ಪದಗಳಿಗೆ ನಿಲುಕದ ಪ್ರೀತಿಯನ್ನು ನಾ ಮುತ್ತಿನಲ್ಲೇ ತಿಳಿಸಲೇ... ಹೌದು ಇಂದು ಪ್ರೇಮಿಗಳ ವಾರದ ಮುತ್ತಿನ ದಿನ. ಮುತ್ತಿನ ಕಿಮ್ಮತ್ತು ಗಮ್ಮತ್ತು ಏನೆಂದು ತಿಳಿಯಲು ಪ್ರೇಮಿಗಳನ್ನೇ ಕೇಳಬೇಕು. ಏಕೆಂದರೆ ಅಧರದಿಂದ ಮೂಡಿ ಬರುವ ಒಂದು ಸಿಹಿಮುತ್ತು ಪ್ರೇಮಸಂಬಂಧವನ್ನು ಗಟ್ಟಿಗೊಳಿಸುತ್ತದೆ ಎಂಬುದು ನಿಜ. ಆದರೆ ನಿಮ್ಮ ಸಂಗಾತಿಗೆ ಮೊದಲ ಬಾರಿ ಚುಂಬಿಸುವಾಗ ನಾಚಿಕೆ, ಆತಂಕ ಮತ್ತು ಹಿಂಜರಿಕೆ ಇರುತ್ತದೆ. ಇವೆಲ್ಲಕ್ಕಿಂತ ಹೆಚ್ಚಾಗಿ ಮನಸ್ಸಿನಲ್ಲಿ ಭಾವನೆಗಳ ಅಲೆಯೆದ್ದಿರುತ್ತದೆ. ಪ್ರೀತಿಯಲ್ಲಿ ನಂಬಿಕೆಯ ಹಂತವನ್ನು ದಾಟಿಯೇ ಮಧುರ ಅಧರದ ಸ್ಪರ್ಶವಾಗುತ್ತದೆ ಎಂಬುದು ನೆನಪಿನಲ್ಲಿರಲಿ. ಒಂದಾರ್ಥದಲ್ಲಿ ಪ್ರೀತಿಯನ್ನು ವ್ಯಕ್ತಪಡಿಸಲು ವಿಭಿನ್ನವಾಗಿ ಚುಂಬಿಸಲಾಗುತ್ತದೆ. ವ್ಯಾಲೆಂಟೈನ್ಸ್ ಡೇಯ ಮುತ್ತಿನ ದಿನದಲ್ಲಿ ಕೆಲ ಕಿಸ್ಮತ್ ಕನೆಕ್ಷನ್ ಬಗ್ಗೆ ತಿಳಿಸಲಾಗಿದೆ.
ನಿಮ್ಮ ಸಂಗಾತಿಯು ಕೈಯನ್ನು ಚುಂಬಿಸಿದರೆ, ಅದು ನಿಮ್ಮ ಮೇಲಿರುವ ಪ್ರೀತಿಯನ್ನು ಸೂಚಿಸುತ್ತದೆ. ಅದರಲ್ಲೂ ಮುಖ್ಯವಾಗಿ ತನ್ನ ಭಾವನೆಯನ್ನು ಕೈಗೆ ಸಿಹಿಮುತ್ತಿಡುವ ಮೂಲಕ ವ್ಯಕ್ತಪಡಿಸುತ್ತಿದ್ದಾನೆ ಎಂದರ್ಥ.
ಅಧರ-ಅಧರ ಸೇರಿದಾಗ ಮೂಡುವ ಮಧುರ ಅನುಭವನ್ನು ಎಸ್ಕಿಮೊ ಕಿಸ್ ಎಂದು ಕರೆಯಲಾಗುತ್ತದೆ. ತನ್ನ ಸಂಗಾತಿಯೊಂದಿಗಿನ ಪ್ರಣಯವನ್ನು ತೋರಿಸಲು ಪ್ರೇಮಿಗಳು ಇಂತಹ ಮುತ್ತು ನೀಡುತ್ತಾರೆ.
ಪ್ರೇಮಿಗಳು ತುಟಿಗಳ ಚುಂಬನದೊಂದಿಗೆ ನಾಲಿಗೆ ಜೊತೆ ಸರಸದಲ್ಲಿರುವುದನ್ನು ಫ್ರೆಂಚ್ ಕಿಸ್ ಎಂದು ಕರೆಯಲಾಗುತ್ತದೆ. ಬಾಲಿವುಡ್ ಸಿನಿಮಾಗಳಲ್ಲಿ ಇಂತಹ ಕಿಸ್ಗಳು ಇತ್ತೀಚೆಗೆ ಸಾಮಾನ್ಯ. ಅದರಲ್ಲೂ ಇಮ್ರಾನ್ ಹಶ್ಮಿ ಎಂಬ ನಟನನ್ನು ಸೀರಿಯಲ್ ಕಿಸ್ಸರ್ ಆಗಿಸಿದ್ದು ಇಂತಹ ಮುತ್ತುಗಳು.
