆ ಕೆಲವರಿಗೆ ಮಾತ್ರ ಮೈ,ಕೈ ನೋವು, ಬೆನ್ನು ನೋವು ಇತ್ಯಾದಿಗಳು ಬರುತ್ತವೆ.

ಆದರೆ ಆರಾಮದಾಯಕವಾದ ಉತ್ತಮ ಗುಣಮಟ್ಟದ ಹಾಸಿಗೆಗಳನ್ನು ಬಳಸುವವರು ಅದರ ಬಗ್ಗೆ ಚಿಂತಿಸಬೇಕಾಗಿಲ್ಲ. ಏಕೆಂದರೆ ಉತ್ತಮ ಗುಣಮಟ್ಟದ ಹಾಸಿಗೆಗಳನ್ನು 10 ರಿಂದ 12 ವರ್ಷಗಳಿಗಿಂತಲೂ ಹೆಚ್ಚು ಕಾಲ ಯಾವುದೇ ತೊಂದರೆಗಳಿಲ್ಲದೇ ಬಳಸಬಹುದು.

ಆದರೆ ಕಳಪೆ ಗುಣಮಟ್ಟದ ಹಾಸಿಗೆಗಳನ್ನು ಆಗಾಗ ಬದಲಾಯಿಸುತ್ತಿರಬೇಕಾಗುತ್ತದೆ. ಅವುಗಳನ್ನು ಬದಲಾಯಿಸದಿದ್ದರೆ, ಇದರಿಂದ ಆರೋಗ್ಯ ಸಮಸ್ಯೆಗಳು ಉಂಟುಮಾಡಬಹುದು. ಹಾಗಾದರೆ ಗುಣಮಟ್ಟವಿಲ್ಲದ ಹಾಸಿಗೆಗಳನ್ನು ಬಳಸುವುದರಿಂದ ಉಂಟಾಗುವ ಆರೋಗ್ಯ ಸಮಸ್ಯೆಗಳೇನು? ಅವುಗಳನ್ನು ತಡೆಗಟ್ಟಲು ಯಾವ ರೀತಿಯ ಹಾಸಿಗೆಗಳನ್ನು ಬಳಸಬೇಕು ಎಂಬುವುದರ ಕುರಿತಂತೆ ಒಂದಷ್ಟು ಮಾಹಿತಿ ಈ ಕೆಳಗಿನಂತಿದೆ.

ಬೆನ್ನು, ಕುತ್ತಿಗೆ ಮತ್ತು ದೇಹ ನೋವು : ಕೆಲವರಿಗೆ ದೇಹದಲ್ಲಿ ಯಾವುದೇ ಸಮಸ್ಯೆ ಇಲ್ಲದಿರಬಹುದು. ಆದರೆ ಅವರು ಬೆಳಗ್ಗೆ ಎದ್ದಾಗ ಬೆನ್ನು ನೋವಿನಿಂದ ಬಳಲುತ್ತಿರುತ್ತಾರೆ. ಏಕೆಂದರೆ ಅವರು ಮಲಗುವ ಹಾಸಿಗೆ ಯೋಗ್ಯವಾಗಿರುವುದಿಲ್ಲ. ನೀವು ಆಗಾಗ್ಗೆ ಬೆಳಿಗ್ಗೆ ಅಂತಹ ನೋವುಗಳನ್ನು ಹೊಂದಿದ್ದರೆ, ನಿಮ್ಮ ಹಾಸಿಗೆ ದೋಷಪೂರಿತವಾಗಿರಬಹುದು. ಇಂತಹ ಸಮಸ್ಯೆಗಳನ್ನು ಹೋಗಲಾಡಿಸಲು ನೀವು ಉತ್ತಮ ಹಾಸಿಗೆಯನ್ನು ಆಯ್ಕೆ ಮಾಡಲು ಬಯಸಿದರೆ, ನೀವು ಹಗುರವಾದ ಮೆಮೊರಿ ಫೋಮ್ ಹಾಸಿಗೆಗಳನ್ನು ಬಳಸಬಹುದು. ಇದು ಮೈ,ಕೈ ನೋವನ್ನು ತಡೆಯುತ್ತದೆ. ಇದು ರಾತ್ರಿಯಿಡೀ ಆರಾಮದಾಯಕವಾಗಿ ಮಲಗಲು ಅನುವು ಮಾಡಿಕೊಡುತ್ತದೆ.

