Vitamin E Capsule: ಉಗುರಿನ ಆರೋಗ್ಯದಿಂದ ತಲೆಹೊಟ್ಟಿನ ಸಮಸ್ಯೆಯವರೆಗೆ ವಿಟಮಿನ್ ಇ ಕ್ಯಾಪ್ಸುಲ್ ಪ್ರಯೋಜನಗಳಿವು

ವಿಟಮಿನ್ ಇ ಯಲ್ಲಿರುವ ಪೋಷಕಾಂಶಗಳು ಚರ್ಮ ಮತ್ತು ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ವಿಟಮಿನ್ ಇ ವಯಸ್ಸಾಗುವುದನ್ನು ತಡೆಯಲು ದೇಹದಲ್ಲಿ ರಕ್ತ ಹೆಪ್ಪುಗಟ್ಟುವುದನ್ನು ತಡೆಯಲು ಸಹಾಯ ಮಾಡುತ್ತದೆ. ಇದಲ್ಲದೇ, ಇದು ಶ್ವಾಸಕೋಶದಲ್ಲಿ ಮಾಲಿನ್ಯಕಾರಕಗಳು ಸಂಗ್ರಹವಾಗುವುದನ್ನು ಸಹ ಇದು ತಡೆಯುತ್ತದೆ.

ನಮ್ಮಆಹಾರದಲ್ಲಿ ಹಸಿರು ತರಕಾರಿಗಳು, ಹಣ್ಣುಗಳು ಮತ್ತು ಗೋಧಿಯಂತಹ ವಿಟಮಿನ್ ಇ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಬೇಕು. ಜೊತೆಗೆ ನೀವು ವಿಟಮಿನ್ ಇ ಯಲ್ಲಿ ಸಮೃದ್ಧವಾಗಿರುವ ಆಹಾರವನ್ನು ತಿನ್ನುವ ಬದಲು ಇವಿಯನ್ ಕ್ಯಾಪ್ಸುಲ್ ಎಂದು ಕರೆಯಲ್ಪಡುವ ವಿಟಮಿನ್ ಇ ಮಾತ್ರೆಗಳನ್ನು ಬಳಸಬಹುದು.

ಉಗುರಿನ ಬೆಳವಣಿಗೆಗೆ
ನಮ್ಮಲ್ಲಿ ಹೆಚ್ಚಿನವರು ಅಡುಗೆ ಮಾಡುವುದು, ಬಟ್ಟೆ ಒಗೆಯುವುದು, ಮನೆ ಸ್ವಚ್ಛಗೊಳಿಸುವುದು, ಮಕ್ಕಳ ಆರೈಕೆ ಹೀಗೆ ಕೆಲಸಗಳಲ್ಲಿ ಬ್ಯುಸಿ ಇರುತ್ತಾರೆ. ಇದರಿಂದ ನಮ್ಮ ಉಗುರಿನ ಬಗ್ಗೆ ಕಾಳಜಿವಹಿಸಲು ಆಗುವುದಿಲ್ಲ. ಇದರಿಂದ ಚರ್ಮ ಸಿಪ್ಪೆ ಸುಲಿಯುವುದು, ತುರಿಕೆ, ಹುಣ್ಣುಗಳು ಉಂಟಾಗುವುದು ಮಾತ್ರವಲ್ಲದೇ ಉಗುರು ಸಹ ಪದೇ ಪದೇ ಮುರಿಯುತ್ತದೆ.

ಉಗುರಿನ ಬೆಳವಣಿಗೆಗೆ
 ಆದ್ದರಿಂದ ನೀವು ನಿಮ್ಮ ಕೈ ಮತ್ತು ಉಗುರುಗಳನ್ನು ಕಾಳಜಿ ವಹಿಸುವುದು ಮುಖ್ಯವಾಗುತ್ತದೆ. ಅದಕ್ಕಾಗಿ ವಿಟಮಿನ್ ಇ ಎಣ್ಣೆಯನ್ನು ಬಳಸಬಹುದು. ರಾತ್ರಿ ನೀವು ಮಲಗುವ ಮುನ್ನ, ವಿಟಮಿನ್ ಇ ಎಣ್ಣೆಯಿಂದ ನಿಮ್ಮ ಉಗುರುಗಳ ಸುತ್ತಲಿನ ಚರ್ಮವನ್ನು ನಿಧಾನವಾಗಿ ಮಸಾಜ್ ಮಾಡಿ ಸಾಕು.

ಕೂದಲ ಬೆಳವಣಿಗೆಗೆ
ಕೂದಲು ಉದುರುವುದು ಪುರುಷರು ಮತ್ತು ಮಹಿಳೆಯರು ಎದುರಿಸುತ್ತಿರುವ ಸಾಮಾನ್ಯ ಸಮಸ್ಯೆಗಳಲ್ಲಿ ಒಂದಾಗಿದೆ. ಇದಕ್ಕಾಗಿ ಅನೇಕ ಆಯುರ್ವೇದ ತೈಲಗಳನ್ನು ಬಳಸುತ್ತಾರೆ ಆದರೆ ವಿಟಮಿನ್ ಇ ಎಣ್ಣೆ ಇದಕ್ಕೆ ಉತ್ತಮ ಪರಿಹಾರವಾಗಿದೆ. ಆದ್ದರಿಂದ ನೀವು ವಿಟಮಿನ್ ಇ ಕ್ಯಾಪ್ಸುಲ್ನಿಂದ ಎಣ್ಣೆಯನ್ನು ತೆಗೆದುಕೊಂಡು ಕೂದಲಿಗೆ ಹಚ್ಚಿ.

ಸುಕ್ಕು ಕಡಿಮೆ ಮಾಡುತ್ತದೆ
ವಿಟಮಿನ್ ಇ ಸುಕ್ಕು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ಆ್ಯಂಟಿ ಆಕ್ಸಿಡೆಂಟ್​ಗಳನ್ನು ಸಮೃದ್ಧವಾಗಿ ಹೊಂದಿದ್ದು, ರಕ್ತ ಪರಿಚಲನೆ ಹೆಚ್ಚಿಸುತ್ತದೆ. ವಿಟಮಿನ್ ಇ ಎಣ್ಣೆಯಿಂದ ಮುಖಕ್ಕೆ ಮಸಾಜ್ ಮಾಡುವುದರಿಂದ, ಚರ್ಮ ಕಾಂತಿಯುತವಾಗಿ ಹೊಳೆಯುತ್ತದೆ.

ಅಲರ್ಜಿ
ಅನೇಕ ಜನರು ಅಲರ್ಜಿ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಚರ್ಮದ ಕಿರಿಕಿರಿ ಮತ್ತು ತುರಿಕೆ ಇದ್ದರೆ ವಿಟಮಿನ್ ಇ ಕ್ಯಾಪ್ಸುಲ್ ಸಹಾಯ ಮಾಡುತ್ತದೆ. ಇದು ಚರ್ಮದ ಮೇಲಿನ ಮೊಡವೆ ಮತ್ತು ಕಲೆಗಳನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ.

ಇದು ಹಲವಾರು ಪ್ರಯೋಜನಗಳನ್ನು ಹೊಂದಿದ್ದರೂ, ಅದನ್ನು ಬಳಸುವ ಮೊದಲು ನೀವು ನಿಮ್ಮ ವೈದ್ಯರನ್ನು ಸಂಪರ್ಕಿಸಬೇಕು ಎಂಬುದನ್ನು ನೆನಪಿಡಿ.