ಲವ್ ಬೈಟ್ ಇದು ಕೂಡ ಒಂದು ರೀತಿಯ ಕಿಸ್. ಸಂಗಾತಿಗೆ ಮುತ್ತಿಡಬೇಕೆಂದೆನಿಸಿದಾಗ, ತನ್ನ ಇನಿಯ ಅಥವಾ ಇನಿಯಳ ಕೆನ್ನೆಯ ಭಾಗ ಅಥವಾ ಗಂಟಲಿನ ಭಾಗವನ್ನು ತುಟಿಗಳಿಂದ ಕಚ್ಚುವುದನ್ನು ಲವ್ ಬೈಟ್ ಎನ್ನಲಾಗುತ್ತದೆ.
ತನ್ನ ಸಂಗಾತಿಯ ಬೆನ್ನ ಹಿಂದೆಯಿಂದ ಮುತ್ತಿಡುವುದನ್ನು ಸ್ಪೈಡರ್ಮ್ಯಾನ್ ಕಿಸ್ ಎಂದು ಕರೆಯಲಾಗುತ್ತದೆ. ಈ ರೀತಿಯ ಸ್ಪರ್ಶವನ್ನು ಸಂಗಾತಿಗಳು ಹೆಚ್ಚಾಗಿ ಬಯಸುತ್ತಾರೆ.
ಮಮತೆಯ ಮುತ್ತು. ಹೌದು, ಸಂಗಾತಿಯು ಪ್ರೀತಿಯಿಂದ ಹಣೆಗೆ ಕೊಡುವ ಸಿಹಿಮುತ್ತು ಪರಸ್ಪರ ಗೌರವವನ್ನು ಮತ್ತು ಕಾಳಜಿಯನ್ನು ವ್ಯಕ್ತಪಡಿಸುತ್ತದೆ. ಅಲ್ಲದೆ ಈ ರೀತಿಯ ಚುಂಬನ ಪ್ರೇಮಿಗಳ ಸಂಬಂಧವನ್ನು ಮತ್ತಷ್ಟು ಗಟ್ಟಿಯಾಗಿಸುತ್ತದೆ.
ಉನ್ಮಾದದ ಚುಂಬನ. ಸಂಗಾತಿಯೊಂದಿಗೆ ಪ್ರಣಯದಲ್ಲಿ ಶರೀರದ ಪ್ರಮುಖ ಭಾಗಗಳಿಗೆ ನೀಡುವ ಚುಂಬನವನ್ನು ಬಿಗ್ ಟಿಸ್ ಕಿಸ್ ಎನ್ನಲಾಗುತ್ತದೆ.
ಪ್ರಣಯದಾಟದಲ್ಲಿ ಪ್ರೇಮಿಗಳು ಅಚಾನಕ್ಕಾಗಿ ಕಿವಿ ಭಾಗದಲ್ಲಿ ನೀಡುವ ಸಿಹಿ ಮುತ್ತನ್ನು ಇಯರ್ಲೊಬ್ ಕಿಸ್ ಎಂದು ಕರೆಯಲಾಗುತ್ತದೆ. ರೊಮ್ಯಾಂಟಿಕ್ ಮೂಡ್ನಲ್ಲಿದ್ದಾಗ ಇಂತಹ ಚುಂಬನ ಪ್ರೇಮಿಗಳನ್ನು ಮತ್ತಷ್ಟು ಹತ್ತಿರವಾಗಿಸುತ್ತದೆ.
ಸಂಗಾತಿಯನ್ನು ಮುಂದೆ ನಿಲ್ಲಿಸಿ ತುಟಿಗೆ ತುಟಿ ಒತ್ತಿ ಪ್ರೀತಿಯಿಂದ ವ್ಯಕ್ತಪಡಿಸುವ ಭಾವನೆಯ ಚುಂಬನವನ್ನು ಲಿಪ್ ಕಿಸ್ ಎಂದು ಕರೆಯಲಾಗುತ್ತದೆ.
ದೂರದಿಂದಲೇ ತನ್ನ ಜೊತೆಗಾರ ಅಥವಾ ಜೊತೆಗಾತಿಗೆ ಗಾಳಿಯಲ್ಲಿ ನೀಡುವ ಚುಂಬನವನ್ನು ಫ್ಲೈಯಿಂಗ್ ಕಿಸ್ ಎಂದು ಕರೆಯಲಾಗುತ್ತದೆ. ಶತಕ ಬಾರಿಸಿದಾಗ ವಿರಾಟ್ ಕೊಹ್ಲಿ ಪೆವಿಲಿಯನ್ನಲ್ಲಿದ್ದ ಅನುಷ್ಕಾಗೆ ಹಲವು ಬಾರಿ ಫ್ಲೈಯಿಂಗ್ ಕಿಸ್ ಮಾಡಿ ಗಮನ ಸೆಳೆದಿದ್ದರು. ಕಿಸ್ನಲ್ಲಿ ಹಲವು ಬಗೆಯಿದ್ದರೂ, ಚುಂಬಿಸುವ ಮುನ್ನ ನಿಮ್ಮ ಸಂಗಾತಿಯ ಒಪ್ಪಿಗೆ ಇರಲಿ ಎಂಬುದು ಮಾತ್ರ ನಮ್ಮ ಸಲಹೆ.