ಅಲರ್ಜಿ ಸಮಸ್ಯೆಗಳು: ನಿಮ್ಮ ಹಾಸಿಗೆಯಲ್ಲಿ ಧೂಳಿನ ಹುಳಗಳು ಇದ್ದರೆ, ನಿಮಗೆ ಅಲರ್ಜಿಯನ್ನು ಆಗಬಹುದು. ಇದು ಚರ್ಮ ಮತ್ತು ಉಸಿರಾಟದ ಸಮಸ್ಯೆಗಳನ್ನು ಉಂಟುಮಾಡಬಹುದು. ಹಾಸಿಗೆಯಲ್ಲಿನ ವಾಸನೆಯು ಅಂತಹ ಅಲರ್ಜಿಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ಆದ್ದರಿಂದ ಗುಣಮಟ್ಟದ ಹಾಸಿಗೆಯನ್ನು ಬಳಸುವುದರಿಂದ ಅಲರ್ಜಿಯ ಪರಿಣಾಮಗಳನ್ನು ಕಡಿಮೆ ಮಾಡಬಹುದು. ಏಕೆಂದರೆ ಅದರಲ್ಲಿರುವ ವಿಷಕಾರಿಯಲ್ಲದ ಫೋಮ್ಗಳು ಉಸಿರಾಡುವ ಮತ್ತು ಹೈಪೋಲಾರ್ಜನಿಕ್ ಆಗಿದ್ದು, ನಿಜವಾದ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ.

ಅತಿಯಾದ ಬೆವರುವಿಕೆ : ಕೆಟ್ಟ ಗುಣಮಟ್ಟದ ಹಾಸಿಗೆಯಲ್ಲಿ ಉಸಿರಾಡಲು ಸಾಧ್ಯವಾಗುವುದಿಲ್ಲ. ಇದರಿಂದ ಬಿಸಿ ಹೆಚ್ಚಾಗಿರುತ್ತದೆ. ಇಂತಹ ಹಾಸಿಗೆ ಬಳಸುವವರು ವಿಪರೀತವಾಗಿ ಬೆವರುತ್ತಾರೆ. ಗುಣಮಟ್ಟದ ಹಾಸಿಗೆಯಲ್ಲಿ ಗಾಳಿ ಸಂಚಾರಕ್ಕೆ ಸ್ಥಳವಿರುತ್ತದೆ. ಇದರಿಂದ ಆರೋಗ್ಯ ಸುಧಾರಿಸುತ್ತದೆ ಮತ್ತು ನಿಮ್ಮನ್ನು ತಂಪಾಗಿರಿಸುತ್ತದೆ.

ಗುಣಮಟ್ಟವಿಲ್ಲದ ಹಾಸಿಗೆಗಳು: ಉತ್ತಮ ಗುಣಮಟ್ಟವಲ್ಲದ ಹಾಸಿಗೆಗಳನ್ನು ಐದು ವರ್ಷಗಳವರೆಗೆ ಮಾತ್ರ ಬಳಸಬಹುದು. ಅಲ್ಲದೇ ಇಂತಹ ಹಾಸಿಗೆಗಳ ಮೇಲೆ ಮಲಗುವುದರಿಂದ ಬೆನ್ನು ನೋವು, ಕುತ್ತಿಗೆ ನೋವು, ನಿದ್ರಾಹೀನತೆ ಮುಂತಾದ ಹಲವಾರು ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ಆದ್ದರಿಂದ, ಅಂತಹ ಹಾಸಿಗೆಗಳು ನಿಮಗೆ ಸಾಕಷ್ಟು ಆರಾಮದಾಯಕವಲ್ಲದಿದ್ದಾಗ ಅವುಗಳನ್ನು ಬದಲಾಯಿಸುವುದು ಮುಖ್ಯ ಎಂದು ಶ್ರೀ ಮ್ಯಾಗ್ನಿಫ್ಲೆಕ್ಸ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕರಾದ ಆನಂದ ನಿಚಾನಿ ಹೇಳುತ್ತಾರೆ.